हामी घरपालुवा जनावरहरूको सामूह हौं, तपाईसंग कुरा गर्दै, या त प्रत्यक्ष वा जनावर सन्चारकर्मीको सहयोगले तपाईलाई

तपाईको घरपालुवा जनावरसंग पुन: बोल्न प्रोत्साहित गछौं।

हाम्रो लागि "मृत्यु" भन्ने चीज हुदैन, हामी जीवनलाई एक निरन्तरताको रूपमा हेर्छौ र जसमा पार गर्ने भनेको समावेश छ। हामी आखाले नदेखिने भए पनि तपाईको जस्तै हाम्रो आत्मा जीवित छ।

हामी तपाईलाई यो सत्य हो भन्ने विचार मनोरञ्जन गर्न प्रोत्साहन गर्छौ। यस तरिकाले, हामी संचार गर्न सक्षम हुनेछौं र आशा छ कि तपाईको मनले उपचार पाउन सक्नेछ। तपाईले आफ्नो महान साथी गुमाउनु भएको छ, त्यै पनि अर्को तरिकामा, यो साथी अझै तपाईसंग उपस्थित छ। यी दुवै वाक्य एकै समयमा सत्य छन्। 

हामी तपाईलाई तपाईको घरपालुवा जनावरसंग पुन: जडान गराउन र तपाईले तिनीहरूलाई भन्न चाहनुहुने सबै कुरा भन्न सक्षम भएको साहयता गर्न चाहन्छौं। तपाईको घरपालुवा जनावरसंग कुरा गर्नाले तपाईको पीडा कम गर्न साहयता गर्दछ किन कि तपाईले संगै बिताएका राम्रा समयहरू सम्झेर अनुभव गर्नुहुन्छ र तपाई सधैं जोडिएर रहनुहुन्छ। यो सबै घरपालुवा जनावरहरूको परिवारको लागि मुख्य सन्देश हो:           

हामी सधैं यहाँ छौं।

तपाईलाई हाम्रो बारेमा कस्तो लाग्यो ?

हाम्रो आँखामा हेरेको याद छ? तपाईले के देख्नु भयो ? 

हामीले तपाईलाई भन्न चाहेको केही कुरा केहि महसुस गर्नु भयो?

तपाईले हामीलाई भन्न चाहनु भएको केहि थियो ?

तपाईले अहिले यो क्षण सम्झँदा कस्तो महसुस गर्नुभयो, के सोच्नुभएको थियो र तपाईले हाम्रो जीवनलाई संगै कसरी कल्पना गर्नुभयो भनेर याद गर्न सक्नु हुन्छ। सायद तपाईले हामीलाई पहिलेको समय वा जीवनकालबाट चिन्नुभएको महसुस गर्नुभयो होला। 

तपाईले हाम्रो पहिलो भेटको तस्विर, शब्द वा आकार र रंगहरूमा चित्रण गर्न सक्नुहुनेछ। र यसरी सुरु भयो हाम्रो सम्बन्ध।

यदि तपाई शुरुवातलाई स्वीकार गर्न सक्नुहुन्छ भने तपाईले आफ्नो हानि निको पार्न पनि सुरु गर्न सक्नुहुनेछ। 

यो क्षण र समयमा फर्कन अवस्य तपाईलाई केहि साहस चाहिन्छ।

जब मानिसहरूले विदा लिने समय आउछ, धेरै कुराहरू भन्न बाँकी रहला र पछि उनीहरूले नबोलिएका सबै शब्दहरू र नगरिएका कुराहरूका लागि दुःखी महसुस गर्न सक्छन्।

हामीलाई थाहा छ कि तपाईले अझै पनि हामीलाई भन्न र हामीसंग गर्न चाहनु हुने धेरै कुराहरू होलान।

तपाईले हामीलाई बताउन चाहनु हुने सबै कुराहरू - भन्न - वा लेख्न - हामी तपाईलाई प्रोत्साहित गर्दछौं। हुनसक्छ त्यहाँ कुनै निश्चित रूप वा कुनै भावना हुन सक्ला। यहाँ आफूलाई र आफ्नो सबैभन्दा मिल्ने साथीलाई त्यो अन्तिम भेटको बारेमा के सम्झना छ भनी बताउनको लागि ठाउँ राखि दिएका छौ।

सायद हामीले संगै बिताएका विशेष क्षणहरूका बारेमा कुरा गर्न चाहनुहुन्छ होला। सायद ती विशेष सम्झनाहरू जसले तपाईलाई हसाएको वा रुवाएको होला, वा ती सब कुराहरू व्यक्त गर्न चाहानुहुन्छ जसको लागि तपाई कृतज्ञ हुनुहुन्छ होला।

तपाईले आफ्नो मन देखि बोल्न चाहानु भएको सबै कुरा भन्नको लागी यहाँ तपाईलाई एउटा अवसर प्रधान गर्दछौ।

यसलाई कुनै कार्य वा कर्तव्यको रूपमा नठान्नुहोस्, यो केवल हाम्रो निमन्त्रणा हो - र हामी आशा गर्छौं कि हामीले सुन्नेछौं। 

साहस लिनुहोस् र हृदयबाट बोल्नुहोस् र सबै राम्रो हुनेछ।

यो लामो कुराकानीको सुरुवात मात्र हो। तपाईले याद गर्नुहुनेछ कि हाम्रो सम्बन्ध अब फरक तरिकाले जारी रहनेछ। आफैसंग नम्र हुनुहोस् र जुन क्षणमा तपाईलाई सहि महसुस लाग्छ त्यहि मात्र गर्नु होस्।

एक दिन तपाईले महसुस गर्नु हुनेछ कि हाम्रो सम्बन्ध अझै गजबको छ र हामी कतै गएका छैनौं, हामी सबै अझै यहीँ छौं।

कृतज्ञताको बुलबुला

तपाईले भन्नु पर्ने सबै कुरा बताइ सकेपछि, हामी तपाईलाई कृतज्ञताको बुलबुलामा बस्न आमन्त्रित गर्दछौं। हामीले संगै बिताएका समयको लागि धेरै कृतज्ञ छौं र तपाईले पनि आफ्नै कृतज्ञता महसुस गर्नुहोस्। हेर्नुहोस् कसरी कृतज्ञताको सुनौलो गोला हाम्रो वरिपरि छ।

यहाँ केहि पशु संचार सत्रहरू छन् जुन तपाई आफैले आफ्नो साथीसंग जडान गर्न प्रयास गर्न सक्नुहुन्छ।

यो एक अन्तरक्रियात्मक पुस्तक हो। हामी तपाईको उत्तरहरू भर्नका लागि केही खाली ठाउँहरू छोड्नेछौं। तपाई पक्कै पनि आफ्नो कागज वा नोटबुक प्रयोग गर्न सक्नुहुन्छ। यसरी तपाई यस यात्रामा भाग लिन सक्नुहुन्छ।

यदि तपाई आफ्नो पाल्तु जनावरसंग आफ्नो आँखा बन्द गरेर कुराकानी गर्न चाहनुहुन्छ भने तपाईसंग यी सत्रहरू रेकर्डिङको रूपमा पनि उपलब्ध हुनेछन्।
तपाईले यहाँ रेकर्डिङहरू फेला पार्न सक्नुहुन्छ: 

https://feeds.transistor.fm/always-here

केहि प्रश्न र उत्तरहरु

पहिलो सत्र सुरु गर्नु अघि, हामी केहि प्रश्नहरू सम्बोधन गर्न चाहन्छौं जुन तपाईको लागि हुन सक्ला।

यो कसरी काम गर्छ - म यो कसरी कल्पना गर्न सक्छु?

यस प्रकारको कुराकानी तपाईले कसैलाई फोन गर्दा गरेको कुराकानीसंग मिल्दोजुल्दो छ। तपाईले तिनीहरूलाई देख्न सक्नुहुन्न, तर तपाईलाई थाहा छ तिनीहरू त्यहाँ छन् भनेर। यो हाम्रो घरपालुवा जनावरको साथ समान छ - तिनीहरू पनि त्यहाँ छन्।

सायद तपाई सोच्नुहोला कि आफ्नो आँखा खुला वा बन्द गर्नु राम्रो हो।

जस्तै कुनै कुरामा ध्यान दिए वा चिन्तन गरे झै ,धेरै मानिसहरू आफ्नो आँखा बन्द गर्न रुचाउँछन्। अरूले आँखा खोलेर वा आधा खुला राखेर कुरा गर्न रुचाउँछन्। यसले पनि राम्रो काम गरेको देखिन्छ। यो तपाईमा भर पर्छ कि तपाईको लागी सबै भन्दा राम्रो के ले काम गर्दछ भनेर।

के तपाईलाई सम्पर्क गर्न आफ्नो घरपालुवा जनावरको फोटो चाहिन्छ?

तपाईलाई तपाईको घरपालुवा जनावरको फोटो चाहिदैन, केवल आफ्नो कल्पनामा भर पर्नुहोस्, तपाईको घरपालुवा जनावर देख्नको लागी तिनीहरूलाई सम्झनु होस्।

यो भित्री छवि तस्बिरमा रहेको छविसंग मिल्दोजुल्दो नहुन सक्ला।

केवल याद गर्नुहोस् कि तपाईको पाल्तु जनावर तिनीहरूको सारमा तपाईसंग उपस्थित छन् । तिनीहरूले आफूलाई नयाँ तरिकामा देखाउन सक्छन्।

तपाईले तिनीहरूको कम्पनलाई जुनसुकै रूपमा पहिचान गर्न सक्नुहुनेछ, किनभने तपाईले तिनीहरूलाई चिन्नुहुन्छ।

के तपाईसंग यस प्रक्रियाको बारेमा थप प्रश्नहरू छन्?

तपाईले तिनीहरूलाई यहाँ नोट गर्न सक्नुहुन्छ। हामी सत्रहरू मार्फत जाँदा ति प्रश्नहरुको जवाफ तपाईले पाउनु हुने छ। तपाईले तल दिएको लिन्कमा पनि सम्पर्कमा रहेर र थप प्रश्नहरू सोध्न सक्नुहुनेछ।

www.voice-for-nature.com 

यहाँ तपाईले रेकर्डिङको लिङ्क पाउन सक्नुहुन्छ: 

https://feeds.transistor.fm/always-here

अब तपाईको दिमागको आँखामा आफ्नो घरपालुवा जनावर हेर्नुहोस् र "नमस्ते" भन्नुहोस्!

जब तपाई तिनीहरूलाई हेर्नुहुन्छ, के तपाईले तिनीहरुको अनुहार, 

आँखा, कान, वा सिरको याद गर्नु भयो?

के तपाईले शरीर, खुट्टा, पुच्छर देख्न सक्नुभयो?

तिनीहरू उभ्भिएको वा बसेको छन् भनेर के तपाईले याद गर्नु भयो?

तपाईको लागि तिनीहरूको पहिलो छाप के थियो ?

यदि तपाई चाहनुहुन्छ भने, आफ्नो पाल्तु जनावरको अनुभवको बारेमा केहि नोटहरु लिन सक्नुहुन्छ। 

अब तपाईले आफ्नो घरपालुवा जनावरलाई फेरि हेर्न सक्नुहुन्छ:

अब तपाईले तिनीहरू तपाईबाट टाढा बसिरहेका छन् वा उभिरहेका छन् वा तिनीहरू नजिक छन् भनेर अवलोकन गर्नु होस्।  

के तिनीहरूलाई थपथपाउदै वा सुमसुमाउदै तिनीहरूको भुवा वा रौ कस्तो लाग्छ भनेर ध्यान दिन सक्नुहुन्छ?

के तपाई तिनीहरूको आँखामा हेरेर तिनीहरूलाई भेट्न सक्नुहुन्छ?

अब आफ्नो कल्पनामा तपाई तिनीहरूसंग खेल्न सक्नुहुन्छ वा तपाईले संगै हुँदा गर्नुभएको कुनै पनि काम गर्न सक्नुहुन्छ।

तपाई आफ्नो मनपर्ने ठाउँहरूमा घुम्न जान सक्नुहुन्छ वा शान्ति र आनन्दमा संगै बस्न सक्नुहुन्छ।

एक अर्कासंग साँच्चै पुन: बाँधिन आफ्नो समय लिनुहोस्, संगै समय बिताउनुहोस्, र यदि तपाई चाहनुहुन्छ भने यो अनुभवको बारेमा नोटहरू लिनुहोस्।

हुनसक्छ यी चीजहरू तपाईले उनीहरूलाई भनिसक्नु भएको थियो, वा उनीहरू बित्नु अघि भन्न मन पराउनुहुन्थ्यो भनेर महसुस गर्नुभयो।

तिनीहरू तपाईको जीवनमा कति महत्त्वपूर्ण छन् भनेर तपाईले तिनीहरूलाई भन्न सक्नुहुन्छ। सायद तपाई आफ्नो दिनको बारेमा वा उनीहरूले चिनेका मानिसहरूको बारेमा उनीहरूसंग साझेदारी गर्न चाहनुहुन्छ होला। 

याद गर्नुहोस् कि तपाईको घरपालुवा जनावरहरू तपाईको जीवनमा संलग्न हुन मन पराउँछन्। तपाई केहि नोटहरू बनाउन सक्नुहुन्छ।

जब तपाई तयार हुनुहुन्छ, आफ्नो घरपालुवा जनावरलाई "नमस्ते" भन्न सक्नुहुन्छ र तपाईको दिमागको आँखामा देख्न सक्नुहुन्छ वा केवल महसुस गर्नुहोस् कि तिनीहरू तपाईसंग उपस्थित छन् भनेर।

तब तपाई तिनीहरूलाई आफ्नो कल्पनामा भेट्न सक्नुहुन्छ र तिनीहरूले तपाईलाई कस्तो प्रतिक्रिया देखाउँछन् हेर्न र अनुभव गर्न सक्नुहुन्छ।

अब तपाईले के भन्न चाहनु भएको थियो भन्न सुरु गर्न सक्नुहुन्छ।

तपाईले आफ्नो पाल्तु जनावरहरूलाई यी कुराहरू भनिरहँदा तिनीहरूले कस्तो प्रतिक्रिया देखाउँछन् भनेर हेर्न सक्नुहुन्छ ।

तिनीहरूले तपाईको शब्दहरू पाएका छन् भनेर के तपाईले याद गर्नुभयो ?

के तपाईले उनीहरूको प्रतिक्रिया याद गर्नुभयो?

के तपाईले उनीहरले मुस्कुराएको, आवाज निकालेको, इशारा गरेको, चाल चलेको वा टेलिपाथिक रूपमा तपाईसंग कुरा गर्न थालेको देख्नुभयो?

तपाईले जे देख्नुभयो र सन्देश प्राप्त गर्नुभयो, तपाईको अनुभवहरु का केही नोटहरू लिन सक्नुहुन्छ।

अब तपाई आफ्नो घरपालुवा जनावरतिर फर्केर "नमस्ते" भनेर तिनीहरूले कस्तो प्रतिक्रिया देखाउँछन् हेर्नु होस्। हुनसक्छ तपाईहरू एक-अर्कालाई भेट्ने यो नयाँ तरिकामा बढी अभ्यस्त भइसकेको हुन सक्ला, तपाईले के देख्नुहुन्छ केवल ध्यान दिनुहोस्। यो सधैं राम्रो र सही हुनेछ।

आफ्नो पाल्तु जनावर साथीलाई भन्नुहोस् कि तपाई आफ्नो जीवनमा केही ठाउँहरूमा फर्कन चाहनुहुन्छ जहाँ तपाईले केही समय संगै बिताउनुभयो थियो होला र तिनीहरूले कस्तो प्रतिक्रिया देखाउँछन् हेर्नुहोस् र सुन्नुहोस्।

त्यसपछि, तपाईको कल्पनामा, आफूलाई पुन: भ्रमण गर्न चाहनुभएको पहिलो स्थान वा स्थितिमा लैजानुहोस्।

त्यहाँ हुनु भएको अनुभव गर्नुहोस्। 

त्यहाँ घुम्दा कस्तो लगि रहेको छ ? के त्यहा गर्मी वा जाडो छ ? के त्यहाँ हावा चली रहेको छ कि छैन ?

जब तपाईले त्यो ठाउँ वरिपरि हेर्दा- तपाईलाई सम्झना भएका चीजहरू देख्नुहुन्छ?

के त्यहाँ केहि चीजहरू छन् जुन तपाईले बिर्सिनु भएको थियो जुन अहिले याद आयो होला ?

तपाई आफ्नो साथी संगै हुदा - तपाईले पहिलेका कामहरू गर्न सक्नुहुन्छ। हुनसक्छ तपाई संगै नयाँ चीजहरू गर्न चाहनुहुन्छ - केवल तपाईलाई राम्रो महसुस गर्ने तरिकामा संगै समय बिताउनुहोस्।

सायद तपाईको साथीले तपाईलाई केहि नयाँ ठाउँहरू देखाउन सक्लान, जुन ठाउँहरू तपाईलाई पनि थाहा थिएन। 

तपाईको घरपालुवा जनावरले तपाईलाई आश्चर्य चकित गर्न दिनुहोस् र आशा छ कि तपाई केहि समय संगै खेल्न सक्नुहुनेछ।

आफ्नो समय लिनुहोस्। जब तपाई तयार हुनुहुन्छ, फिर्ता आउनुहोस् र यो अनुभवको बारेमा के सम्झन चाहानुहुन्छ भन्ने बारे केही नोटहरू बनाउनुहोस्।

तपाईले पुन: भ्रमण गर्नुभएको दोस्रो र तेस्रो अनुभवको साथ समान अनुक्रम गर्न सक्नुहुन्छ।

सायद तपाईलाई पहिलो यात्राको अनुभव पचाउनको लागि एक वा दुई दिन पर्खिन मन लाग्ला। सायद तपाई ती सबैलाई भेट्न पाउँदा खुसी हुनुहुन्छ र केही थप ठाउँहरूमा पनि यात्रा गर्न मन लाग्ला।

जति सहज महसुस हुन्छ त्यति वा थोरै गर्नुहोस् । आखिर, तपाईका घरपालुवा जनावरहरू तपाईलाई राम्रो भएको चाहन्छन र तपाईले यो यात्रा आफ्नो गतिमा लिन सक्नु हुनेछ। 

तपाईले आफ्नो घरपालुवा जनावरको चित्र कोर्न सुरु गरेको तिनीहरू देख्न चाहन्छन्। यो कलाको टुक्रा हुनु वा भब्य हुनु पनि आवश्यक छैन।

मुख्य उद्देश्य भनेको तपाईको घरपालुवा जनावरको लागि तपाईको प्रेमसंग जोड्नु र यसलाई रंग र आकारहरूमा व्यक्त गर्नु हो।

सायद तपाईसंग तपाइको पाल्तु जनावर वा तिनीहरूका गुणहरू प्रतिनिधित्व गर्ने प्रतीक छ होला।

तपाई तिनीहरूको फरको रंग वा तपाईले तिनीहरूलाई सम्झनु भएको कुरा कोर्न सक्नुहुन्छ।

सायद तपाईले विशेष अक्षरहरूमा तिनीहरूको नाम कोर्न सक्नुहुन्छ।

जनावरहरूले तपाईलाई तपाईको प्रेमलाई आकार र रंग दिन मन पराउँछन्, र उनीहरूले तपाईलाई यो प्रयासमा प्रेरित गर्नेछन्।

तपाईले आफ्नो पाल्तु जनावरसंग यस तरिकाले जडान गर्दा आफ्ना भावनाहरू र अनुभवहरू सम्झन यस प्रक्रियाको बारेमा केही नोटहरू लिन सक्नुहुन्छ।

सायद तपाई सोध्न चाहानुहुन्छ कि उनीहरूले तपाईसंग समय बिताउदा कसरी रमाइलो गरे होला।

के उनीहरूलाई उनीहरू सुतेको ठाउँ मन परेको थियो त ? के तिनीहरूले बाहिर हिढ्न जाँदा आनन्द उठाए ?

के तिनीहरूले तपाईसंग खेल्न मन पराए?

तिनीहरूले तपाईसंगै जिवन बिताउदा कस्तो अनुभव गरे भन्ने बारे तपाई जान्न चाहने कुनै पनि कुरा सोध्न सक्नुहुन्छ।

तपाईले आफ्नो साथीलाई अभिवादन गरेर, "नमस्ते" भन्दै फेरि भेट्न सक्नुहुन्छ र उनीहरूलाई भन्न सक्नुहुन्छ कि तपाईले केही प्रश्नहरू साथमा ल्याउनु भएको छ।

केवल पहिलो प्रश्न सोध्नुहोस् र जवाफको लागि सुन्नुहोस्।

जवाफ एक शब्द वा वाक्यमा हुन सक्छ, यो एक तस्वीर वा भावना, एक गीत, वा कुनै दृश्य पनि हुन सक्छ।

तपाईको घरपालुवा जनावरले तपाईसंग कुरा गर्न चाहने धेरै तरिकाहरू छन्।

तिनीहरूले तपाईको ज्ञान, तपाईको विशेषज्ञताको क्षेत्रको , वा तपाईलाई मनपर्ने गीत वा चलचित्रको सन्दर्भको उपयोग गरेर सन्चार गर्न सक्छन।

तपाईको घरपालुवा जनावरले तपाईलाई भित्रबाट चिन्दछ र तपाईलाई जवाफहरू सञ्चार गर्ने उत्तम तरिका खोज्नेछ।

बस खुला धारणा राख्नुहोस् र सुन्नुहोस् अनि सन्देश प्राप्त गर्नुहोस्।

यदि तपाई चाहनुहुन्छ भने, तपाईले उत्तरहरू पछि नबिर्सियोस भनेर तुरुन्तै लेख्न सक्नुहुन्छ।  

तपाईले नबुझेको केही कुरा छ भने, तपाईले तिनीहरूलाई फेरि सोध्न सक्नुहुन्छ।

"कृपया तपाई मेरो लागि स्पष्ट गरि दिन सक्नुहुन्छ? "

"यसको मतलब के हो?"

"के तपाई मलाई यो फरक तरिकाले भन्न सक्नुहुन्छ ताकि म तपाईको मतलब बुझ्न सकूँ?"

अनि कुराकानी सुरु हुन्छ र तपाईले यो थाहा पाउनु अघि, तपाई गहिरो अवस्थाको केन्द्रित र पिँधमा पुगेर तपाईको घरपालुवा जनावरहरूसंग सबैभन्दा रोचक आदानप्रदानहरू गर्नु हुनेछ।

केही जवाफहरू तपाईलाई अचम्म लाग्न सक्ला।

जब तपाई फिर्ता आउनुहुन्छ, तपाईले केही नोटहरू लिन सक्नुहुन्छ।

सायद तपाईसंग तिनीहरूको संक्रमणको बारेमा केही प्रश्नहरू छन्। तिनीहरूको लागि यो कस्तो थियो?

के तिनीहरू आफ्नो अनुभवको बारेमा केहि साझा गर्न चाहन्छन्?

तिनीहरूले इन्द्रेणी पुल माथि ज्योतिको संसारमा जाने अनुभव कसरी गरे?

अहिले उनीहरुको अवस्था कस्तो छ ?

तिनीहरू भएको ठाऊँ कस्तो देखिन्छ, कस्तो महसुस हुन्छ?

तपाई आफ्नै प्रश्नहरु संग आउनुहुनेछ र हुनसक्छ तपाई आफै संग कोमल भएर यसको लागि समय लिनु पर्न सक्ला।

केवल याद गर्नुहोस् कि तपाईका घरपालुवा जनावरहरूले तपाईलाई कति माया गर्छन् - तिनीहरू केवल तपाईको लागि सबै भन्दा राम्रो चाहन्छन्, र यस तरिकामा, उनीहरूले तपाईलाई आराम र सान्त्वना ल्याउन चाहन्छन्।

हुनसक्छ तपाई जानु भन्दा पहिले एक गिलास पानी पिउनुहोस् वा आराम लिनुहोस् । जे राम्रो लाग्छ र आफ्नो लागि हेरचाह गर्दै हुनुहुन्छ भन्ने महसुस गराउँने कुरा गर्नु होस्।

जब तपाई तयार हुनुहुन्छ, तपाईले आफ्नो पाल्तु जनावरलाई "नमस्ते" भन्न सक्नुहुन्छ, र तिनीहरूको निधन र तिनीहरू अहिले कहाँ छन् भन्ने बारेमा कुराकानी सुरु गर्न सक्नुहुन्छ।

पहिलो प्रश्न मात्र सोध्नुहोस्।

यदि तपाई अझै आफ्नो साथी गुमाउनुको पीडा महसुस गर्दै हुनुहुन्छ भने तपाई अलि साहसी हुन सक्नु पर्छ।

तर याद गर्नुहोस् कि अब तपाई तिनीहरूसंग कुरा गर्दै हुनुहुन्छ, र तिनीहरूले तपाईलाई राम्रो महसुस गर्न र तपाईलाई सान्त्वना दिन साहयता गर्न तपाईसंग कुराकानी गर्न चाहन्छन्।

जब तपाई आफ्नो घरपालुवा जनावरबाट केहि सुन्नुहुन्छ, यदि तपाई चाहनुहुन्छ भने त्यसलाई लेख्न सक्नुहुन्छ।

यदि तपाईले जान्न चाहनुहुने अन्य केहि छ भने तपाईले थप प्रश्नहरू सोध्न सक्नुहुन्छ। तपाई पनि खुला प्रश्नहरू सोध्न सक्नुहुन्छ जस्तै:

तपाई आफ्नो अनुभव बारे के साझा गर्न चाहनुहुन्छ?

जनावरहरूले शब्दहरू,  भावनाहरू र तस्बिरहरू छनौट गर्नेछन् जुन तपाईसंग धेरै प्रतिध्वनि गर्नेछ। तपाई विश्वास गर्न सक्नुहुन्छ कि उनीहरूले तपाईलाई राम्ररी चिन्छन् र यो सुरक्षित कुराकानी हो।

उनीहरूले तपाईलाई उसको नयाँ घर देखाउने छ र जब तपाई वरपर हेर्नुहुन्छ, तपाई के देख्नुहुन्छ र त्यहाँ कस्तो महसुस गर्नुहुन्छ नोट गर्नुहोस्।

के तपाईको प्रिय साथी त्यहाँ खुसी हुन सक्ने ठाउँ जस्तो लाग्छ?

जति वा थोरै भए पनि सोध्नुहोस्।

जब तपाई फिर्ता आउनुहुन्छ, तपाईले नोटहरू लिन सक्नुहुन्छ, र तपाईले के देख्नुभएको कुरा कोर्न वा पेन्ट गर्न सक्नुहुन्छ, ताकि तपाईले यसलाई सम्झन सक्नुहुन्छ।

यस सत्रमा, तपाईले पहिले आफुलाई सल्लाह चाहिने कुराहरूको बारेमा केही प्रश्नहरू लेख्न सक्नुहुन्छ।

तपाईले पहिले तिनीहरूलाई कसरी धेरै सम्झनुबाट पार गर्न सक्छु भन्ने बारे सोध्न सक्नुहुन्छ।

उनीहरूसंग यो अवस्थाको सामना कसरी गर्ने भन्ने बारे सल्लाह माग्नुहोस् ?

सायद तपाईको साथीसंग कुरा गर्दै यो दिशामा बाँधिनु एक कदम हो।

तपाईले आफ्नो परिवारलाई पनि क्षतिबाट जोगिन कसरी साहयता गर्न सक्नुहुन्छ भन्ने बारेमा तिनीहरूले तपाईलाई अन्तर्दृष्टि दिन सक्छ।

तपाई आफ्नो जीवन, आफ्नो परिवार र आफ्नो दैनिक जीवन सरोकार बारे प्रश्न सोध्न सक्नुहुन्छ।

तपाईले तिनीहरूलाई आफ्नो काम र परियोजनाहरूको बारेमा प्रश्नहरू सोध्न सक्नुहुन्छ।

तपाईले उनीहरूलाई आफूले सिर्जना गर्न चाहनुहुने कुराहरू, यात्रा गर्ने र नयाँ ठाउँहरू र मानिसहरूलाई भेट्ने बारे पनि सोध्न सक्नुहुन्छ।

वास्तवमा, तपाईले सोच्न सक्ने सबै कुराको बारेमा आफ्नो साथीलाई सोध्न सक्नुहुन्छ र तिनीहरूले बुद्धिमानी र दयालु जवाफ दिनेछन्।

तपाईको घरपालुवा जनावर सधैं तपाईको जीवनमा संलग्न हुन चाहन्छ र तिनीहरू तपाईलाई सल्लाह दिन र राम्रो विचारहरू साझेदारी गर्न उत्साहित छन्।

चाहे तपाई एक अर्कालाई देख्न सक्नु होला वा नहोला, तपाई एक महान टोली हुनुहुन्छ।

यदि तपाई बैठकमा हुनुहुन्छ र तपाई कसरी अगाडि बढ्ने बारे केहि सल्लाह चाहानुहुन्छ भने, तपाई आफ्नो घरपालुवा जनावर संग एक मिनी-सत्र राखेर तिनीहरूसंग केहि उज्ज्वल विचार छ कि सोध्न सक्नुहुन्छ।

अचानक, तपाईको दिमागमा एक समाधान आउन सक्ला - हुनसक्छ यो तपाईको आफ्नै विचार होलान वा सायद यो तपाईको प्रिय साथीको उपहार होला।

जब तपाई आफ्नो घरपालुवा जनावरलाई सल्लाहको लागि सोध्नुहुन्छ, तपाईले सुनेको कुरा लेख्नु राम्रो विचार हो। तपाई एक हप्ता, एक महिना, एक वर्षको समयमा आफ्नो नोटहरू फर्केर हेर्दा सो सल्लाहले तपाईलाई कसरी मार्गदर्शन गरेको छ भनेर हेर्न सक्नुहुन्छ।

तिनीहरू जोड दिन चाहन्छन् कि जीवन एक उपहार हो र तिनीहरू हामीसंग यो तथ्य मनाउन चाहन्छन् र हामी सबै यसरी संगै आउँछौं, र हामी कहिलेकाहीँ खेल्छौं, गाउँछौं र संगै जिवनको पलहरु खुसीले मनाउछौं।

जनावरहरूको लागि, जीवन एक पवित्र यात्रा हो र यात्राको अन्त्यमा त्यहाँ के थियो, के प्राप्त भयो, र त्यहाँबाट कसरी 

कुन बाटो जान्छ भनेर स्वीकार गर्न सधैं उत्सव हुन्छ।

त्यसो भए उनीहरूले हामी सबैलाई उनीहरूसंग पाइला राख्न ठूलो घेरामा संगै बस्न र हाम्रो जीवनको बारेमा साझा गर्न आमन्त्रित गर्दछन्। सबैलाई सुनिन्छ र कदर गरिन्छ र स्वागत छ। सबैको कुरा सुनिन्छ।

यस सत्रको लागि कुनै तयारी आवश्यक छैन।

तपाई केवल "नमस्ते" भन्न सक्नुहुन्छ र यस पटक तपाईले जनावर र मानिसहरूको सर्कललाई भेट्नुहुन्छ, जो सबै तपाईको परिवार हुन्। तिनीहरू मध्ये तपाईको प्रिय पाल्तु साथी हो।

 तिनीहरूले तपाईलाई गोलकारमा बस्न आमन्त्रित गर्छन् र तपाई यी मानिसहरू र जनावरहरूले के भन्नुहुन्छ भनेर सुन्न सक्नुहुन्छ।

जब तपाईको पालो आउछ, तिनीहरूलाई आफ्नो जीवनमा प्रिय लाग्ने जनावरहरू र मानिसहरूको बारेमा बताउन सक्नुहुन्छ। 

तपाई आफ्नो घरपालुवा जनावरसंग तपाईको जीवन र के धेरै विशेष थियो र तपाई अहिले कस्तो महसुस गर्नुहुन्छ भन्ने बारे साझा गर्न सक्नुहुन्छ।

जबसम्म तपाई आफ्नो भावनाहरुको बारेमा के मनपर्छ भनि स्वतन्त्र रूपमा कुरा गर्नु हुन्छ, तपाईको पाल्तु जनावर र मान्छेहरुले तपाईको कुरा सुन्नेछन्। 

यो तपाईको परिवार हो र तपाई महसुस गर्न सक्षम हुनुहुनेछ कि उनीहरूले तपाईको अनुभवमा कसरी भाग लिन्छन् र तपाईले भनेका प्रत्येक शब्दलाई स्वीकार र सम्मान गर्नेछन्।

तपाईले कुरा समाप्त गरेपछि, तपाईलाई सान्त्वना दिन र तपाईलाई उनीहरूको मित्रता प्रस्ताव गर्न - बोल्न चाहने मानिसहरू वा जनावरहरू हुन सक्छन्।

जान्नुहोस् कि तपाई यहाँ साथीहरू माझ हुनुहुन्छ। यी प्राणीहरू हुन् जसले तपाईलाई तपाईको जीवनभर साथ दिने छन्। अब तिनीहरूले यस अवसरलाई चिन्ह लगाउनको लागि तपाईको सामु फेरि देखा पर्नेछन्।

हुनसक्छ तपाईले उनीहरूको वफादार मित्रता  सदैवको लागि साथ र उनीहरूको मायाको लागि धन्यवाद दिन चाहनुहुन्छ।

यस समारोहमा तपाईले आफ्नो प्रिय साथीलाई सिधै सम्बोधन गर्न सक्नुहुन्छ र उनीहरूलाई अहिलेसम्म नभनेको कुरा भन्न सक्नुहुन्छ।

अनि उनिहरुले यस समारोहमा भाग लिइरहेका सबैलाई प्रकाश र निःस्वार्थ प्रेमको आशीर्वादको वर्षा गर्दछ। यस उत्सवमा उपस्थित हुँदा तपाईले यो माया र प्रकाश प्राप्त गर्नुहुन्छ।

जब तपाई तयार हुनुहुन्छ, तपाईले सबैलाई धन्यवाद दिन सक्नुहुन्छ, फिर्ता आउनुहोस् र तपाईले देख्नुभएको र अनुभव गर्नुभएको सबै लेख्नुहोस्।

सायद तपाईलाई अब आराम गर्न केहि समय चाहिन्छ होला। तपाई आफैलाई भुमिगत गर्न र तपाईले सुनेको सबै पचाउनको लागि प्रकृति वरिपरि हिंड्न सक्नुहुन्छ।

पहिलो सत्रमा पहिलो पटक भेटेपछि के तपाईको सम्बन्धमा केही परिवर्तन भएको छ?

के तपाईका घरपालुवा जनावरको लागी केहि प्रश्नहरु छन्?

के तपाई उनिहरूसंगै केहि समय बिताउन चाहानुहुन्छ र साथीहरु भेटेर गफ गरे झै कुराकानीलाई सजिलै संग चल्न दिन चाहानुहुन्छ ?

अब सम्म तपाईलाई थाहा हुनेछ कि तपाईले यो कुराकानी तपाई: घरमा, अफिसमा, जंगलमा वा रेलमा जहाँ भए पनि सुरु गर्न सक्नुहुन्छ। तपाईले केवल "नमस्ते" भन्न सिक्नुभयो र थाहा पाउनु भयो कि तपाईको साथी सधैं उपस्थित हुन्छ।

आफ्नो साथीसंग साझेदारी गर्नु वा सल्लाहको लागि सोध्नु तपाईको लागि बानी वा दोस्रो प्रकृति जस्तै हुनेछ।

यो अद्भुत मित्रताको निरन्तरता हो। 

तिनीहरू नदेखिए तापनि तिनीहरू सधैं यहाँ छन् भनी तपाईलाई जानकारी गराउन मन पराउँछन् ।

तिनीहरूले तपाईलाई आफ्नो उपस्थितिको सान्त्वना दिन चाहन्छन् र तपाईलाई थाहा दिन चाहन्छन् कि तिनीहरूले तपाईलाई कति माया गर्छन्।

"केवल बुझ्नुहोस् कि हामी अझै यहाँ छौं -

हामी सधै तपाईको साथमा छौ !"

हुनसक्छ यो यात्राले तपाईलाई तपाईको प्यारो पाल्तु जनावरको क्षतिबाट सम्हालिन सहायता गरेको छ।

यदि तपाई पशु सन्चारकर्मीसंग व्यक्तिगत सत्र गर्न चाहनुहुन्छ भने, तपाई यस वेबसाइट www.voice-for-nature.com हेर्न सक्नुहुन्छ, जहाँ तपाई संसारभरका धेरै पशु संचारकर्ताहरू र मनको घाऊ स्वस्थ पार्ने लिङ्कहरू पाउनुहुनेछ।

घरपालुवा जनावरहरूले भनिरहेका छन् कि कहिलेकाँही राम्रो साथी गुमाउनको लागि केही उपचार लिन अवस्यक छ।

हामी तपाईलाई तपाईको उपस्थिति, तपाईको माया र तपाईका प्रियजनहरुको लागी समर्पण भएको मान्यता र सम्मान गरेर छोड्नेछौ।

आशा गर्छौं कि तपाईले सधैं आफ्नो हृदयमा शान्ति पाउन सक्नु हुनेछ।