Við skákborðið

Björn Ívar Karlsson

Útvarp Saga — Wed, 15 Apr 2026 23:52:37 +0000

Gestur skákþáttarins er Björn Ívar Karlsson, skólastjóri Skákskóla Íslands.

Lag í lok þáttar: Don´t stop með Fleetwood Mac (3:13).

Kristján Örn & Magnús Pálmi Örnólfsson & Halldór Grétar Einarsson

Útvarp Saga — Wed, 08 Apr 2026 16:41:00 +0000

Skákin. Kristján Örn og Magnús Pálmi Örnólfsson hagfræðingur og Halldór Grétar Einarsson FIDE meistari 8. apríl 2026

Gauti Páll Jónsson, sagnfræðingur og ritstjóri tímaritsins Skákar

Útvarp Saga — Wed, 01 Apr 2026 19:14:56 +0000

Skákin. Kristján Örn stjórnar skákumræðunni í dag. 1. apríl 2026
Skákþáttur:

Gestur Gauti Páll Jónsson, sagnfræðingur og ritstjóri tímaritsins Skákar.

Alþjóðlega Reykjavíkurskákmótið haldið í fertugasta skipti: Skákmeistararnir Björgvin Víglundsson og Gauti Páll Jónsson

Útvarp Saga — Thu, 26 Mar 2026 02:43:58 +0000

Gestur Kristjáns Arnar í skákþættinum í dag er Björgvin Víglundsson, byggingaverkfræðingur og fyrrverandi landsliðsmaður í skák. Þeir ræða alþjóðlega Reykjavíkurskákmótið sem hefst í Hörpunni kl. 15:00 í dag og ýmislegt annað fróðlegt. Metþátttaka er í mótinu að þessu sinni en 422 skákmenn munu sitja að tafli í heila viku en þetta er í fertugasta skipti sem mótið er haldið. Þeir félagar slá á þráðinn til Gauta Páls Jónssonar, ritstjóra tímaritsins Skákar, en hann verður á meðal keppenda í Hörpunni og mætir sterkum tyrkneskum stórmeistara í 1. umferð.

Alþjóðlega Kópavogsmótið: Halldór Grétar Einarsson, FIDE-meistari og formaður meistaraflokksráðs skákdeildar Breiðabliks

Útvarp Saga — Thu, 19 Mar 2026 11:28:30 +0000

Gestur Kristjáns Arnar er Halldór Grétar Einarsson, FIDE meistari, stofnandi skákdeildar Breiðabliks og formaður meistaraflokksráðs deildarinnar. Þeir ræða Alþjóðlega Kópavogsmótið sem nú stendur yfir, alþjóðlegt mótahald á Íslandi, Reykjavíkurskákmótið sem hefst á miðvikudaginn í næstu viku, gera upp Íslandsmót skákfélaga sem lauk um þar síðustu helgi og margt fleira.

Taflfélag Vestmannaeyja Íslandsmeistari skákfélaga: Þorsteinn Þorsteinsson, ritstjóri Hagstofu Íslands og Björn Þorfinnsson, ritstjóri DV

Útvarp Saga — Wed, 11 Mar 2026 17:05:47 +0000

Kristján Örn Elíasson tekur á móti þeim Þorsteini Þorsteinssyni, FIDE-meistara og ritstjóra Hagstofu Íslands og Birni Þorfinnssyni, alþjóðlegum meistara í skák og ritstjóra DV.is. Báðir kepptu þeir með úrvalsdeildarliði Taflfélags Vestmannaeyja sem varð Íslandsmeistari félagsliða í skák um síðustu helgi. Í þættinum ræða þeir "Öskubuskuævintýrið" - eða leiðina að titlinum, undirbúninginn, liðsmenn félagsins, styrktaraðila, einstakar viðureignir og síðast enn ekki síst stressið og dramatíkina sem hefur fylgt þessu öllu eftir. Björn segir: "En það er ólýsanlega skemmtilegt að Taflfélag Vestmannaeyja hafi efir 100 ára tilvist sína loks hampað Íslandsmeistaratitli og ég verð ævinlega hreykinn af því að hafa fengið að taka þátt í því verkefni" en Taflfélag Vestmannaeyja var stofnað í Vestmannaeyjum 26. ágúst 1926. Þeir félagar slá á þráðinn til Kjartans Briem, formanns skákdeildar Breiðabliks og ræða Alþjóðlega Kópavogsmótið sem hófst í gær en mótið er ætlað efnilegum ungum skákmönnum á aldrinum 16–30 ára og miðar að því að skapa sterkt umhverfi fyrir IM- og GM-áfanga.

Skák og stjórnmál: Helgi Áss Grétarsson, stórmeistari og varaborgarfulltrúi í Reykjavík

Útvarp Saga — Wed, 04 Mar 2026 15:31:28 +0000

Kristján Örn Elísson ræðir við Helga Áss Grétarsson, stórmeistara og varaborgarfulltrúa í Reykjavík um skákina og stjórnmálin. Helgi hafði nýlega pólitísk vistaskipti þegar hann gekk úr Sjálfstæðisflokknum og yfir í Miðflokkinn. Helgi talar um borgarmálin, svo sem fyrirhugaða borgarlínu, og leggur áherslu á gott samstarf allra flokka um helstu hagsmunamál Reykjavíkurborgar. Þeir Kristján og Helgi spá í spilin varðandi síðari hluta Íslandsmóts skákfélaga sem tefldur verður um næstu helgi og ræða margt annað áhugavert sem er að gerast í skákheiminum.

Kristján Örn ræðir við Björgvin Víglundsson um ofurstórmeistarann Jan Timman sem lést nýlega

Útvarp Saga — Thu, 26 Feb 2026 11:47:51 +0000

Björgvin Víglundsson, byggingaverkfræðingur og sterkur skákmeistari er gestur Kristjáns Arnar Elíassonar. Þeir fjalla um hollenska stórmeistarann og Íslandsvininn Jan Timman sem lést í síðustu viku eftir erfið veikindi. Timman var einn besta skákmaður Vesturlanda á síðustu öld. Einnig ræða þeir gömlu skákmeistarana, ólíka skákstíla og margt fleira.

Norðlenskt skáklíf: Áskell Örn Kárason, sálfræðingur og formaður Skákfélags Akureyrar

Útvarp Saga — Wed, 18 Feb 2026 18:37:13 +0000

Áskell Örn Kárason, sálfræðingur og formaður Skákfélags Akureyrar er gestur Kristjáns Arnar að þessu sinni. Áskell er alþjóðlegur meistari í skák og núverandi Íslandsmeistari öldunga. Þeir ræða skákstarfið fyrir norðan, mikinn vöxt í öldungaskákinni á landinu öllu undanfarin ár, forsetatíð Áskels hjá Skáksambandi Íslands um síðustu aldamót, Heimsmótið í Salnum í Kópavogi árið 2000 þar sem þáverandi heimsmeistari Garry Kasparov og Viswanathan Anand sem síðar varð heimsmeistari voru á meðal keppenda og margt annað fróðlegt og skemmtilegt.

Skákskóli Íslands: Björn Ívar Karlsson, skólastjóri Skákskóla Íslands

Útvarp Saga — Wed, 11 Feb 2026 20:11:34 +0000

Kristján Örn Elíasson tekur á móti Birni Ívari Karlssyni, skólastjóra Skákskóla Íslands. Björn er með tvær gráður frá Alþjóðaskáksambandinu FIDE. Hann er FIDE-meistari og FIDE-trainer sem þýðir að á einhverjum tímapunkti á skákferli sínum hefur hann öðlaðst a.m.k. 2300 alþjóðleg skákstig og að hann hafi sótt námskeið og staðist próf hjá FIDE sem leiðbeinandi og þjálfari í skák. Eins og oft áður var umræðuefnið fjölbreytilegt en þeir Björn Ívar og Kristján Örn töluðu um Skákskóla Íslands, Pressukeppnina sem er ný leið skólans til æfinga fyrir ungmenni, fjárfestingu skólans í nýjum stórum 98 tommu skjá og öðrum búnað til fjarkennslu, vinsælan skákróbot sem teflir við nemendur, fartölvur og heyrnartól sem og fjölgun iðkenda skólans, bæði í stað- og fjarkennslu. Tölvulistinn hefur verið aðalstyrktaraðili Skákskóla Íslands að baki þessum fjárfestingum eins og svo oft áður. Tíu nemendur skólans fara á morgun til Fredericia í Danmörku til að taka þátt í Norðurlandamóti unglinga dagana 13.-15. febrúar. Einnig ræddu þeir Tata Steel skákmótið, Speed Chess Championship netskákmótið á Chess.com, mikinn áhuga á Reykjavíkurskákmótinu, nýju heimildarmyndina "Queen of Chess" á Netflix sem fjallar um Judit Polgar sterkustu skákkonu allra tíma og margt fleira.

Skák er 90% einbeiting: Björgvin Víglundsson verkfræðingur og Halldór Grétar Einarsson FIDE meistari

Útvarp Saga — Wed, 21 Jan 2026 22:06:20 +0000

Gestir skákþáttarins eru Björgvin Víglundsson, verkfræðingur og fyrrverandi Íslandsmeistari öldunga í skák og Halldór Grétar Einarsson, FIDE meistari og formaður meistaraflokksráðs Breiðabliks. Eins og svo oft áður er farið vítt og breitt í umfjöllun um skák en hlusta má á þáttinn í heild sinni í spilaranum.

Þorparinn, togarasjómaðurinn og skákmeistarinn: Ólafur Kristjánsson frá Akureyri

Útvarp Saga — Wed, 14 Jan 2026 18:15:12 +0000

Kristján Örn ræðir við Ólaf Kristjánsson, 82 ára fyrrverandi togarasjómann frá Akureyri en hann er öflugur skákmaður. Ólafur kallar sig "Þorparann" því hann fæddist í Glerárþorpi en Akureyri er skipt upp í tvo hluta, þ.e. norðan og sunnan Glerár. Í þættinum segir Ólafur frá samferðamönnum sínum, sterkum skákmönnum á Norðurlandi. Hann talar um upphaf taflmennsku sinnar, skákmót á Akureyri, Íslandsmót skákfélaga, veru sína á sjó og margt fleira.

Skákárið 2025: Sigurbjörn Björnsson FIDE meistari

Útvarp Saga — Wed, 07 Jan 2026 22:04:42 +0000

Kristján Örn Elíasson tekur á móti Sigurbirni Björnssyni FIDE meistara. Þeir stikla á stóru í umfjöllun sinni um fréttnæma atburði og uppákomur sem þeim þótti athyglisverðar á skákárinu 2025. Þeir ræða árangur Vignis Vatnars Stefánssonar, Magnúsar Carlsen og fleiri sterkra og efnilegra skákmanna á heimsmeistaramótunum í at- og hraðskák en teflt var í höfuðborginni Doha í Katar á milli jóla og nýárs. Einnig ræða þeir stöðu íslenskrar skákar og margt fleira.

Heimsmeistaramótin í at- og hraðskák: Vignir Vatnar Stefánsson og Benedikt Briem

Útvarp Saga — Thu, 25 Dec 2025 01:57:45 +0000

Vinirnir og samstarfsmennirnir Vignir Vatnar Stefánsson, stórmeistari og þrefaldur Íslandsmeistari í skák árið 2025 og Benedikt Briem næststigahæsta ungmenni landsins eru gestir Kristjáns Arnar. Þeir tala um kennsluvefinn www.vignirvatnar.is, skákmót í Portúgal, fjölbreytt skákmótahald og margt fleira. Vignir ræðir heimsmeistaramótin í atskák og hraðskák, sem fram fara í Doha í Katar á milli jóla og nýárs, en Vignir verður á meðal keppenda á báðum mótunum.

Jólasveinarnir: Róbert Lagerman FIDE-meistari og Gunnar Freyr Rúnarsson formaður Víkingaklúbbsins

Útvarp Saga — Wed, 17 Dec 2025 22:00:23 +0000

Kristján Örn fær til sín skákmennina Róbert Lagerman, FIDE- meistara og alþjóðlegan skákdómara og Gunnar Frey Rúnarsson sagnfræðing og formann Víkingaklúbbsins.

Í þættinum ræða þeir jólaskákmót Ása, skákkúbbs eldri borgara, þar sem Róbert sigrði með yfirburðum. Þeir gera kröfu um nýja staðsetningu Íslandsmóts skákfélaga, bæta þurfi fyrirkomulag og skipulagningu mótsins, salernismál séu í miklum ólestri auk þess sem mótið sé illa kynnt í fjölmiðlum og þjónusta við keppendur um úrslit og stöðu liða hverju sinni sé ekki til staðar. Gunnar Freyr talar um Víkingaskák en ný taflsett eru komin í sölu, m.a. hjá Spilavinum. Þeir tala um mismunun og tvískinning í afstöðu stjórnar Skáksambands Íslands, m.a. hvað varðar áherslur á eldri skákmenn og auglýsingu sambandsins um léttar veitingar á Íslandsmóti kvenna í hraðskák. Þeir velta fyrir sér hvað sé átt við með hugtakinu "léttar veitingar".

Þeir minnast Ólafs Hraunbergs Ólafssonar, fyrrverandi formanns Taflfélags Reykjavíkur, sem lést nýlega en hann vann mikið og gott starf fyrir íslensku skákhreyfinguna. Þeir tala um tillögur aðalfundar FIDE um að Rússar og Hvítrússar fái aftur að tefla á ólympíuskákmótum og að lið frá löndunum séu aftur tekin inn í opinbera mótaröð FIDE.

Róbert segir sögu af Boris Spasský og áhuga hans á tímaritinu Playboy á meðan Einvígi aldarinnar árið 1972 stóð yfir. Einnig segir hann sögu þegar sérsveit lögreglunnar í Danmörku stöðvaði flugtak flugvélar sem hann var farþegi í og yfirheyrði hann í tvær klukkustundir sem grunaðan hryðjuverkamann en farþegar vélarinnar þurfu að bíða í vélinni á meðan.

Á Hælinu með Don Everything: Róbert Lagerman, alþjóðlegur skákdómari og FIDE-meistari

Útvarp Saga — Wed, 03 Dec 2025 17:50:31 +0000

Róbert Lagerman, alþjóðlegur skákdómari og FIDE-meistari er gestur Kristjáns Arnar. Róbert gengur undir ýmsum nöfnum í skákheiminum eins og Mr. Big Time og Don Everything en hann hefur setið fjölda námskeiða og aflað sér ýmissa réttinda og nafnbóta hjá Alþjóða skáksambandinu FIDE. Því fer það vel að hann kalli sig stundum "Don Everything". Þeir Kristján og Róbert hafa verið góðir félagar í gegnum árin og stofnuðu, ásamt Hrafni Jökulssyni og rúmlega þrjátíu öðrum áhugamönnum um skák, Skákfélag Grandrokks þann 12. september árið 1998. Í þættinum ræa þeir Heilsuhælið í Hveragerði, mataræði og góða aðstöðu þar, þeir spila klippu með Hrafni Jökulssyni þar sem hann talar um Grænland, þeir ræða hugmyndir um meiri samvinnu skákfélaga á Íslandi, slæma nýtingu erlendra stórmeistara sem koma til landsins í tengslum við Íslandsmót skákfélaga, þjálfunarmál, mótahald, einelti, vináttu, framtíðarplön Skákfélags Íslands og margt fleira.

Gervigreind og sýndareinvígi: Björgvin Víglundsson skákmeistari og verkfræðingur

Útvarp Saga — Wed, 26 Nov 2025 17:35:46 +0000

Gestur skákþáttarins að þessu sinni er Björgvin Víglundsson, byggingaverkfræðingur og sterkur skákmeistari. Þeir Kristján Örn ræða um skák og gervigreind og spái í spilin hvernig skákin muni þróast með tilkomu gervigreindarinnar. Að mati Björgvins hefur varðveisla skákefnis í stafrænu formi náð því umfangi að gervigreind geti ekki einungis hermt eftir leikjum einstakra meistara heldur líka stíl þeirra. Hann telur raunhæft að endurskapa skákstíl bestu skákmanna allra tíma eins og Wilhelm Steinitz, Aron Nimzowitsch eða Bobby Fischer. Björgvin telur vel hugsanlegt að haldin verði sýndareinvígi þar sem tölvur tefla í nafni sögulegra meistara. Þar gætu til dæmis Fischer, Capablanca og Carlsen tekist á í löngu kappskákeinvígi líkt og Fischer og Spasskí í Reykjavík 1972 en án áhrifa aldurs, líkamlegrar þreytu, tímamismunar eða félagslegra aðstæðna. Slík mót gætu jafnvel gefið vísbendingu um hver hefði verið sterkastur í sögu skáklistarinnar ef allir væru settir á sama lærdómsstig og fengju að þróa leik sinn sem forrit en ekki sem menn.

Íslandsmót skákfélaga og afmælis-skákveisla í Garðabæ: Björn Þorfinnsson, alþjóðlegur meistari og ritstjóri DV.is

Útvarp Saga — Wed, 19 Nov 2025 18:00:33 +0000

Kristján Örn tekur á móti Birni Þorfinnssyni, alþjóðlegum meistara og ritstjóri DV.is í stúdíóið. Mikill kraftur er búinn að vera í íslensku mótahaldi að undanförnu og fara þeir Björn og Kristján yfir það helsta í þættinum. Þeir tala um menn og málefni og segja sína skoðun á hvoru tveggja. Taflfélag Garðabæjar hélt upp á 45 ára afmæli sitt á mánudaginn var í Miðgarði, nýja íþróttahúsi bæjarins, en þar hefur félagið fengið góða aðstöðu fyrir starfsemi sína. Afmælisveislan hófst með því að boðið var upp á veitingar og svo lék bæjarstjóri Garðabæjar, Almar Guðmundsson, fyrst leikinn fyrir Erling Jensson í skák hans gegn Vigni Vatnari Stefánssyni. Björn var óstöðvandi í þessu fjölmenna og sterka skákmóti og fékk 9 vinninga í 9 skákum. Hann er því nýr hraðskákmeistari Garðabæjar en í vikunni áður var Björn einnig krýndur skákmeistari Garðabæjar. Þeir félagar, Kristján og Björn, fara um víðan völl í þættinum og ræða vel og lengi um Íslandsmót skákfélaga en fyrri hluti mótsins var tefldur í Rimaskóla um síðustu helgi.

Tímaritið Skák: Gauti Páll Jónsson ritstjóri

Útvarp Saga — Wed, 12 Nov 2025 18:05:56 +0000

Kristján Örn Elíasson ræðir við Gauta Páll Jónsson sagnfræðing og ritstjóra tímaritsins Skákar. Umfjöllunarefnið er nýjasta tímarit Skákar sem kemur út á morgun eða á sama tíma og úrvalsdeild fyrri hluta Íslandsmóts skákfélaga hefst í Rimaskóla. Þeir ræða Heimsbikarmótið á Indlandi en margir af sterkustu skákmönnum heims hafa þegar helst úr lestinni. Einng tala þeir um Íslandsmót Símans í netskák, EM ungmenna í Svartfjallalandi sem er nýlokið, Le Kock mótaröðina hjá Vigni Vatnari og velheppnaða skákferð hans og Benedikts Briem til Portúgals og fleira.

Draumar, blóðþrýstingur, ástin og gervigreind: Magnús Pálmi Örnólfsson, skákmeistari og hagfræðingur

Útvarp Saga — Wed, 05 Nov 2025 17:09:11 +0000

Magnús Pálmi Örnólfsson, skákmeistari og hagfræðingur (MBA), er gestur Kristjáns Arnar Elíassonar. Magnús er 1. borðsmaður skákdeildar Dímonar frá Hvolsvelli en ný skáksveit félagsins hefur unnið sig úr 4. deild og upp í 2. deild á aðeins tveimur árum eða frá því að skákdeildin var stofnuð og hóf að tefla á Íslandsmóti skákfélaga. Magnús segir frá ferðalagi skáksveitarinnar á Evrópumót taflfélaga á Ródos í Grikklandi sem lauk fyrir skemmstu og "varpar upplýsingasprengju" inn í 2. deild fyrrihluta Íslandsmót skákfélaga um liðskipan skákdeildar Dímonar. Magnús Pálmi ræðir um nýtt skáksetur sem hann er að setja upp í Bolungarvík; hann ræðir um drauma, ástina, heilsuna, blóðþrýsting, kolesteról og auðvitað skák. Þeir félagar tala um Heimsbikarmót FIDE en teflt er í Resort Rio í ríkinu GOA á Indlandi dagana 1.-26. nóvember. Þrír eftstu á Heimsbikarmótinu tryggja sér sæti í Áskorendakeppni FIDE á næsta ári þar sem átta skákmenn munu tefla um réttinn til að há 14 skáka einvígi við ríkjandi heimsmeista, Gukesh D frá Indlandi, um heimsmeistaratitilinn í skák.

Skáksviðið: Helgi Áss Grétarsson stórmeistari í skák

Útvarp Saga — Wed, 29 Oct 2025 18:40:29 +0000

Gestur þáttarins er Helgi Áss Grétarsson, stórmeistari í skák og varaborgarfulltrúi Sjálfstæðisflokksins í Reykjavík. Helgi varð heimsmeistari í skák 20 ára og yngri árið 1994. Hann hefur verið virkur á skáksviðinu og sinnt skrifum og lögfræðilegri ráðgjöf. Helgi hefur einnig kennt við lagadeild Háskóla Íslands og skrifað mikið um stjórn fiskveiða og önnur málefni. Þótt Helgi sé fjölhæfur þá ræða þeir Kristján Örn þó eingöngu um skák í þættinum. Þeir félagar fóru yfir árangur Íslendinga á nýloknu Evrópumóti taflfélaga og töluðu um Evrópumót ungmenna sem hófst í dag en 15 keppendur frá Íslandi taka þátt í mótinu. Helgi fer yfir Meistaramót Bandaríkjanna þar sem Caruana stóð uppi sem sigurvegari, skemmtilegt fjögurra manna einvígi þriggja stigahæstu skákmanna heims, Carlsen, Nakamura og Caruana auk ríkjandi heimsmeistara í skák, Gukesh, í St. Louis. Þeir ræða fráfall rúmenska stórmeistarans Mihai Suba sem lést í vikunni og getgátur um fráfall bandaríska stórmeistarans og streymarans Daniel Naroditsky sem fannst látinn á heimili sínu um þarsíðustu helgi en fyrrum heimsmeistari, Vladimir Kramnik, hefur um langt skeið ásakað Naroditsky og aðra sterka skákmenn um svindl á netinu.

Skákskóli Íslands og EM taflfélaga: FIDE-meistararnir Björn Ívar Karlsson og Halldór Grétar Einarsson

Útvarp Saga — Wed, 22 Oct 2025 18:08:40 +0000

Gestir í skákþættinum eru FIDE-meistararnir Björn Ívar Karlsson, skólastjóri Skákskóla Íslands og Halldór Grétar Einarsson, formaður meistaraflokksráðs Breiðabliks. Þeir ræða Evrópumót taflfélaga sem nú stendur yfir í Ródos í Grikklandi en tugir Íslendinga taka þátt í mótinu. Björn Ívar segir frá skáklífinu í Skákskóla Íslands, Halldór Grétar ræðir tölfræði og ber saman meðalaldur og meðalskákstig keppenda á EM taflfélaga, á Reykjavíkurskákmótinu síðasta og í úrvalsdeild síðasta Íslandsmóts skákfélaga. Í upphafi þáttar er viðtal við Gauta Pál Jónsson, ritstjóra tímaritsins Skákar, sem Kristján Örn tók við hann í morgun en Gauti Páll er einn af 38 Íslendingum sem nú sitja að tafli á EM taflfélaga í Grikklandi. Farið var yfir fréttir um skyndilegt andlát bandaríska stórmeistarans Daniel Naroditsky sem lést síðastliðinn sunnudag en hann var aðeins 29 ára gamall. Hann var á meðal sterkustu skákmanna heims í hraðskák og atskák, vinsæll skákskýrandi og streymari, dáður og vinamargur í skáksamfélaginu út um allan heim.

Víkingaskák og EM landsliða: Gunnar Freyr Rúnarsson og Halldór Grétar Einarsson

Útvarp Saga — Wed, 15 Oct 2025 19:38:59 +0000

Gestir skákþáttarins eru Gunnar Freyr Rúnarsson formaður Víkingaklúbbsins og Halldór Grétar Einarsson, FIDE meistari og formaður meistaraflokksráðs Breiðabliks. Gunnar ræðir sögu Víkingaskákarinnar á Íslandi en það var hugvitsmaðurinn Magnús Ólafsson sem fann upp Víkingaskákina árið 1967. Hugmyndina fékk hann þegar hann sá sexhyrnda ró í skrúfuhrúgu en Magnús hafði áður fengið þá hugmynd að hanna séríslenskt manntafl og var niðurstaða hans stórmerkileg. Halldór Grétar kemur símleiðis inn í síðari hluta þáttarins og ræðir árangur íslensku liðanna á Evrópumót landsliða sem lauk í Batumi í Georgíu í gær.

Gunnar Freyr Rúnarsson og Halldór Grétar Einarsson

Útvarp Saga — Wed, 15 Oct 2025 19:01:39 +0000

Bankar, skák og Litla kaffistofan: Stefán Þormar Guðmundsson fv. banka- og veitingamaður

Útvarp Saga — Wed, 08 Oct 2025 22:59:20 +0000

Stefán Þormar Guðmundsson, skákmaður og fyrrverandi banka- og veitingamaður er gestur Kristjáns Arnar Elíassonar. Stefán talar um skákmenninguna í íslensku bönkunum hér á árum áður og segir að mikið hafi verið teflt og mörg sterk skákmót hafi verið haldin í bönkunum og á vegum þeirra. Hann segir að mikil samkeppni hafi verið á milli bankanna og þeir keppst við að ná til sín sterkustu skákmönnunum. Stefán telur upp fjölmörg nöfn öflugra skákmanna sem skipuðu sveitir Búnaðarbankans, Landsbankans og Útvegsbankans. Hann talar um Jóhann Þóri Jónsson og Helgarskákmótin og þá sérstaklega mótin í Vík í Mýrdal og í Grímsey. Stefán Þormar rak Litlu kaffistofuna við Suðurlandsveg í aldarfjórðung og kom sér þar upp miklu safni með úrklippum af íþróttasíðum dagblaðanna auk trefla, fána og annarra muna sem tengjast knattspyrnu, handbolta og körfubolta. Stefán segir margar sögur eins og af Draugahlíðsbrekkunni sem er brekkan fyrir ofan Litlu kaffistofuna, forræðishyggju veðurfræðinga sem spá leiðindaveðri og skipti sér af því hvort fólk eigi að vera að ferðinni eða ekki og þegar hettuklætt par vopnað hnífi og hafnarboltakylfu reyndi að ræna Litlu kaffistofuna.

Skákin hreinsar hugann: Jón Steinn Elíasson, skákmaður og fv. eigandi Toppfisks

Útvarp Saga — Wed, 01 Oct 2025 19:10:00 +0000

Kristján Örn ræðir við Jón Stein Elíasson skákmann og fyrrverandi eiganda Toppfisks. Þeir ræða skákina, fiskvinnsluna, dvölina á Spáni, gjaldþrot Toppfisks eftir 40 ára starfsemi, gjaldþrot lággjaldaflugfélagsins Play og áhrif þess á Íslendinga með dvalarstað eða búsetu á Spáni og margt fleira. Jón Steinn segir að í erfiðum atvinnurekstri sínum í gegnum tíðina hafi skákin gert honum kleift að gleyma amstri dagsins, hreinsa hugann og safna kröftum.

Ungir og efnilegir: Haukur Víðis Leósson og Pétur Úlfar Ernisson

Útvarp Saga — Wed, 24 Sep 2025 15:06:00 +0000

Gestir Kristjáns Arnar í skákþættinum í dag eru þeir Haukur Víðis Leósson, 11 ára, og Pétur Úlfar Ernisson, 9 ára, tveir efnilegir og áhugasamir ungir drengir úr Taflfélagi Reykjavíkur. Þeir hafa tekið skákina föstum tökum undanfarin 3 ár og hafa m.a. báðir orðið Íslandsmeistarar í sínum aldursflokki.

Kristján heimsækir þá á æfingu og ræðir við þá um það hvernig þeir fengu áhuga á skák og hvaða vinnu þeir leggja í til að bæta sig, eftirminnilegar skákir, skákmót, þjálfara, vini við skákborðið og nýafstaðið Haustmót TR þar sem þeir Haukur og Pétur háðu mikla orrustu við Kristján Örn um sigur í C-flokki á mótinu. Með þeim í þættinum er Torfi Leósson skákkennari, einn þeirra sem komið hafa að þjálfun ungu drengjanna.

Skákfréttir: Ingvar Þór Jóhannesson, formaður TR og ritstjóri Skák.is

Útvarp Saga — Wed, 17 Sep 2025 23:05:27 +0000

Þeir Ingvar Þór Jóhannesson, formaður Taflfélags Reykjavíkur og ritstjóri Skák.is og Kristján Örn halda áfram að segja fréttir af erlendum og innlendum skákvettvangi en Ingvar Þór var einnig gestur þáttarins í síðustu viku. Ingvar og Kristján fóru yfir mótasenuna bæði hér heima og erlendis og var af nógu að taka!

Í upphafi síðari hluta þáttarins hringja þeir í Björn Ívar Karlsson, skólastjóra Skákskóla Íslands en Skákskóli Íslands stendur fyrir skákþjálfaranámskeiði dagana 29. og 30. september. Námskeiðið er opið öllum áhugasömum og er sérstaklega sniðið fyrir þá sem sinna skákþjálfun innan skóla eða skákfélaga eða hafa áhuga á því að reyna fyrir sér í skákþjálfun. Kennarar á námskeiðinu verða Björn Ívar Karlsson FIDE trainer og skólastjóri Skákskóla Íslands og Jóhanna Björg Jóhannsdóttir forseti SÍ og barnasálfræðingur. Námskeiðið fer fram í húsnæði Skákskóla Íslands, Faxafeni 12. Einnig verður námskeiðið sent út í gegnum fjarfundabúnað fyrir þá sem komast ekki á staðinn. Slóð á frétt og nánari upplýsingar um skákþjálfaranámskeiðið.

Íslenskar og erlendar skákfréttir: Ingvar Þór Jóhannesson, annar ritstjóra Skák.is og formaður TR

Útvarp Saga — Wed, 10 Sep 2025 17:39:40 +0000

Ingvar Þór Jóhannesson, formaður Taflfélags Reykjavíkur og annar ritstjóra skákfréttavefjarins Skák.is er gestur Kristjáns Arnar. Þeir segja bæði íslenskar og erlendar skákfréttir og ræða það helsta sem er að gerast í skákinni um þessar mundir.

Framtíðarsýn og stefna: Vignir Vatnar Stefánsson, Íslandsmeistari í skák

Útvarp Saga — Thu, 04 Sep 2025 00:11:40 +0000

Kristján Örn fær til sín Vigni Vatnar Stefánsson Íslandsmeistara í skák og stigahæsta skákmann landsins. Vignir segir frá mikilli ævintýraferð sinni til nokkurra landa í Asíu en hann og félagi hans í landsliðinu, Aleksandr Domalchuk-Jonasson, tefldu m.a. á athyglisverðu skákmóti í Kína þar sem þeir mættu grjóthörðum ungum og efnilegum Kínverjunum við í skákborðið. Vignir Vatnar tapaði ekki skák, gerði þrjú jafntefli og lagði sex andstæðinga sína. Vignir sigraði á mótinu og varð einn í efsta sæti með sjö og hálfan vinning í níu skákum. Ekki amalegt að vinna skákmóti í Kína og vel gert hjá Vigni. Vignir ræðir framtíð sína í skákinni en hann er að leita sér að góðum skákþjálfara sem getur aðstoðað hann að ná enn lengra. Hann telur sig geta náð styrkleika vel yfir 2600 elo-skákstig með rétta fólkið í kringum sig og góðan og stöðugan stuðning frá styrktaraðilum. Vignir er staðráðinn í að taka þátt í næstu heimsmeistaramótum í hraðskák og atskák sem haldin verða í lok árs í Doha, Qatar eða dagana 25.-31. desember. Heildarverðlaunafé á mótinu nemur um 150 milljónum íslenskra króna og munu flestir af sterkustu skákmönnum heims verða á meðal þátttakenda.

Vetrarstarf taflfélaganna í landinu að hefjast: Oddgeir Ágúst Ottesen, formaður skákdeildar KR

Útvarp Saga — Wed, 27 Aug 2025 16:33:49 +0000

Dr. Oddgeir Ágúst Ottesen, formaður skákdeildar KR og framkvæmdastjóri Kjarafélags viðskiptafræðinga og hagfræðinga er gestur Kristjáns Arnar í þættinum. Þeir fara yfir mótaáætlun Skáksambands Íslands fyrir starfsárið 2025-26 og segja nýjustu fréttir af skákfréttavefnum skak.is en vetrarstarf talfélaganna í landinu er að hefjast núna í byrjun september. Má þar nefna undanrásir Íslandsmótsins í netskák í kvöld, Haustmót Taflfélags Reykjavíkur sem hefst 3. september og Skákþing Norðlendinga sem haldið verður um næstu helgi, 5.-7. september. Oddgeir ræðir barnastarfið hjá KR, segir frá þjálfurum félagsins og svo taka þeir félagar umræðu um Íslandsmót skákfélaga en fyrri hluti Íslandsmótsins hefur verið staðfestur dagana 13.-16. nóvember nk.

Skákstarfið hjá TR: Daði Ómarsson og Gauti Páll Jónsson skákþjálfarar

Útvarp Saga — Wed, 20 Aug 2025 18:00:38 +0000

Daði Ómarsson og Gauti Páll Jónsson frá Taflfélagi Reykjavíkur eru gestir Kristjáns Arnar. Þeir félagar fara yfir mótaáætlun TR og ræða starfið hjá félaginu í vetur en það byrjar með Borgarskákmótinu í Ráðhúsi Reykjavíkur á morgun, 20. ágúst. Árbæjarskákmótið er á dagskrá 31. ágúst og Haustmót TR hefst miðvikudaginn 3. september en stefnt er að teflt verði í tveimur lokuðum flokkum og einum opnum flokki. Einnig ræddu þeir önnur mót, eins og EM landsliða sem fram fer fram dagana 4.-15. október, EM taflfélaga sem haldið verður 18.-26. október og EM ungmenna haldið 28. október til 10. nóvember. Af þessum sökum hefst Íslandsmót skákfélaga óvenju seint í ár en fyrri hlutinn verður tefldur dagana 13.-16. nóvember. Daði, sem einnig er æskulýðsfulltrúi í stjórn Skáksambands Íslands, sagði að vinna væri á frumstigi hjá sambandinu að halda minningarmót um Friðrik Ólafsson á næsta ári. Hann talar um nýtt fangelsisverkefni hjá FIDE þar sem hann og Björn Ívar Karlsson, skólastóri Skákskóla Íslands, munu taka að sér að aðstoða hugsanlega þátttakendur hér á landi. Daði sagði stuttlega frá skákferli sínum, þjálfun barna og unglinga og mörgu öðru.

ChatGPT-5 metur íslenska skákmenn: Björgvin Víglundsson þaulreyndur skákmeistari

Útvarp Saga — Wed, 13 Aug 2025 16:52:03 +0000

Björgvin Víglundsson þaulreyndur skákmeistari og byggingaverkfræðingur er gestur Kristjáns Arnar Elíassonar í þessum þætti. Þeir félagar ræða sterkustu skákmeistara Íslands frá miðri síðustu öld og til dagsins í dag. Gervigreindarforritið ChatGPT-5 kemur mikið við sögu en til gamans, og með fyrirvara um staðreyndarvillur, ólíkar forsendur og aðgengi að upplýsingum, var það fengið til að meta 30 sterkustu skákmenn Íslands frá upphafi, sterkustu virku skákmenn landsins fyrir 1975, skákstíla og persónueiginleika þeirra bestu og margt fleira sem ekki náðist að fara yfir í þessum þætti (framhald síðar). Loks var gervigreindin beðin um að velja sér lag til að spila í lok þáttarins og komu nokkur lög til greina út frá þema þáttarins. Gervigreindin valdi lög eins og "One Night in Bangkok" með Murray Head og "The Queen´s Gambit" úr samnefndri kvikmynd með tónlist eftir Carlos Rafael Rivera. Síðarnefnda lagið er stefið sem spilað er í upphafi skákþáttanna og hið fyrra hefur verið spilað líklega tvisar eða þrisvar sinnum í þættinum áður. Lagið sem gervigreindin valdi að lokum var "Smooth Operator" með hinni seiðmögnuðu SADE en forritið telur lagið tilvalið til hlustunar fyrir þá skákmenn sem vilja ná yfirvegun og rökréttri hugsun!

Top Icelandic Players (Pre-1975)

Eggert Gilfer (1892–1960)
- Seven-time Icelandic Champion (1918–1942) and stalwart first-board Olympiad participant.
Ásmundur Ásgeirsson (1906–1986)
- Six-time Icelandic Champion between 1931 and 1946; Olympiad competitor.
Jón Guðmundsson (1904–1980)
- Three-time national champion (1932, 1936–37), earned an individual gold medal in the 1939 Olympiad.
Baldur Möller (1914–1999)
- Multiple Icelandic Champion (1938–1950) and two-time Nordic Champion (1948, 1950); played in Olympiads.
Ásmundur Ásgeirsson (listed above).
Guðmundur Guðmundsson (1918–1974)
- Won the Icelandic Championship in 1954; represented Iceland in the 1954 Olympiad.
Freysteinn Þorbergsson (1931–1974)
- 1960 Icelandic Champion, 1965 Nordic Champion, and key Olympiad team member until the early 1970s.
Friðrik Ólafsson (b. 1935)
- Became Iceland’s first Grandmaster in 1958, later served as FIDE President (1978–1982). While more active after 1975, his rise began in the late 1950s and 1960s.
Bobby Fischer (1943–2008)
- Though American by birth, Fischer’s 1972 World Championship win was held in Reykjavík, and he later settled in Iceland. His peak and influence overlap with the pre-1975 era of Icelandic chess history.

Expanding the List (9 More Notable Players)

While records are sparse, the following figures also contributed to Icelandic chess up to 1975:

Daniel Willard Fiske (1831–1904)
- American ‘father of Icelandic chess’, founded Reykjavík Chess Club and promoted chess in early 1900s Iceland.

Top 30 Icelandic Chess Players – All Time (Best to Least)

With 5–15 sentence bios each for historical context.

1. Friðrik Ólafsson (1935–2025)

Iceland’s first Grandmaster (1958) and one of the top 15 players in the world at his peak. Won the Icelandic Championship six times, the Nordic Championship twice, and tied or won major international tournaments like Hastings 1955–56 and Wijk aan Zee 1976. Qualified for the 1959 Candidates Tournament, finishing 7th against the world’s best. Served as FIDE President (1978–82), the only president to beat a reigning World Champion (Karpov) in official play. His legacy is both competitive and diplomatic — he transformed Iceland’s chess profile from obscure to world-known.

2. Jóhann Hjartarson (b. 1963)

Six-time Icelandic Champion and two-time Nordic Champion. Reached the Candidates quarterfinal in 1988, beating Viktor Korchnoi before losing to Karpov. Peak FIDE rank No. 11 in January 1989 — the highest ever for an Icelander in the Elo era. Consistent Olympiad leader for Iceland from 1984 to the mid-2000s. One of only two Icelanders to have played in a Candidates knockout phase.

3. Jón Loftur Árnason (b. 1960)

World U-17 Champion (1977), GM since 1986, Icelandic Champion three times. Defeated Short, Korchnoi, Shirov, Adams, Vaganian, and Larsen, and drew with Tal, Petrosian, Smyslov, and Karpov. Instrumental in Iceland’s 5th-place Olympiad finish in 1986 and 6th in 1992. Known for deep positional understanding and resilience against elite opposition.

4. Guðmundur Sigurjónsson (b. 1947)

Second Icelandic GM (1975), three-time national champion, regular Olympiad top board. Tournament wins include Reykjavík 1970 and Brighton 1982, plus shared titles at Sant Feliu 1974 and Hastings 1974–75. Helped cement Iceland’s place as a serious chess nation in the 1970s.

5. Helgi Ólafsson (b. 1956)

GM (1985), six-time Icelandic Champion. Played more Olympiads than any other Icelander, often on Board 1. Ranked among the world’s top 50 in the late 1980s, with notable tournament wins in the Nordic circuit and strong results in Dortmund and Copenhagen. Prolific author and long-time director of the Icelandic Chess School, mentoring generations of players.

6. Héðinn Steingrímsson (b. 1975)

World U-12 Champion (1987), youngest Icelandic Champion at age 15 (1990), three-time national champion. Won Reykjavik Open 2009. Known for sharp, tactical play and endurance in classical formats. Maintained top-level presence for over 30 years.

7. Margeir Pétursson (b. 1960)

GM (1986), Icelandic Champion twice, Nordic Champion (1987). Winner of Hastings Premier 1986. Played in Interzonals 1985 and 1990, and in the 1998 FIDE World Championship. Balanced competitive chess with a successful career in finance.

8. Hannes Hlífar Stefánsson (b. 1972)

Record 11-time Icelandic Champion. World U-16 Champion (1987). Less visible internationally but a domestic powerhouse for three decades.

9. Helgi Áss Grétarsson (b. 1977)

World U-20 Champion (1994), Icelandic Champion twice (2018, 2024). GM at 17, among the strongest Icelanders of the 1990s and 2000s. Also active in politics.

10. Hjörvar Steinn Grétarsson (b. 1993)

GM (2013), peak rating 2603, multiple Olympiad appearances. Currently Iceland’s top-rated active player. Strong in open tournaments and blitz formats.

11. Henrik Danielsen (b. 1966)

GM (1996), Danish-born but switched to Iceland in 2005. Icelandic Champion 2009. Known for creative opening play (“Polar Bear” system).

12. Baldur Möller (1914–1999)

Pre-GM era champion — won Icelandic title seven times between 1938 and 1950, Nordic Champion twice. Laid early foundations for Icelandic chess in the mid-20th century.

13. Guðmundur Kjartansson (b. 1988)

GM (2021), three-time Icelandic Champion (2014, 2017, 2020). Consistent top-five national player over the last decade.

14. Jón Viktor Gunnarsson (b. 1982)

GM, frequent Olympiad representative. Known for solid positional play.

15. Þröstur Thorhallsson (b. 1969)

GM (1996), long career at high national level. Frequent Olympiad competitor.

16. Bragi Thorfinnsson (b. 1981)

GM (2018), strong national league competitor. Not...

Skákkennsla fyrir stjórnmálamenn: Sigurður Þórðarson og Gunnar Freyr Rúnarsson

Útvarp Saga — Wed, 06 Aug 2025 16:11:33 +0000

Gestir Kristjáns Arnar í þessum þætti eru þeir Gunnar Freyr Rúnarsson formaður Víkingaklúbbsins og Sigurður Þórðarson, áhugamaður um skák. Sigurður er fyrrverandi stýrimaður hjá Landhelgisgæslunni í síðustu tveimur Þorskastríðum Íslendinga en í fjóra áratug hefur hann flutt inn náttúrulyfið Rautt-eðalginseng. Rautt-eðalginseng er vinsælt hjá skákmönnum en það er talið skerpa athygli og auka þol. Þeir félagar ræða skák; Evrópukeppni félagsliða, árangur Víkingaklúbbsins á Íslandsmóti skákfélaga frá stofnun hans árið 2007, Vestfirði og sjarma þeirra, pólitík hér heima og erlendis og margt fleira. Sigurður segir að stjórnmálamenn nútímans skorti þekkingu á Íslandssögunni og nefndir að hann og þeir sem tóku þátt í Þorskastríðunum hafi gert það í góðri trú fyrir framtíðarkynslóðir Íslendinga. Það sé því grátlegt að illa upplýstir stjórnmálamenn vilji gefa fiskveiðiauðlind þóðarinnar til Evrópusambandsins. Sigurður telur að skákiðkunn sé þroskandi fyrir börn enda hafi rannsóknir sýnt að börnum og ungmennum sem iðka skák vegni betur í námi og starfi. Ástæðan kunni að vera sú að í skákinni læri maður að temja sér rökhugsun og öguð vinnubrögð.

Skák og píanóleikur - hugur og hönd: Þorsteinn Gauti Sigurðsson og Gunnar Freyr Rúnarsson

Útvarp Saga — Wed, 30 Jul 2025 16:30:16 +0000

Þorsteinn Gauti Sigurðsson, píanóleikari og skákmaður og Gunnar Freyr Rúnarsson, sagnfræðingur og formaður Víkingaklúbbsins eru gestir Kristjáns Arnar. Þema þáttarins snýst að einhverju leyti um New York en Þorsteinn bjó þar í 4 ár þegar hann stundaði nám við einn virtasta tónlistarháskóla heims, Juilliard School of Music. Gunnar Freyr hefur einnig mikið dálæti af borginni en hann hefur margoft heimsótt "borgina sem aldrei sefur" meðal annars teflt þar með íslenska unglingalandsliðinu í skák. Þeir félagar ræða götuskákmenningu í stórborgum, heimsókn í Hvíta húsið þegar Jimmy Carter var forseti Bandaríkjanna, hver sé sterkasti píanóleikri allra tíma í skák og aðra skemmtilega viðburði.

Skák á Íslandi og í Austur-Evrópu: FIDE-meistararnir Símon Þórhallsson og Sigurbjörn J. Björnsson

Útvarp Saga — Wed, 23 Jul 2025 18:29:37 +0000

FIDE-meistararnir Símon Þórhallsson og Sigurbjörn J. Björnsson fara um víðan völl í spjalli sínu við Kristján Örn í þættinum. Rætt er um skák á Íslandi fyrr og nú, nýskipuð keppnislið Íslands sem fara í haust til Batumi í Gerorgíu á Evrópumóti landsliða í skák, heimsbikarmót kvenna sem nú stendur yfir einnig í Batumi í Georgíu, Viðeyjarhraðskákmótið sem haldið var í Viðey um helgina, ferðalög þeirra félaga til Austur-Evrópu og margt fleira skemmtilegt og fróðlegt.

"Óli, leggðu á": Halldór Grétar Einarsson FIDE-meistari og formaður meistaraflokksráðs Breiðabliks

Útvarp Saga — Wed, 16 Jul 2025 16:38:39 +0000

Í þættinum ræðir Kristján Örn Elíasson við Halldór Grétar Einarsson FIDE-meistara og formann meistaraflokksráðs Breiðabliks. Þeir ræða afreksskák á Íslandi og styrki til afreksmanna í skák og þróun alþjóðlegra skákstiga síðustu árin. Þeir bera saman aldur og styrkleika sterkustu skákmanna Norðurlandanna og einnig koma þeir inn á hversu skákin er orðin vinsæl á netinu en um það bil þriðjungur íslensku þjóðarinnar hefur stofnað reikning á vefnum Chess.com þar sem hægt er að tefla, leysa þrautir, lesa fréttir og gera ýmislegt annað.

Íslenskir titilhafar í frjálsu falli á stigalista FIDE: Björn Víglundsson og Halldór Grétar Einarsson

Útvarp Saga — Wed, 09 Jul 2025 17:35:37 +0000

Skákmeistarinn Björn Víglundsson byggingaverkfræðingur og fyrrverandi Íslandsmeistari öldunga í skák og FIDE-meistarinn Halldór Grétar Einarsson, formaður meistararáðs Breiðabliks eru gestir Kristjáns Arnar í þættinum. Björn er í þættinum allan tímann en Halldór Grétar kemur símleiðis inn í síðari hluta þáttarins frá Hveragerði. Björn segir frá sterkum frönskum stórmeisturum sem uppi voru á átjándu og nítjándu öldinni og ólíkum skákstílum en einnig ræðir hann sterkustu skákmenn heims í dag. Hann spyr sig hvað íslenskir skákmenn geti lært af þessum snillingum skákborðsins bæði fyrr og nú. Halldór Grétar rekur tölfræði yfir stigabreytingar hjá íslenskum titilhöfum og öðrum afreksskákmönnum en þar má sjá að margir þessara aðila eru í frjálsu falli niður stigalista FIDE. Við það má ekki una og hvað er til bragðs að taka? Því er reynt að svar í þættinum.

Skák, Þorskastríð, Rússar, Fischer og Rautt-eðalginseng: Sigurður Þórðar og Gunnar Freyr

Útvarp Saga — Wed, 02 Jul 2025 17:21:47 +0000

Gestir Kristjáns Arnar í þessum þætti eru þeir Gunnar Freyr Rúnarsson formaður Víkingaklúbbsins og Sigurður Þórðarson, áhugamaður um skák og fyrrverandi stýrimaður hjá Landhelgisgæslunni í síðustu tveimur Þorskastríðum Íslendinga við Breta. Sigurður er kaupmaður og hefur síðustu fjóra áratugina flutt inn náttúrulyfið "Rautt-eðalginseng" sem er ræktað í 800-1000 metra hæð í Suður-Kóreu. Þeir félagar ræða skák, Þorskastríðin, kynni Sigurðar við Bobby Fischer en Fischer var mikill aðdáandi og reglulegur notandi "Rauðs-eðalginsengs," hvernig Sovétmenn/Rússar hjálpuðu Íslendingum að vinna öll Þorskastríðin, sérstaklega það fyrsta og síðasta (hótunin er sterkari en leikurinn) með því að láta í veðri vaka að þeir myndu taka vel í óskir Íslendinga um hernaðaraðstoð. Einnig segir Sigurður frá þegar LLoydsman, stærsti dráttarbátur Breta, sem var 2.400 tonn að stærð elti Albert, minnsta varðskip Íslendinga (201 tonn), inn í Berufjörð og keyrði stöðugt á varðskipið með þeim afleiðingum að skipið stórskemmdist.

Yfirsetur á Íslandsmóti í skák og afreksmál: Gauti Páll Jónsson, ritstjóri tímaritsins Skákar

Útvarp Saga — Wed, 25 Jun 2025 18:40:01 +0000

Gestur þáttarins er Gauti Páll Jónsson, ritstjóri tímaritsins Skákar. Rætt er um nýlokin Íslandsmót í skák á Blönduósi en þar voru krýndir fjórir Íslandsmeistarar. Rætt er um fyrirkomulag mótsins og hvort rétt sé að leyfa yfirsetur á Íslandsmótum í skák. Í síðari hluta þáttarins er rætt um afreksmálin í skákinni og hvað hægt sé að gera til að standa betur við bakið á okkar efnilegasta fólki. Gauti segir frá nýjungum í mótahaldi og nefnir til dæmis Pressukeppnina þar sem ungir skákmenn fá tækifæri til að tefla gegn reynslumeiri skákmönnum.

Ýmsar hugleiðingar og aðalfundur SÍ: Björgvin Víglundsson skákmeistari

Útvarp Saga — Wed, 18 Jun 2025 16:55:07 +0000

Björgvin Víglundsson, fyrrverandi Íslandsmeistari öldunga í skák er gestur Kristjáns Arnar í þættinum. Þeir ræða um Magnus Carlsen og Hikaru Nakamura og gamla meistara skákborðsins. Í síðari hluta þáttarins ræða þeir skákhátíðina á Blönduósi og aðalfund Skáksamband Íslands sem haldinn var á Blönduósi sl. laugardag þrátt fyrir að skoðunarmenn reikninga sambandsins hafi talið tilefni til þess að hafin yrði rannsókn á rekstri og bókhaldi Skáksambandsins og að formenn nokkurra aðildarfélaga hafi farið fram á að fundinum yrði frestað.

Gerir kröfu um breytingar: Arnar Erwin Gunnarsson alþjóðlegur meistari í skák

Útvarp Saga — Wed, 11 Jun 2025 17:07:47 +0000

Arnar Erwin Gunnarsson alþjóðlegur meistari í skák ræðir feril sinn og hugleiðingar um framtíð skákar á Íslandi. Hann talar um erfiðar krossgötur sem hreyfingin stendur frammi fyrir um þessar mundir. Arnar telur að Ísland sé að tapa sérstöðu sinni sem mikil skákþjóð og hafi dregist langt aftur úr öðrum þjóðum síðastliðin 10 til 15 ár. Hann segir að fjármunum hafi verið mjög illa varið sem hafi bitnað gríðarlega á öllu afreksstarfi með þeim afleiðinum að hann og aðrir sterkir skákmeistarar hafi misst áhugann og hætt að tefla. Viðtalið við Arnar Erwin má hlusta í heild sinni í spilaranum hér að neðan.

Skákferill og stúderingar: Sigurbjörn J. Björnsson FIDE meistari

Útvarp Saga — Thu, 05 Jun 2025 01:33:57 +0000

Sigurbjörn J. Björnsson gæðatryggingastjóri hjá Algalíf er gestur Kristjáns Arnar í þættinum. Sigurbjörn er FIDE meistari og Íslandsmeistari í skák með félagsliði sínu, Skákdeild Fjölnis. Sigurbjörn ræðir skákferil sinn og segir frá hvernig hann stúderar skák og undirbýr sig gegn andstæðingum sínum. Hann nefnir ýmis skákforrit og skákgagnagrunna og lýsir hvernig undirbúningur skákmanna hefur þróast í gegnum tíðina með tilkomu tölva, snjallsíma og skákforrita. Þeir félagar fara um víðan völl í spjalli sínu en hlusta má á þáttinn í spilaranum.

Sterkurstu heimsmeistarar sögunnar: Björgvin Víglundsson skákmeistari og byggingaverkfræðingur

Útvarp Saga — Wed, 28 May 2025 16:49:02 +0000

Björgvin Víglundsson, þrautreyndur skákmeistari og byggingaverkfræðingur er gestur Kristjáns Arnar í þessum þætti. Umræðuefnið er að mestu heimsmeistaraeinvígi Mikhail Botvinnik og David Bronstein árið 1951 og sterkustu heimsmeistarar sögunnar. Björgvin þakkar Útvarpi Sögu og Kristjáni Erni fyrir þeirra framlag til skákhreyfingarinnar með því að halda úti vikulegum útvarpsþætti um skák. Hann ræðir einnig framboð Kristjáns til embættis forseta Skáksambands Íslands. Kristján leggur mjög mikla áherslu á að ný stjórn Sambandsins verði samhent og að hana skipi fulltrúar frá félögum sem hafa verið virk í starfi. Hann telur að með þessum hætti verði teknar ákvarðanir sem verði farsælar fyrir skákhreyfinguna í heild sinni og lyftistöng fyrir skáklífið í landinu. Kristján leggur áherslu á að forseti Skáksambandsins eigi ekki að vera framkvæmdastjóri þess líka. Hann segir að það sé meginregla hjá öðrum íþróttasamböndum að aðgreining sé milli forseta og stjórnar annars vegar og framkvæmdastjóra hins vegar.

Minningarmót Gunna Gunn og Ottó: Helgi Árnason og Tryggvi Leifur Óttarsson

Útvarp Saga — Wed, 21 May 2025 23:24:17 +0000

Kristján Örn ræðir við Helga Árnason, formann Skákdeildar Fjölnis og Tryggva Leif Óskarsson, formann Taflfélags Snæfellsbæjar um stórglæsilegt og fjölmennt minningarmót um Gunnar Gunnarsson og Ottó A. Árnason sem haldið var í Félagsheimilinu Klifi í Ólafsvík um síðustu helgi. Báðir voru þessir frumkvöðlar miklir áhugamenn um skák og merkir menn í sögu Ólafsvíkur.

Skákþjálfaraspjall: Torfi Leósson og Gauti Páll Jónsson

Útvarp Saga — Fri, 16 May 2025 23:21:42 +0000

Torfi Leósson og Gauti Páll Jónsson eru gestir þáttarins að þessu sinni. Báðir eru þeir fyrrum formenn Taflfélags Reykjavíkur og núverandi þjálfarar félagsins. Í þættinum fara þeir yfir hvernig skákumhverfið hefur breyst á undanförnum áratugum og hvernig ný tækni og aukin samkeppni hefur haft áhrif á þjálfun og styrkleika skákmanna. Með tilkomu rafrænna kennslutækja og skákforrita hefur orðið bylting í skákþjálfun. Þeir segja að íslenskir skákmenn verði að fylgjast vel með ætli þeir sér að vera samkeppnishæfir á alþjóðavettvangi.

Við skákborðið - Gauti Páll Jónsson og Torfi Leósson

Útvarp Saga — Wed, 14 May 2025 19:45:55 +0000

Norðurlandameistarar stúlkna í skák: Iðunn Helgadóttir og Guðrún Fanney Briem

Útvarp Saga — Wed, 07 May 2025 23:31:25 +0000

Gestir Kristjáns Arnar eru nýkrýndir Norðurlandameistarar í skák. Þetta eru ungu landsliðskonurnar Iðunn Helgadóttir 17 ára og Guðrún Fanney Briem 15 ára sem báðar urðu Norðurlandameistarar í sínum flokkum eftir sigur á Norðurlandamóti stúlkna í skák sem fram fór í Fredericia í Danmörku um þar síðustu helgi. FIDE meistarinn Björn Ívar Karlsson, skólastjóri Skákskóla Íslands og einn af þjálfurum stúlknanna og fararstjóri í ferðinni er einnig gestur þáttarins.

Iðunn og Guðrún Norðurlandameistarar í skák

Útvarp Saga — Wed, 07 May 2025 21:07:56 +0000

Hvað er að frétta? - Ingvar Þór Jóhannesson annar ritstjóra vefmiðilsins Skák.is

Útvarp Saga — Wed, 30 Apr 2025 16:54:48 +0000

Ingvar Þór Jóhannesson, skákfréttaritari og annar ritstjóra vefmiðilisins Skák.is er gestur Kristjáns Arnar að þessu sinni. Þeir félagar ræða nýafstaðið Reykjavíkurskákmót, skipulagningu mótsins, val þátttakenda, gengi íslensku keppendanna og ýmislegt fleira varðandi umgjörð mótsins og annað. Frábær árangur íslensku landsliðsstúlknanna barst í tal en þær Iðunn Helgadóttir og Guðrún Fanney Briem urðu báðar Norðurlandameistarar stúlkna í skák, hvor í sínum aldursflokki, en mótið fór fram í Fredericia í Danmörku um síðustu helgi. Taflfélag Snæfellsbæjar blæs til glæsilegs minningarmóts 17. maí næstkomandi en mótið er minningarmót um Gunnar Gunnarsson og Ottó A. Árnason sem báðir eru merkir menn í sögu Ólafsvíkur. Þeir Ingvar Þór og Kristján Örn komu inn á aðrar skákfréttir í spjalli sínu en hlusta má á þáttinn í spilaranum.

Vignir Vatnar Stefánsson sigrar Magnus Carlsen á skákmótaröðinni Titled Tuesday

Útvarp Saga — Wed, 23 Apr 2025 16:44:59 +0000

Stórmeistarinn Vignir Vatnar Stefánsson, stigahæsti skákmaður landsins er mættur í stúdíóið til Kristjáns Arnar. Þeir félagar fara um víðan völl í spjalli sínu í þessum skemmtilega þætti. Í gærkvöldi, á hinu ofursterka vikulega Titled Tuesday hraðskákmóti á Chess.com, gerði Vignir sér lítið fyrir og lagði sjálfan Magnus Carlsen að velli - með svörtu! Líklegast hefur enginn Íslendingur unnið Carlsen eftir að hann varð fyrst heimsmeistari árið 2013. Vignir minnist Friðriks Ólafssonar, talar um Reykjavíkurskákmótið, nýja skákmótaröð sem hann stendur fyrir og ber nafnið Le Cock mótaröðin eftir samnefndum veitingastað, Grenke Freestyle mótið í Þýskalandi sem lauk sl. mánudag með glæsilegum sigri Carlsen þar sem hann sigraði alla andstæðinga sína , ræðir styrktarmál, segir frá venjulegum degi í lifi stórmeistarans og margt fleira.

Geir Hilmar Haarde, fyrrverandi forsætisráðherra og sendiherra Íslands í Bandaríkjunum

Útvarp Saga — Wed, 16 Apr 2025 16:12:51 +0000

Geir Hilmar Haarde, fyrrverandi forsætisráðherra og sendiherra Íslands í Bandaríkjunum er gestur Kristjáns Arnar. Geir segir frá hvenær hann fékk fyrst áhuga á skák og skákmótum sem hann hefur tekið þátt í. Hann telur upp góða skákmenn sem sátu á Alþingi með honum og talar um Friðrik Ólafsson og aðra sterka skákmeistara sem hann hefur mætt á skákborðinu. Barnabörn Geirs, Inga Jóna 12 ára og Hafþór 9 ára, æfa bæði skák og hafa farið á skákmót til útlanda með leikskólanum Laufásborg undir styrkri handleiðslu Omar Salama skákkennara. Sjá Skákbörn Laufásborgar. Geir hefur ekki aðeins gaman af að tefla og mæta á skákæfingar hjá KR heldur syngur hann með tveimur kórum; Karlakór Kópavogs og Harmoníukórnum. Þeir Kristján Örn og Geir fara um víðan völl í þættinum, tala m.a. um Reykjavíkurskákmótið, stjórnmálaástandið í Bandaríkjunum og margt fleira.

Dr. Oddgeir Ágúst Ottesen, formaður skákdeildar KR

Útvarp Saga — Wed, 09 Apr 2025 15:19:45 +0000

Oddgeir Ágúst Ottesen, formaður skákdeildar KR er gestur þáttarins. Oddgeir er með doktorsgráðu í hagfræði og starfar sem framkvæmdastjóri Kjarafélags viðskiptafræðinga og hagfræðinga. Í þættinum minnast þeir Kristján Örn Friðriks Ólafssonar, fyrsta, sterkasta og þekktasta stórmeistara Íslendinga í skák, sem andaðist föstudaginn 4. apríl síðastliðinn eftir skammvin veikindi. Oddgeir segir frá barnastarfinu hjá skákdeild KR, segir frá góðum árangri barna og unglinga á Íslandsmóti barna- og grunnskóla og á Reykjavíkurmótinu í skólaskák en fjölmörg barnaskákmót hafa verið haldin að undanförnu. Oddgeir talar um Reykjavíkurskákmótið sem nú stendur yfir og margt fleira en hlusta má á viðtalið í spilaranum hér að neðan.

Björn Þorfinnsson ritstjóri DV og alþjóðlegur meistari í skák

Útvarp Saga — Thu, 03 Apr 2025 00:53:29 +0000

Björn Þorfinnsson, ritstjóri DV og alþjóðlegur meistari í skák, er gestur Kristjáns Arnar í þessum þætti. Björn segir frá ferðum sínum á skákmót í Túnis í Afríku og norður í land á 20 ára afmælismót Goðans þar sem hann stóð uppi sem sigurvegari. Björn stefnir á að bæta sig í skák á gamalsaldri eins og hann orðar það en hann hefur hækkað um tæplega 40 elo-skákstig á nokkrum mánuðum. Kristján Örn fór inn á Facebooksíðu Björns og spyr hvort hann kannist við setninguna: "Rosalega verður maður kærulaus í þessum hita". Björn hlær og rifjar upp skemmtilegar sögur af sjálfum sér og fölskyldu sinni þegar þau ferðuðust til Ítalíu í fyrra. Björn segir: "þrjóturinn hún systir mín hefur nú deilt sinni reynslu af fjölskyldufríi stjórfjölskyldunnar [...]. Í myndböndum hennar mátti sjá fjölskylduna að mestu leyti í sínu rétta ljósi enda erum við allt annað en eðlilegur hópur. Rúmlega helmingurinn sennilega með einhverjar greiningar og hinn helmingurinn í afneitun," segir Björn og skellihlær. Hlusta má á viðtalið í heild sinni í spilaranum.

Björn Þorfinnsson

Útvarp Saga — Thu, 03 Apr 2025 00:39:08 +0000

Kristján Örn ræðir við Björn Þorfinnsson, alþjóðlegan meistara í skák og ritstjóra DV.

Stöðnun og óvirkir afreksmenn: Halldór Grétar Einarsson FIDE meistari og formaður meistararáðs Breiðabliks

Útvarp Saga — Thu, 27 Mar 2025 03:33:21 +0000

Kristján Örn tekur á móti FIDE meistaranum Halldóri Grétari Einarssyni, formanni meistaraflokksráðs Breiðabliks. Þeir ræða tölfræði eða árangur þeirra keppenda sem stóðu sig hvað best á nýafstöðnu Íslandsmóti skákfélaga. Einnig velta þeir vöngum yfir þeirri kyrrstöðu sem ríkir hjá mörgum af bestu afreksmönnum okkar Íslendinga í skák en þessir skákmenn eru þá ýmist óvirkir eða tefla lítið. Þeir Halldór og Kristján lýsa yfir áhyggjum sínum vegna þróunar mála og kalla eftir stefnumótunarvinnu hjá íslenskri skákhreyfingu.

Út um allar trissur með Gunnari Frey Rúnarssyni og Róberti Lagerman

Útvarp Saga — Wed, 19 Mar 2025 17:47:01 +0000

Gunnar Freyr Rúnarsson, formaður Víkingaklúbbsins og FIDE meistarinn Róbert Lagerman, aðalritari Vinaskákfélagsins og alþjóðlegur skákdómari heimsækja Kristján Örn í stúdíóið á Útvarpi Sögu. Þeir fara út um víðan völl og ræða meðal annars um fyrirkomulag Íslandsmóts skákfélaga, Víkingaskák, bréfskák, landsliðsmál Grænlands, Reykjavíkurskákmótið, skák úti á landsbyggðinni, Æsi skákfélagið og vel heppnað 20 ára afmælismót Goðans sem fram fór í Skjólbrekku í Mývatnssveit um síðustu helgi.

Vestfirðingarnir Guðmundur Gíslason og Magnús Pálmi Örnólfsson

Útvarp Saga — Wed, 12 Mar 2025 14:59:25 +0000

Kristján Örn tekur á móti Vestfirðingunum Guðmundi Gíslasyni, FIDE meistara og verkstjóra hjá hraðfrystihúsinu Gunnvör í Hnífsdal og Magnúsi Pálma Örnólfssyni, skákmeistara og hagfræðingi MBA.

Íslandsmót skákfélaga og Boris Spassky: Sigurbjörn J. Björnsson og Halldór Grétar Einarsson

Útvarp Saga — Wed, 05 Mar 2025 17:10:41 +0000

FIDE meistararnir Sigurbjörn J. Björnsson frá skákdeild Fjölnis og Halldór Grétar Einarsson frá skákdeild Breiðabliks ræða um Íslandsmót skákfélaga sem lauk um síðustu helgi. Sigurbjörn minnist Boris Spassky, fyrrverandi heimsmeistari í skák og eins af fremstu skákmönnum sögunnar, sem lést á fimmtudaginn í síðustu viku áttatíu og átta ára að aldri. Árið 1969 náði Spassky hápunkti ferils síns þegar hann varð heimsmeistari í skák eftir sigur á Tigran Petrosjan. Þremur árum síðar eða árið 1972 háði hann eitt frægasta einvígi skáksögunnar við bandaríska skákmeistarann Bobby Fischer í Laugardalshöllinni sem kallað hefur verið „einvígi aldarinnar“. Einvígið vakti heimsathygli og var táknrænt fyrir spennuna milli austurs og vesturs á tímum kalda stríðsins.

Tímaritið Skák og Íslandsmót skákfélaga: Gauti Páll Jónsson, ritstjóri og Björn Ívar Karlsson, skólastjóri Skákskóla Íslands

Útvarp Saga — Wed, 26 Feb 2025 17:39:55 +0000

Í þessum eitthundraðasta frumflutta þætti Við skákborðið tekur Kristján Örn á móti þeim Gauta Páli Jónssyni, ritstjóra tímaritsins Skákar og Birni Ívari Karlssyni, skólastjóra Skákskóla Íslands. Umræðuefnið er tímaritið Skák sem kemur út lok vikunnar eða við upphaf síðari hluta Íslandsmóts skákfélaga, Íslandsmótið, Skákskólann, Norðurlandamót ungmenna í Borgarnesi og margt fleira skemmtilegt.

Karl Gauti Hjaltason, alþingismaður og formaður Taflfélags Vestmannaeyja

Útvarp Saga — Wed, 19 Feb 2025 16:28:05 +0000

Kristján Örn fær til sín Karl Gauta Hjaltason, alþingismann og formann Taflfélags Vestmannaeyja. Þeir ræddu sterka stöðu skákíþróttarinnar á Íslandi, þingsályktunartillögu Karls Gauta frá því árið 2020 um skákkennslu í grunnskólum, öflugt skákstarf í Vestmannaeyjum, Íslandsmót skákfélaga en félagið stefnir á að landa sínum fyrsta Íslandsmeistaratitli 2026 á 100 ára afmælisári félagsins. Þá talaði Karl Gauti um Björn Kalman lögfræðing, sem tefldi með félaginu um árabil, og sagði að ýmsir teldu að Björn væri fyrirmynd aðalpersónunnar í hinni heimskunnu skáldsögu Manntafl eftir Stefan Zweig. Margt annað áhugavert bar á góma eins og að Karl Gauti ber svarta beltið í karate en þáttinn í heild sinni má hlusta í spilaranum.

Skák og sundsmokkar: Magnús Pálmi Örnólfsson, skákmeistari og hagfræðingur

Útvarp Saga — Wed, 12 Feb 2025 16:30:35 +0000

Gestur skákþáttarins í dag er Magnús Pálmi Örnólfsson, skákmeistari og hagfræðingur MBA. Þeir Kristján Örn og Magnús Pálmi fóru um víðan völl í spjalli sínu eins og svo oft áður. Af erlendum vettvangi ræddu þeir Titled Tuesday netskákmótin, Tata Steel ofurmótið sem haldið er árlega í Wijk aan Zee í Hollandi, Free Style Chess Grand Slam Tour 2025 mótaröðina en fyrsta slembiskákmótið í mótaröðinni stendur nú yfir í Weissenhaus í Þýskalandi. Af innlendum vettvangi töluðu þeir um nýja skákbók, Sikileyjarvörn, eftir Jón Viktor Gunnarsson alþjóðlegan skákmeistara en þetta er önnur skákbókin sem hann lætur frá sér, nýlokið Skákþing Reykjavíkur og Hraðskákmót Reykjavíkur, Símamótið og Febrúarmótaröðina sem er samstarfsverkefni Taflfélags Reykjavíkur og Taflfélags Garðabæjar. Þess á milli sagði Magnús Pálmi skemmtilegar sögur og brandara eins og honum er einum lagið.

Afreksstefna Breiðabliks: Halldór Grétar Einarsson, FIDE meistari og formaður meistaraflokksráðs

Útvarp Saga — Wed, 29 Jan 2025 16:51:12 +0000

Halldór Grétar Einarsson, FIDE meistari og formaður meistaraflokksráðs Breiðabliks er gestur Kristjáns Arnar í þættinum í dag. Halldór ræðir afreksstefnu skákdeildar Breiðabliks og segir að ýmsum markmiðum deildarinnar hafi þegar verið náð. Máli sínu til stuðnings bendir hann meðal annars á árangur Blika í Skákþingi Reykjavíkur sem nú stendur yfir en 7. umferð þingsins verður tefld í kvöld. Þeir félagarnir ræða Title Tuesday netskákmótin á skákvefþjóninum Chess.com en nokkrir Íslendingar tefla þar reglulega eða á hverjum þriðjudegi eins og nafnið ber með sér. Þeir einir hafa þátttökurétt sem hafa fengið úthlutaðri nafnbót hjá FIDE, allt frá stórmeistaratitli (GM) og niður í kandídatatitil (CM). Þeir Halldór og Kristján tala um fjölsótta afmælisveislu Friðriks Ólafssonar sem haldin var í Hörðunni sl. sunnudag en þá fagnaði fyrsti og sterkasti stórmeistari Íslendinga fyrr og síðar 90 ára stórafmæli sínu. Fleira kemur til tals í þættinum eins og ágreiningur FIDE og nýs sambands eða félagsskapar sem heitir Free Style Chess, pólitísk afskipti eða umdeilt bann skáksambanda Norðurlandaþjóðanna á þátttöku skákmanna frá Rússlandi á mótum á Norðurlöndum vegna stríðsins í Úkraínu og margt fleira.

Friðrik Ólafsson 90 ára goðsögn

Útvarp Saga — Wed, 22 Jan 2025 17:34:30 +0000

Friðrik Ólafsson er gestur Kristjáns Arnar í þessum þætti. Friðrik varð fyrsti íslenski stórmeistarinn í skák árið 1958. Hann er þekktasti og sterkasti skákmeistari sem Íslendingar hafa eignast og var á meðal sterkustu skákmanna heims á sínum tíma. Friðrik var forseti Alþjóða skáksambandsins (FIDE) frá 1978 til 1982. Hann á glæsilegan starfsferil að baki og hefur hlotið fjölda viðurkenninga. Á sunnudaginn kemur eða þann 26. janúar fagnar Friðrik 90 ára stórafmæli sínu. Af því tilefni verður opið hús í Hörpu. Samkoman hefst kl. 16:00 og þætti meistaranum vænt um að sjá sem flesta. Hlusta má á viðtalið í spilaranum.

Friðrik Ólafsson: Af vef Skáksögufélagsins.

Menntun: Stúdentspróf frá MR 1955. Lögfræðipróf frá HÍ 1968.

Starfsferill: Fulltrúi í dómsmálaráðuneytinu 1968-1974. Forseti Alþjóðaskáksambandsins (FIDE) 1978-1982. Ritstjóri Lagasafns Íslands 1982-1983. Skrifstofustjóri Alþingis frá 1984. Varð sex sinnum Íslandsmeistari í skák, fyrst 1952, og Norðurlandameistari í skák 1953 og 1971. Alþjóðlegur skákmeistari 1956 og fyrsti íslenski stórmeistarinn í skák 1958. Varð sigurvegari á skákmótinu í Hastings 1955-1956, í Beverwijk í Hollandi 1959, Í Marianske Kasne í Tékkóslóvakíu 1961, á alþjóðlegum skákmótum í Reykjavík 1966, 1972 og 1976 og á Wijk an Zee í Hollandi 1975. Veitti forstöðu Skákskóla Friðriks Ólafssonar 1982-1984. Sat í nefnd á vegum menntamálaráðuneytisins 1989 sem vann að undirbúningi frumvarps til laga um Skákskóla Íslands og stórmeistaralaun.

Ritstörf: Lærið að tefla, kennslubók í skák, ásamt Ingvari Ásmundssyni, 1958. Heimsmeistaraeinvígið í skák 1972, ásamt Freysteini Jóhannssyni, 1972. Við skákborðið í aldarfjórðung, 1976. Auk þess fjöldi greina um skák í tímaritum og dagblöðum.

Viðurkenningar: Sæmdur titlinum alþjóðlegur stórmeistari í skák 1958, fyrstur Íslendinga. Riddarakross Hinnar íslensku fálkaorðu 1972 og stórriddarakross Hinnar íslensku fálkaorðu 1980. Gerður að heiðursborgara Reykjavíkur og aðalheiðursfélaga FIDE, 2015.

Skákspjall: Helgi Áss Grétarsson stórmeistari og Magnús Pálmi Örnólfsson skákmeistari

Útvarp Saga — Thu, 16 Jan 2025 00:35:57 +0000

Gestir þáttarins í dag eru Helgi Áss Grétarsson stórmeistari og núverandi Íslandsmeistari í skák og Magnús Pálmi Örnólfsson skákmeistari og hagfræðingur MBA. Þeir félagar fara um víðan völl í spjalli sínu, segja skemmtilegar sögur, tala um stefnu eða framtíð skákarinnar, hvernig menn takast ólíkt á við mótlæti eins og tap og hvernig og hversu fljótir menn eru að "núllstilla" sig, eins og Helgi orðar það. Hlusta má á þáttinn í heild sinni í spilaranum.

Óvæntar uppákomur á heimsmeistaramótunum í New York: Róbert Lagerman, Magnús Pálmi og Helgi Áss

Útvarp Saga — Wed, 08 Jan 2025 17:28:43 +0000

Gestir þáttarins í dag eru Róbert Lagerman FIDE meistari og alþjóðlegur skákdómari, Magnús Pálmi Örnólfsson skákmeistari og hagfræðingur MBA og stórmeistarinn Helgi Áss Grétarsson núverandi Íslandsmeistari í skák. Umræðuefnið er óvæntu uppákomurnar sem áttu sér stað á heimsmeistaramótunum í atskák og hraðskák sem fram fóru í New York á milli jóla og áramóta. Annars vegar er um að ræða "Stóra gallabuxnamálið" sem upp kom eftir áttundu umferð í atskákinni og hins vegar að heimsmeistaratigninni í hraðskák var skipt á milli Magnúsar Carlsen og Ian Nepomniachtchi að ósk þeirra beggja þrátt fyrir að reglur mótsins segðu að tefla skyldi þar til annar stæði uppi sem sigurvegari. Það var forseti FIDE, Arkady Dvorkovich, sem tók þessa ákvörðun þvert að reglur mótsins. Meira um þessar óvæntu og umdeildu uppákomur í spilaranum.

Sigurbjörn J. Björnsson og Björn Ívar Karlsson skólastjóri Skákskóla Íslands

Útvarp Saga — Wed, 18 Dec 2024 16:09:16 +0000

FIDE meistararnir Sigurbjörn J. Björnsson gæðatryggingastjóri hjá Algalíf og Björn Ívar Karlsson skólastjóri Skákskóla Íslands eru gestir Kristjáns Arnar að þessu sinni. Meginefni þáttarins er umfjöllun eða hugvekja um nýafstaðið heimsmeistaraeinvígi indverska áskorandans Gukesh Dommaraju og heimsmeistarans Ding Liren frá Kína. Einvíginu lauk með sigri Gukesh 7,5-6,5. Gukesh er þar með nýr heimsmeistari og langyngsti heimsmeistari skáksögunnar. Hann er aðeins 18 ára gamall og svo skemmtilega vill til að hann er einnig átjándi maðurinn til að hljóta þennan eftirsótta titil. Þeir félagar ræddu nýja bók eftir Sigurbjörn sem kom út í sumar. Hve þung er þín krúna er söguleg skáldsaga sem segir frá heimsmeistaraeinvíginu í skák á Íslandi á nýstárlegan hátt. Hún greinir frá því hvernig íslensku skipuleggjendurnir tókust á við margvísleg vandamál sem komu upp við skipulagningu einvígisins og það hvernig þeir Spasskí og Fischer tókust á við álagið og sundrungina sem kom upp i herbúðum beggja aðila sumarið 1972 þegar skák varð miðdepill heimsfréttanna. Einnig ræddu þeir starf Skákskóla Íslands, helstu áherslur og framtíðarplön.

Heimsmeistaraeinvígið 2024 - 3. hluti: Helgi Áss Grétarsson stórmeistari í skák

Útvarp Saga — Wed, 11 Dec 2024 18:06:39 +0000

Helgi Áss Grétarsson, stórmeistari og núverandi Íslandsmeistari í kappskák og hraðskák, er gestur Kristjáns Arnar í skákþættinum í þriðja skiptið í röð. Umræðuefnið er eins og áður heimsmeistaraeinvígið í Singapúr þar sem heimsmeistarinn Ding Liren frá Kína leitast við að verja heimsmeistaratitilinn gegn áskorandanum Gukesh Dommaraju frá Indlandi. Einvígið hófst 25. nóvember og stendur til 13. desember eða þar til annar hefur náð 7.5 vinningi en tefldar verða 14 kappskákir. Staðan í einvíginu er jöfn 6.5-6.5 eftir að tefldar hafa verið þrettán skákir. Ding vann fyrstu skákina og þá tólftu og Gukesh vann þriðju skákina og þá elleftu en öðrum skákum hefur lokið með jafntefli. Á morgun verður síðasta kappskákin tefld og ljúki henni með jafnteli verða tefldar 4 atskákir á föstudaginn með tímamörkunum 15 mínútur að viðbættum 10 sekúndum á hvern leik frá upphafi skákar til að fá úr því skorið hvor þeirra vinnur einvígið og hlýtur heimsmeistaratitilinn. Þeir Kristján og Helgi fóru einnig yfir helstu skákfréttir líðandi stundar.

Heimsmeistaraeinvígið 2024 - 2. hluti: Helgi Áss Grétarsson stórmeistari í skák

Útvarp Saga — Wed, 04 Dec 2024 17:54:53 +0000

Helgi Áss Grétarsson, stórmeistari og núverandi Íslandsmeistari í skák er gestur Kristjáns Arnar í annað skiptið í röð. Umræðuefnið er, eins og í síðasta þætti, heimsmeistaraeinvígið í Singapúr þar sem heimsmeistarinn Ding Liren frá Kína leitast við að verja heimsmeistaratitilinn gegn áskorandanum Gukesh Dommaraju frá Indlandi. Einvígið hófst 25. nóvember og stendur til 13. desember eða þar til annar hefur náð 7.5 vinningi en tefldar verða 14 kappskákir. Staðan í einvíginu er jöfn 4-4 eftir að tefldar hafa verið átta umferðir. Ding vann fyrstu skákina, næsta fór jafntefli og þriðju skákina vann Gukesh. Helgi verður einnig með Kristjáni í næsta þætti eftir viku en þeir ætla að fylgjast vel með öllu einvíginu og fara yfir sögu heimsmeistaraeinvígjanna og segja skákfréttir líðandi stundar.

Heimsmeistaraeinvígið 2024 - 1. hluti: Helgi Áss Grétarsson stórmeistari í skák

Útvarp Saga — Wed, 27 Nov 2024 23:02:03 +0000

Helgi Áss Grétarsson, stórmeistari og núverandi Íslandsmeistari í skák er gestur Kristjáns Arnar að þessu sinni. Umræðuefnið er heimsmeistaraeinvígið í Singapúr þar sem heimsmeistarinn Ding Liren frá Kína leitast við að verja heimsmeistaratitilinn gegn áskorandanum Gukesh Dommaraju frá Indlandi. Einvígið hófst 25. nóvember og stendur til 13. desember eða þar til annar hefur náð 7.5 vinningi en tefldar verða 14 kappskákir. Staðan í einvíginu er jöfn eftir að tefldar hafa verið þrjár umferðir. Ding vann fyrstu skákina, næsta fór jafntefli og í dag vann Gukesh og jafnaði þannig stöðuna í einvíginu fyrir fyrsta hvíldardaginn en frídagur er á morgun. Helgi verður einnig með Kristjáni í næsta þætti eftir viku en þeir ætla að fylgjast vel með einvíginu og fara yfir sögu heimsmeistaraeinvígjanna og segja skákfréttir líðandi stundar.

Gamlir skákmeistarar og nýir: Björn Víglundsson skákmeistari og byggingarverkfræðingur

Útvarp Saga — Wed, 13 Nov 2024 18:34:03 +0000

Björgvin Víglundsson, margreyndur skákmeistari og byggingaverkfræðingur, er gestur Kristjáns Arnar í þessum þætti. Umræðuefnið er að mestu gamlir erlendir skákmeistarar og heimsmeistaraeinvígið í skák 2024 sem fara mun fram í Singapúr dagana 25. nóvember til 13. desember nk. Það verða Kínverjinn Ding Liren (32 ára) ríkjandi heimsmeistari og áskorandinn Gukesh Dommaraju (18 ára) frá Indlandi sem takast munu á um heimsmeistaratignina. Heildarverðlaunafé verður tvær og hálf milljón dollara eða um 350 milljónir íslenskra króna.

Björn Þorfinnsson ritstjóri DV.is og alþjóðlegur meistari í skák

Útvarp Saga — Wed, 06 Nov 2024 16:13:57 +0000

Gestur Kristjáns Arnar í þættinum í dag er Björn Þorfinnsson ritstjóri DV.is. Hann var útnefndur alþjóðlegur meistari í skák árið 2009 og hefur náð tveimur áföngum að stórmeistaratitli. Það er því engu logið þegar fullyrt er að hann sé í hópi sterkustu skákmanna landsins. Þeir félagar, Björn og Kristján, fóru um víðan völl og ræddu meðal annars um atskákkeppni taflfélaga sem lauk í gær, liðsgöngu Björns í Taflfélag Vestmanneyja, Íslandsmótið í netskák sem er rúmlega hálfnað, EM félagsliða í haust, EM einstaklinga sem er framundan, Arsenal-mótið í London í byrjun desember, skemmtileg kráarmót á Bretlandseyjum, heimsmeistaraeinvígið í skák sem hefst í Singapúr 25. nóvember nk. á milli Kínverjans Ding Liren (32 ára) ríkjandi heimsmeistara og áskorandans Gukesh Dommaraju (18 ára) frá Indlandi og margt fleira sem hlusta má í spilaranum.

Heimsmeistareinvígið í skák 1972 og 100 ára afmæli FIDE: Guðmundur G. Þórarinsson, Einar S. Einarsson og Hilmar Viggósson

Útvarp Saga — Wed, 30 Oct 2024 16:23:30 +0000

Gestir þáttarins að þessu sinnu eru þeir Guðmundur G. Þórarinsson, verkfræðingur og fyrrverandi alþingismaður, Einar S. Einarsson fyrrverandi forstjóri VISA á Íslandi og Hilmar Viggósson fyrrverandi bankaútibússtjóri. Guðmundur og Einar eru báðir fyrrverandi forsetar Skáksambands Íslands og Hilmar er fyrrverandi gjaldkeri sambandsins en þeir Guðmundur og Hilmar voru við stjórnvölinn þegar „Einvígi aldarinnar“ fór fram í Laugardalshöll árið 1972 á milli þáverandi heimsmeistara í skák, Sovétsmannsins Boris Spasskys og Bandaríkjamannsins Roberts Fischers.

Eins og flestir vita sem fylgjast með skák veitti Alþingi Fischer íslenskan ríkisborgararétt þann 21. mars árið 2005. Hann lést í Reykjavík 17. janúar 2008 eftir baráttu við alvarleg nýrnaveikindi. Hann var jarðsettur í kyrrþey að eigin ósk í kirkjugarði Laugardæla í Flóa.

Í þættinum rifja þeir upp „gömlu góðu dagana“ en einnig segja þeir frá, að á 100 ára afmæli FIDE sem haldið var í Búdapest fyrir stuttu hafi heimsmeistaraeinvígið í skák 1972 verið valið "Minnisstæðasti skákviðburður allra tíma" í sögu FIDE. Auk þess var Friðriki Ólafssyni, fyrrverandi forseta FIDE veitt þakkarviðurkenning fyrir störf hans í þágu Alþjóðaskáksambandsins (FIDE).

Kjartan Briem formaður skákdeildar Breiðabliks og framkvæmdastjóri Isavia ANS

Útvarp Saga — Wed, 23 Oct 2024 16:52:41 +0000

Kristján Örn tekur á móti Kjartani Briem formanni skákdeildar Breiðabliks og framkvæmdarstjóra Isavia ANS en félagið er dótturfélag Isavia sem annast flugumferðarstjórn í íslenska flugstjórnarsvæðinu. Í upphafi þáttar segir Kjartan aðeins frá starfi eða hlutverki Isavia ANS en svo snúa þeir sér að starfinu hjá Skákdeild Breiðabliks. U-25 hópur Breiðabliks tekur nú í fyrsta skipti þátt í Evrópumóti félagsliða sem fer fram í Serbíu dagana 20. til 26. október. Þrjár umferðir hafa verið tefldar og hefur liðið staðið sig ágætlega og er í 38 sæti af 84 liðum sem taka þátt í keppninni. Í síðustu umferð gerði Vignir Vatnar jafntefli við Boris Gelfand sem á sínum tíma var einn allra sterkasti skákmaður heims (2.777 elo-skákstig árið 2013) og keppti m.a. einvígi við Vishy Anand um heimsmeistaratitilinn í skák árið 2012. Einvígið endaði með jafntefli 6-6 en Anand hélt titlinum á oddastigum, þ.e. þeir tefldu fjórar atskákir sem enduðu með sigri Anand 2,5 - 1,5. Kjartan talar um ungu og efnilegu krakkana í skákdeildinn og vill hann sjá átak í að fjölga stúlkum í skák og að skákhreyfingin setji sér mælanlega markmið. Hann segir fákeppni á milli þeirra helst há framförum hjá þeim. Sé horft fram um nokkur ár sér hann jafnvel fyrir sér sérstaka kvennadeild í skák sem yrði þá háð á öðrum tíma en hið hefðbundna Íslandsmót skákfélaga. Margt annað kom fram í spjalli þeirra Kristjáns og Kjartans en hlusta má á þáttinn í heild sinni í spilaranum.

Spilling og svindl í skák: Þorvaldur Logason skákmeistari, heimspekingur og félagsfræðingur

Útvarp Saga — Wed, 16 Oct 2024 17:31:43 +0000

Gestur Kristjáns Arnar Elíassonar í þættinum að þessu sinni er skákmeistarinn, heimspekingurinn og félagsfræðingurinn Þorvaldur Logason en hann er höfundur hinnar umdeildu bókar Eimreiðarelítan - Spillingarsaga sem kom út í lok síðasta árs. Megin þema eða inntak þáttarins er spilling og svindl í skák, þ.e. misnotkun valds. Í þættinum skilgreinir Þorvaldur þessi hugtök, hann kemur inn á elítur og valdaelítur, beitingu valdsins, s.s. úthlutun embætta, segir skemmtilegar sögur af fyrrum heimsmeisturum og forsetum FIDE. Margt annað athyglisvert barst í tal sem hlusta má á í spilara þáttarins.

Stigahæsti skákmaður landsins: Vignir Vatnar Stefánsson stórmeistari

Útvarp Saga — Wed, 09 Oct 2024 17:48:31 +0000

Gestur þáttarins er Vignir Vatnar Stefánsson stórmeistari og langstigahæsti skákmaður landsins. Vignir er 21 árs gamall, hann er atvinnumaður í skák og er stofnandi og eigandi vefsíðunar http://www.vignirvatnar.is en þar er að finna mikið og gott kennsluefni í skák fyrir byrjendur jafnt sem lengra komna. Kjartan Briem formaður skákdeildar Breiðabliks kíkti einnig í heimsókn í byrjun þáttarins en hann kemur svo aftur sem gestur þann 23. október nk. Vignir Vatnar fór yfir skákárið hjá sér en hann hefur teflt yfir 100 kappskákir í sumar, nefndi mótin, sagði frá sterkum mótherjum sem hann mætti, markmiðunum sem hann hefur sett sér og sagði frá vefsíðu sinni og mörgu fleira.

Ólympíumótið og Íslandsmót skákfélaga: Þorsteinn Þorsteinsson liðsstjóri Taflfélags Vestmannaeyja

Útvarp Saga — Wed, 02 Oct 2024 16:17:47 +0000

Gestur Kristjáns Arnar er Þorsteinn Þorsteinsson, fyrrverandi framkvæmdastjóri markaðs- og þróunarsviðs hjá RÚV og núverandi ritstjóri Hagstofu Íslands. Þorsteinn er liðsstjóri Taflfélags Vestmannaeyja; hann er FIDE meistari og einn af betri skákmönnum landsins.

Í þættinum fer Þorsteinn yfir Ólympíumótið í skák og einstaka árangur hvers liðsmanns íslensku liðanna. Mótinu lauk fyrir nokkrum dögum en teflt var í Búdapest, höfuðborg Ungverjalands. Þorsteinn segir að bjóða þurfi upp á sterk lokuð alþjóðleg skákmót hér á Íslandi fyrir okkar bestu skákmenn, að þeir þurfi að fá tækifæri til að tefla vel upp fyrir sig. Hann segir að fyrirkomulagið á opna Reykjavíkurskákmótinu henti þeim ekki og vill gera breytingar á mótinu á þann hátt að einnig sé keppt í lokuðum sterkum flokkum samhliða mótinu. Síðar í þættinum er fjallað um Íslandsmót skákfélaga sem hefst á morgun, fimmtudag. Það verða um 400 manns sem sitja munu að tafli í 5 deildum yfir helgina en keppt verður í Rimaskóla í Grafarvogi. Í lok þáttar minnist Þorsteinn vinar síns, FIDE meistarans Elvars Guðmundssonar sem lést 14. september sl. og tileinkar honum lagið The Rain Song með Led Zeppelin en þeir félagarnir héldu mikið upp á hljómsveitina Led Zeppelin.

Tímaritið Skák: Gauti Páll Jónsson sagnfræðingur og ritstjóri

Útvarp Saga — Wed, 25 Sep 2024 17:14:49 +0000

Gauti Páll Jónsson er gestur Kristjáns í þessum þætti. Tímaritið Skák kemur út í næstu viku eða á sama tíma og fyrri hluti Íslandsmóts skákfélaga hefst í Rimaskóla. Þeir félagar fara inn á efnistök nýjasta blaðsins og annað skáktengt efni en ritstjórinn vildi þó ekki greina frá öllu efni tímaritsins og segir að það sé fyrir kaupendur blaðsins að lesa og skoða. Blaðið verður til sölu í Rimaskóla um næstu helgi eða á meðan Íslandsmótið fer þar fram.

Björgvin Víglundsson skákmeistari og byggingaverkfræðingur

Útvarp Saga — Wed, 18 Sep 2024 17:09:36 +0000

Björgvin Víglundsson, margreyndur skákmeistari og byggingaverkfræðingur, heimsótti Kristján Örn í þáttinn að þessu sinni. Björgvin sagði að árið 1958, þegar hann var 12 ára gamall, hafi hann verið að fylgjast með og skrá niður skák Friðriks Ólafssonar og Inga R. Jóhannssonar í Landsliðsflokki. Þá hafi Bragi Kristjánsson komið að honum og hvatt hann til að taka þátt í Íslandsmótinu í 2. flokki í skák það árið sem hann og gerði. Það hafið verið upphafið að hans þátttöku í skákmótum.

Björgvin talaði um hversu feykilega mikilvægur Friðrik Ólafsson hafi verið fyrir íslenskt skáklíf og nefnir nokkra samferðamenn hans og þá sérstaklega stórmeistarann Guðmund Sigurjónsson.

Í þættinum kemur fram að Björgvin hefur tvisvar teflt fyrir Íslands hönd á Ólympíuskákmótum. Hann kemur inn á gríðarlega öflugt starf Jóhanns Þóris Jónssonar fyrir skákhreyfinguna, talar um ómannlega taflmennsku Magnúsar Carlsen, uppgang Hans Niemanns sem nú sé loks viðurkenndur á meðal þeirra bestu í heimi. Björgvin talar um árangur Vignis Vatnars á skákmótum að undanförnu og þeirri trú sinni að hann geti náð langt. Hann segir að næstu skref Vignis hljóti að vera að tefla á sterkum skákmótum og þá helst á mótum sem hann teflir vel upp fyrir sig. Björgvin lýsir hugmynd sinni um opna mótaröð með háu gólfi þar sem útreikningur stiga ræður því hver fær úthlutað hæstu peningastyrkina frá skákhreyfingunni en stórmeistaralaunin munu heyra sögunni til eftir næstu áramót. Hann telur jafnframt að val í landsliðið eigi að ráðast af getu og virkni á sérstökum mótum meðal þeirra bestu. Margt annað kom til tals í þættinum sem heyra má í spilaranum.

Jón Guðni Kristjánsson og Geir Rögnvaldsson

Útvarp Saga — Thu, 12 Sep 2024 00:31:42 +0000

Ólympíumótin í skák: Jóhann Hjartarson stórmeistari

Útvarp Saga — Wed, 04 Sep 2024 17:13:18 +0000

Gestur Kristjáns Arnar í þættinum í dag er einn af okkar sterkustu og þekktustu skákmeisturum. Hann var á sínum tíma á meðal allra sterkustu skákmanna heims. Þetta er stórmeistarinn Jóhann Hjartarson en hann starfar í dag sem yfirlögfræðingur Íslenskrar Erfðagreiningar.

Þeir Kristján og Jóhann gefa sér góðan tíma til að ræða þátttöku Íslendinga á Ólympíumótunum í skák í gegnum tíðina en fyrsta formlega Ólympíumótið fór fram í London árið 1927. Íslendingar tóku fyrst þátt þegar mótið var haldið í Hamborg í Þýskalandi árið 1930 og hafa ávallt verið á meðal þátttökuþjóða utan árin 1931, 1935 og 1950. Þeir ræddu Ólympíumótin í Buenos Aires 1939, Havana 1966, Möltu 1980, Dubai 1986, Manila 1992 og svo spáðu þeir og spekúleruðu í Ólympíumótinu í Ungverjalandi sem hefst í höfuðborginni Budapest í næstu viku en 1. umferð verður tefld 11. september. Margt annað kom til tals hjá þeim félögum, eins og skákfréttir líðandi stundar, sem hlusta má hér í spilaranum.

Skákdeild KR: Dr. Oddgeir Ágúst Ottesen formaður

Útvarp Saga — Wed, 28 Aug 2024 16:04:37 +0000

Dr. Oddgeir Ágúst Ottesen var gestur Kristjáns Arnar að þessu sinni. Þeir ræddu aðallega um barna- og unglingstarf hjá KR, Íslandsmót skákfélaga í október og vendingar í félagaskiptum en KR-ingar hafa styrkt sig verulega frá því í fyrra. Einnig ræddu þeir EM ungmenna sem nú fer fram í Prag í Tékklandi, komu inn á Ólympíumótið í skák sem fram í Búdapest í Ungverjalandi í næsta mánuði og ýmislegt fleira.

Á spjalli við Helga Áss Grétarsson stórmeistara og Íslandsmeistara í skák

Útvarp Saga — Fri, 23 Aug 2024 12:39:41 +0000

Það er stórmeistarinn Helgi Áss Grétarsson núverandi Íslandsmeistari í skák sem setst niður Við skákborðið að þessu sinn.

Þeir Kristján Örn ræða um nýlokið Borgarskákmót sem lauk með sigri Helga, Ólympíuskákmótið sem haldið verður í Búdapest í Ungverjalandi dagana 10.-23. september nk. Þeir töluðu við Björn Ívar Karlsson nýráðinn skólastjóra Skákskóla Íslands sem í morgun fór utan með stóran hóp barna og unglinga á EM ungmenna í Prag í Tékklandi. Um er að ræða 23 keppendur, 4 þjálfara og fjölda aðstandenda eða alls um 60 manns. Þetta mun vera langstærsti hópur sem Skáksamband Íslands hefur sent til keppni á erlenda grund. Helgi sagði frá undirbúningi stórmeistarans Vignis Vatnars Stefánssonar fyrir Ólympíumótið en hann hefur verið iðinn við að keppa á mótum erlendis í sumar, hækkað mikið á skákstigum og hefur Helgi mikla trú á okkar yngsta stórmeistara.

Einnig ræddu þeir um flesta af sterkustu skákmönnum heims sem hafa verið að keppa sín á milli að undanförnu, s.s. á Saint Louis at- og hraðskákmótinu sem Alireza Firouzja vann, Sinquefield Cup mótinu sem er í fullum gangi, væntanlegt einvígi Magnúsar Carlsen og Hans Niemann í París í byrjun næsta mánaðar og heimsmeistaraeinvígi núverandi heimsmeistara kínverjans Ding Liren og indverjans Dommaraju Gukesh en það mun fara fram í Singapúr dagana 20. nóvember til 15. desember nk. Það er því hægt að fullyrða að heimsmeistaratitillinn verður áfram í Asíu.

Filippseyjar og Íslandsmótið í netskák: Þorvarður Fannar Ólafsson og Birkir Karl Sigurðsson

Útvarp Saga — Wed, 14 Aug 2024 17:02:28 +0000

Gestir þáttarins eru skákmeistararnir Þorvarður Fannar Ólafsson og Birkir Karl Sigurðsson. Þorvarður hefur margoft heimsótt Filippseyjar en eiginkona hans er ættuð frá borginni San Carlos sem er á eyju sem heitir Negros. Hann segir sögu af ferðalagi sínu á fjölmennt helgarskákmót sem haldið var í borginni Bacolod og kynnum sínum af grjóthörðum filippseyskum skákmönnum. Þorvarður segir það algengt að teflt sé upp á peninga í verslunarmiðstöðvum og því oft viðhöfð ýmis brögð í tafli eins og að hagræða úrslitum á efstu borðum í lokaumferðum skákmóta. Í síðari hluta þáttarins var slegið á línuna til Birkis Karls Sigurðssonar þáttastjórnanda hjá Chess After Dark en hann hefur komið að skipulagningu á Íslandsmótinu í netskák sem hefst 25. ágúst nk. Óánægju hefur orðið vart hjá einhverjum skákmönnum þar sem 13 keppendur af 16 fá boðsæti beint í útsláttarkeppnina og þurfa því ekki að tefla í sjálfri undankeppninni eins og aðrir skákmenn til að tryggja sér sæti í mótinu. Þrír af sterkustu netskákmönnum landsins fengu ekki boð en það eru alþjóðlegu meistararnir Arnar Gunnarsson, Jón Viktor Gunnarsson og Davíð Kjartansson en þeir hafa margoft orðið Íslandsmeistarar í netskák og staðið uppi sem sigurvegarar á sterkum netskákmótum undanfarin ár. Einnig hefur það vakið athygli að Rafíþróttasamband Íslands heldur mótið en ekki Skáksamband Íslands. Há peningaverðlaun eru í boði en verðlaunafé er ein milljón króna og verður sýnt beint frá mótinu í Sjónvarpi Símans. Heyra má svar Birkis Karls við ofangreindum athugasemdum í þættinum.

Vinaskákfélagið: Hörður Jónasson forseti og Róbert Lagerman gjaldkeri

Útvarp Saga — Wed, 07 Aug 2024 18:03:29 +0000

Gestur Kristjáns Arnar í skákþættinum í dag er Hörður Jónasson, forseti Vinaskákfélagsins en Vinaskákfélagið hlúir að skáklífinu í Vin jafnframt því að efna til viðburða í þágu fólks með geðraskanir í samvinnu við athvörf, búsetukjarna, geðdeildir, félagsamtök og einstaklinga. Í síðari hluta þáttarins spjalla þeir einnig símleiðis við Róbert Lagerman gjaldkera Vinaskákfélagsins og fyrrverandi forseta þess en hann er nýkominn heim úr enn einni skákferðinni til Grænlands. Í þættinum segir Hörður frá hvernig hann kynntist skákinni fyrst, hvernig hann hóf að vinna fyrir Vinaskákfélagið, var kosinn í stjórn þess og tók loks við embætti forseta félagsins árið 2022. Hörður fór yfir tilgang, stefnu og markmið Vinaskákfélagsins og segir það öðruvísi en flest önnur skákfélög. Hann talaði um alþjóðlega geðheilbrigðismótið, jólaskákmótið á Kleppi, heimsóknir í athvörf og búsetukjarna til að gefa skáksett og klukkur, Hrafn Jökulsson og fleira gott fólk sem kom að stofnun Vinaskákfélagsins árið 2003 og hefur starfaði og keppt fyrir félagið.

Upprennandi stórstjarna: Katrín Ósk Tómasdóttir 9 ára skáksnillingur

Útvarp Saga — Wed, 31 Jul 2024 16:37:37 +0000

Það var fjölmennt og góðmennt Við skákborðið í dag. Kristján Örn tók á móti feðginunum Katrínu Ósk Tómasdóttur 9 ára og Tómasi Tandra Jóhannssyni ásamt FIDE meistaranum Halldóri Grétari Einarssyni fv. formanni skákdeildar Breiðabliks og fv. varaforseta Skáksambands Íslands. Síðar í þættinum bættist svo við FIDE meistarinn og skákkennarinn Björn Ívar Karlsson símleiðis frá Vestmannaeyjum en hann var mættur þar snemma til að taka þátt í Þjóðhátíðinni í ár. Umræðuefnið í þættinum er stuttur en glæsilegur skákferill Katrínar Óskar en hún hefur aðeins æft og telft skák síðan í febrúar á þessu ári en hún æfir hjá Haukum í Hafnarfirði undir leiðsögn Jóhönnu Bjargar Jóhannsdóttur og Auðbergs Magnússonar. Áhugann fékk hún fyrst þegar hún tefldi drepskák við Sjöfn ömmu sína og þegar hún var í 3. bekk í Hvaleyrarskóla en þar var kennd skák undir handleiðslu Steinars Stephensen og Ægis Magnússonar. Hjörvar Steinn Grétarsson stórmeistari hefur tekið Katrínu Ósk í einkatíma, eftir að hafa heyrt margt gott um hana, og undirbýr hana m.a. undir þátttöku í EM ungmenna sem fer fram í Prag í Tékklandi síðar í sumar. Í þættinum er rætt var um skák hjá yngstu kynslóðinni, samskipti við foreldra, æfingar og styrkjamál og hvernig best væri hægt að koma til móts við þarfir ungra og efnilegra skákbarna og unglinga.

Hinar ýmsu hliðar gervigreindar: Dr Yngvi Björnsson prófessor við HR

Útvarp Saga — Wed, 24 Jul 2024 18:29:24 +0000

Kristján Örn tekur aftur á móti dr. Yngva Björnssyni prófessor í tölvunarfræði við Háskólann í Reykjavík aðra vikuna í röð. Í síðustu viku ræddu þeir um gervigreind og skák og heldur umræðan áfram nú þar sem Yngvi upplýsir frekar um hinar ýmsu hliðar gervigreindar. Yngvi segir frá þeim gervigreindarrannsóknum sem hann hefur fengist við í gegnum árin þar sem hann hefur notað skák og aðra svipaða borðleiki sem viðfangsefni. Hann nefnir m.a. tölvukerfi sem læra af reynslu, útskýranlega gervigreind (e. explainable AI) og alhliða leikjagreind. Yngvi varð ásamt Hilmari Finnssyni, meistaranema hans við Háskólann í Reykjavík, heimstmeistari í keppni alhliða leikjaforrita sem haldin var í Vancouver í Kanada árið 2007. Þeir vörðu heimsmeistaratitilinn í gervigreind ásamt öðrum meistaranema, Gylfa Þór Guðmundssyni, þegar þeir urðu heimsmeistarar í gervigreind á stærstu gervigreindarráðstefnu heims sem haldin var í Chicago árið 2010 en þá lögðu þeir öðru sinni að velli Háskólann í Kaliforníu (UCLA) í úrslitum. Þeir ræddu um nýja löggjöf Evrópusambandsins um gervigreind sem tekur gildi 1. ágúst næstkomandi, lagaleg og siðferðileg álitamál, persónuverndarlög og höfundarréttarmál, hvort gervigreind hefði tilfinningar og hvað kerfi eins og risamállíkön ChatGPT, Copilot og Gemini geta og geta ekki gert.

Gervigreind og skák: Dr. Yngvi Björnsson, prófessor

Útvarp Saga — Wed, 17 Jul 2024 16:24:37 +0000

Gestur Kristjáns Arnar í þessum þætti er Dr. Yngvi Björnsson, prófessor í tölvunarfræði við Háskólann í Reykjavík. Hann var einn fyrsti doktorsmenntaði Íslendingurinn sem lagði áherslu á gervigreind en hann hefur lengi stundað kennslu og rannsóknir á því sviði. Hann er jafnframt áhugamaður um skák og hefur notað tölvuskák sem viðfangsefni í mörgum af sínum rannsóknarverkefnum.

Í þættinum ræða þeir félagar um áhuga Yngva á tölvunarfræði, gervigreind og tölvuskák en skákin hefur einmitt átt stóran þátt í þeim áhuga. Yngvi segir að skákin eigi sér langa og merkilega sögu sem mikilvægt umfangsefni í gervigreindarrannsóknum. Hann segir að í ár séu liðin 50 ár frá því að fyrsta heimsmeistaramótið í tölvuskák fór fram og framan af hafi verið mikill áhugi fyrir þessum mótum sem hafi þó farið dvínandi seinni ár. Seinasta opinbera heimsmeistaramótið í tölvuskák verður haldið síðar á þessu ári. Árið 2005 var mótið haldið á Íslandi og var Yngvi einn af skipuleggjendum mótsins. Árið 1996 tók Yngvi þátt í heimsmeistaramótinu ásamt samnemanda sínum, vísindamanninum Andreas Junghanns, en mótið fór fram í Jakarta höfuðborg Indónesíu. Skákforrit þeirra hét The Turk, í höfuðið á skákvél sem byggð var árið 1770. Tyrkinn (e. The Turk) var ekki raunveruleg vél, heldur vélræn blekking. Maður var inni í vélinni sem vann við stjórntækin. Með hæfileikaríkan skákmann falinn inni í vélinni vann Tyrkinn flestar skákirnar. Það lék og vann viðureignir gegn mörgum þar á meðal Napoleon Bonaparte og Benjamin Franklin.

Yngvi og Kristján ræddu um Deep Blue ofurtölvuna, AlpahaZero ofurforritið, Stockfish sem er sterkasta skákforriti í heimi og talið vera með styrkleika upp á 3.634 skákstig - þó í raun sé erfitt að meta það nema gegn öðrum skákforritum. Margt annað fróðlegt og skemmtilegt bar á góma og var ákveðið að Yngvi kæmi aftur í heimsókn næsta miðvikudag þar sem þeir félagarnir munu halda áfram að ræða um skák og gervigreind.

Hæfileikamennirnir Sveinbjörn Jónsson og Gauti Páll Jónsson

Útvarp Saga — Wed, 10 Jul 2024 17:07:19 +0000

Gestir þáttarins í dag eru þeir Sveinbjörn Jónsson, Súgfirðingur, áhugaskákmaður og fyrrverandi trillukarl og Gauti Páll Jónsson, fyrrverandi formaður Taflfélags Reykjavíkur, sagnfræðingur og ritstjóri tímaritsins Skákar.

Sveinbjörn sagði frá skákstarfinu á Súgandafirði og á Vestfjörðum hér á árum áður en Sveinbjörn sá meðal annars um skólaskák á Vestfjörðum um árbil. Hann sagði frá sterkum skákmönnum á Vestfjörðum og minntist á að Jóhann Þórir hefið haldið eitt af sínu frægu helgarskákmótum á Suðureyri við Súgandafjörð. Sveinbjörn er hagyrðingur góður og hefur samið margar vísur, lög og texta og fór hann með tvær skáktengdar vísur í þættinum. Spiluð voru tvö lög eftir Sveinbjörn. Lagið Driftwood sem fjallar um eilífðina, hafið og rekavið en hann tileinkaði lagið Hrafni Jökulssyni skákfrömuði sem jarðsettur var í kistu úr Vestfirskum rekaviði og lagið Ættfræði óttans sem er andsvar Sveinbjörns við setningu Einars Ben: "Ótti er virðingar faðir og móðir" en Sveinbjörn hefur miklar mætur á skáldinu Einari Ben.

Gauti Páll sagði frá starfinu í Taflfélagi Reykjavíkur og mótahaldi félagsins í sumar en félagið er eitt af fáum skákfélögum sem heldur starfinu gangandi yfir sumarmánuðina. Hann rifjaði upp að þeir Sveinbjörn hafi telft saman í Gallerý Skák fyrir u.þ.b. 10 árum og að síðasa skák þeirra, sem var kappskák, hafi endað með jafntefli. Að launum fékk hann breitt bros frá hógværum Sveinbirni.

Þeir félagar ræddu svo um heimsmeistaramót 50 ára og eldri sem fram fer í Kraká í Póllandi en síðasta umferðin verður tefld á morgun. Íslenska sveitin, skipuð "fjórmenningaklíkunni" frægu ásamt stórmeistaranum Þresti Þórhallssyni, leiddi mótið fyrir 7. umferð sem tefld var í gær gegn feykisterkri sveit Bandaríkjamanna. Íslenska sveitin var ein í efsta sætinu fyrir umferðina en tapaði viðureigninni (1-3) og á því veika von á að hremma gullið nema bandaríska sveitin misstígi sig í síðustu tveimur umferðunum. Íslenska sveitin á þó enn góða möguleika á að enda á verðlaunapalli.

Tal barst að unga og efnilega skákfólkinu okkar og hinum argentíska Faustino Oro sem í síðasta mánuði varð yngsti alþjóðlegi skákmeistari skáksögunnar og sló þar með met hins bandaríska Abhimanyu Mishra um einn mánuð og fjóra daga. Faustiono er aðeins 10 ára gamall, fæddur 14. október 2013 en nýverið vann hann bestu skákmenn heims, heimsmeistarana Magnús Carlsen og Hikaru Nakamura, í hraðskák (1. og 3. mínútna skákir) á skákþjóni vefsíðunnar Chess.com.

Skák á Grænlandi: Róbert Lagerman og Veronika Steinunn Magnúsdóttir

Útvarp Saga — Wed, 03 Jul 2024 17:17:34 +0000

Grænlandsfararnir Róbert Lagerman FIDE meistari og alþjóðlegur skákdómari og Veronika Steinunn Magnúsdóttir blaðamaður og laganemi eru gestir Kristjáns Arnar í þessum þætti. Þau ræða um útbreiðslu skákíþróttarinnar á Grænlandi sem skákfélagið Hrókurinn undir forystu Hrafns Jökulssonar heitins kom á í byrjun aldarinnar. Róbert fer til Grænlands núna í júlí og verður það 74 ferðin hans til Grænlands til að "breiða út fagnaðarerindið" eins og skákmenn svara gjarnan þegar þeir eru spurðir út í tilganginn með þessu öllu saman.

Skákfélagið Hrókurinn hefur síðan árið 2003 unnið markvisst að útbreiðslu skákíþróttarinnar á Grænlandi. Áður var skák þar nánast óþekkt. Hrókurinn hefur farið í fjölmargar ferðir til Grænlands, heimsótt mörg þorp og haldið námskeið, fjöltefli og skákmót. Útbreiðsla skákíþróttarinnar hefur verið mikil og hefur félaginu alls staðar verið vel tekið. Má fullyrða að fjölmörg börn og fullorðnir tefli nú á Grænlandi fyrir tilstuðlan Hróksins.

Róbert segir að Hrafn hafi sagt sér að markmiðið með öllum þessum ferðum væri að skapa gleðistundir fyrir börnin en ekki kílówattsstundir eins og Landsvirkjun. Hann segir að Hrókurinn og Kalak, sem er vinafélag Grænlands og Íslands, hafi fyrst og fremst að leiðarljósi að auka samvinnu Íslendinga og Grænlendinga á sem flestum sviðum, sérstaklega þeim sem lúta að hagsmunum barna. Grannþjóðirnar í norðri geti margt hvor af annarri lært, þegar vinátta og virðing séu í fyrirrúmi.

Róbert talar um störf Hrafns og Stefáns Herbertssonar á Grænlandi. Hrafn hafi leitt skáklandnám Hróksins á Grænlandi frá upphafi auk þess að hafa verið virkur í starfi Kalak. Stefán sé fv. formaður Kalak og upphafsmaður hins árlega sundkrakkaverkefnis, en þá er 11 ára börnum frá austurströndinni boðið til Íslands til að læra sund og kynnast íslensku samfélagi.

Margt annað athyglisvert ber á góma hjá þeim Róberti og Veroniku í þættinum, m.a. grænlenskur matur, ísbirnir, sleðahundar, sauðnaut, menning, samgöngur, margvísleg félagsleg vandamál á Austur-Grænlandi og það, að Grænlenska skáksambandið hafi sótt um inngöngu í FIDE en umsóknin verður tekin fyrir á þingi Alþjóðaskáksambandsins sem haldið verður samhliða Ólympíuskákmótinu í Búdapest í Ungverjalandi dagana 10.- 23. september nk.

Ný lög um skák frá Alþingi: Gunnar Björnsson forseti Skáksambands Íslands

Útvarp Saga — Wed, 26 Jun 2024 18:06:24 +0000

Gunnar Björnsson forseti Skáksambands Íslands er viðmælandi Kristjáns Arnar í þessum þætti og ræddu þeir að mestu um eftirfarandi: Alþingi Íslendinga samþykkti ný lög um skák síðastliðinn laugardag eða á síðasta starfsdegi þingsins fyrir sumarfrí. Lögin fela í sér þá breytingu að núverandi lög um launasjóð stórmeistara í skák, nr. 58/1990 og lög um Skákskóla Íslands, nr. 76/1990 falla úr gildi frá og með 1. febrúar 2025 þegar nýju heildarlögin um skák taka gildi. Ákvæði til bráðabirgða öðlast þó þegar gildi. Þar kemur fram að störf stórmeistara í skák séu lögð niður frá 31. janúar 2025 og að um réttindi og skyldur starfsmanna [stórmeistara], þ.m.t. biðlaunaréttur, fari samkvæmt lögum um réttindin og skyldur starfsmanna ríkisins nr. 70/1996. Gert er ráð fyrir að líklegt sé að hópur sem nú fær laun stórmeistara muni uppfylla öll skilyrði til að fá úthlutun úr nýjum afrekssjóði í skák. Til að tryggja meðalhóf er lagt til að þessi hópur, nú sjö manns, njóti forgangs til styrkja úr sjóðnum í fyrstu úthlutun árið 2025 en eftir þann tíma verða umsóknir þeirra metnar á sama grundvelli og annarra úr sjóðnum. Með nýju lögunum er skilgreint að framlög ríkisins til skákmála renni annars vegar til afrekssjóðs í skák og hins vegar til skákhreyfingarinnar í gegnum æðsta aðila hennar, Skáksamband Íslands, meðal annars til fræðslu um skák. Jafnframt er horft til þess möguleika að styrkja efnilegt skákfólk, sem stefnir að alþjóðlegum árangri, en hingað til hafi eingöngu þeir sem hlotið hafa nafnbótina stórmeistari uppfyllt skilyrði til að fá greiðslur úr ríkissjóði. Styrkjum verður að jafnaði úthlutað einu sinni á ári og verða veittir í þrjá til tólf mánuði í senn og þá til skilgreindra verkefna sem taki mið af væntum árangri umsækjanda það árið. Til að bæta stöðu og auka möguleika kvenna í skák er heimilt að setja mismunandi skilyrði styrkveitinga fyrir kynin.

Hve þung er þín krúna: Sigurbjörn J. Björnsson og Björn Ívar Karlsson FIDE meistarar

Útvarp Saga — Wed, 19 Jun 2024 18:27:25 +0000

Sigurbjörn J. Björnsson og Björn Ívar Karlsson eru mættir Við skákborðið til Kristjáns Arnar að þessu sinni. Meginefni þáttarins er umfjöllun um nýja bók eftir Sigurbjörn sem er að koma út í komandi viku. Hve þung er þín krúna er söguleg skáldsaga sem segir frá heimsmeistaraeinvíginu í skák á Íslandi á nýstárlegan hátt. Hún greinir frá því hvernig íslensku skipuleggjendurnir tókust á við margvísleg vandamál sem komu upp við skipulagningu einvígisins og það hvernig þeir Spasskí og Fischer tókust á við álagið og sundrungina sem kom upp i herbúðum beggja aðila, sumarið 1972 þegar skák varð miðdepill heimsfréttanna.

Höfundur bókarinnar Sigurbjörn J. Björnsson er margreyndur skákmaður, fyrrverandi skákmeistari Reykjavíkur og núverandi Íslandsmeistari skákfélaga með skákdeild Fjölnis.

Í þættinum koma þeir félagar inn á ákvörðun aðalfundar Skáksambands Íslands um að halda áfram útgáfu tímaritsins Skákar á prentformi en stjórn sambandsins hafði fyrr á árinu ákveðið að hætta útgáfunni , Fjórmenningaklíkuna sem heldur á heimsmeistaramót 50 ára og eldri í Kraká í Póllandi í byrjun júlí, Hans Moke Niemann sem aftur hefur rofið 2700 alþjóðlega skákstigamúrinn, Madrid Chess Festival þar sem ýmis leiðindi voru fyrirferðamikil, ásakanir um svindl o.fl. Einng kom fram að Jeanne Cairns Sinquefield, meðstofnandi Saint Louis Chess Club, tilkynnti við upphaf Cairns Cup mótsins í síðustu viku að fimm fyrstu bandarísku konurnar sem næðu stórmeistaratitli fyrir 4. júlí 2029 yrðu verðlaunaðar sérstökum "Cairns Chess Queens" verðlaunum að upphæð 100.000 dollurum eða um 14. milljónum íslenskra króna. Alþjóðaskáksambandið hefur ákveðið að heimsmeistaramótið í at- og hraðskák skuli fara fram í New York í Bandaríkjunum á milli jóla og nýárs og

Skákmeistararnir Magnús Pálmi Örnólfsson og Rúnar Sigurpálsson

Útvarp Saga — Wed, 12 Jun 2024 16:56:38 +0000

Gestir skákþáttarins að þessu sinni eru skákmeistararnir Magnús Pálmi Örnólfsson, hagfræðingur MBA og Rúnar Sigurpálsson, FIDE meistari og framkvæmdastjóri orkufyrirtækisins Fallorku á Akureyri. Magnús Pálmi var í stúdíóinu með Kristjáni Erni en Rúnar kom svo inn í síðari hluta þáttarins með símasambandi frá Akureyri. Í fyrri hlutanum sagði Magnús frá áætlun sinni um að setja á stofn skáksetur á Hóli í Bolungarvík, sem hann nýlega festi kaup á, þar sem skákmönnum gæfist kostur á að dveljast, nema og stúdera skáklistina í góðu næði við góðar aðstæður. Einnig ræddi hann áhuga sinn á að koma upp fyrsta flokks skákaðstöðu á höfuðborgarsvæðinu. Þar yrði hægt að halda vönduð skákmót þar sem öll bestu tæki og áhöld yrðu til staðar, bæði til taflmennsku og útsendinga. Rúnar Sigurpálsson sagði frá skáklífinu á Akureyri, rifjaði aðspurður af Magnúsi upp fjölda þeirra skákmeistaratitla sem hann hefur unnið til í gegnum árin og sögðu þeir félagarnir sögur frá menntaskólaárum sínum á Akureyri og þegar þeir tefldu í landsliðsflokki í Vestmannaeyjum árið 1994. Margt annað bar á góma sem hlusta má á í þættinum.

Björn Ívar Karlsson FIDE meistari og skákkennari og Helgi Árnason formaður Fjölnis

Útvarp Saga — Wed, 05 Jun 2024 16:53:54 +0000

Skákkennarinn og FIDE meistarinn Björn Ívar Karlsson var gestur þáttarins að þessu sinni. Eins og oft áður var umræðuefnið fjölbreytilegt en þeir Björn Ívar og Kristján Örn veltu fyrir sér slökum árangri heimsmeistarans Ding Liren í Norway Chess skákmótinu sem lýkur í vikunni. Björn efaðist um að við fengjum að sjá einvígi á milli Ding og áskorandans Gukesh í lok árs eins og stefnt er að, Ding Liren væri einfaldlega ekki búinn að jafna sig eftir erfið veikindi undanfarið ár. Björn talaði um EM ungmenna 8-18 ára sem fer fram í Prag 21. ágúst til 1. september en þar væri um að ræða metþátttöku frá Íslandi. Komið var inn á keppnisferðir Breiðabliks til Deltalift Open í Halmstad, þjálfunaraðferðir og undirbúning fyrir skákir, þróun og breytingar á ungum skákmönnum, Wessman Cup sem CAD-bræður héldu fyrir stuttu og hversu öflugir "gömlu mennirnir" Jóhann Hjartarson og Helgi Ólafsson væru en Helgi stóð uppi sem sigurvegari. Þá var rætt um Áskorendaflokk sem nú stendur yfir í húsakynnum TR og væntanlega bók Sigurbjörns Björnssonar, Hve þung er þín krúna, um einvígið 1972. Í fundargerð Skáksambands Íslands frá 26. apríl sl. segir að Helgi Ólafsson hafi lýst því yfir að hann ætli að hætta sem skólastjóri Skákskólans í haus eftir 30 ára starf. Kristján spurði Björn Ívar hvort hann hygðist gefa kost á sér sem næsti skólastjóri og sagðist Björn hafa áhuga á að taka við því starfi. Í fundargerðinni kemur einng fram að stjórn SÍ hafi ákveðið á fundi sínum að óska við Dómstól SÍ að Héðinn Steingrímsson stórmeistari fengi þriggja ára bann frá Skákþingi Íslands auk eins árs banns frá öðrum mótum á vegum SÍ. Kristján Örn spilaði viðtal í lok þáttarins sem hann tók við Helga Árnason formann skákdeildar Fjölnis og fyrrverandi skólastjóra Rimaskóla vegna málsins en Héðinn er öflugur liðsmaður Íslandsmeistara Fjölnis í skák.

Nýr formaður Taflfélags Reykjavíkur: Ingvar Þór Jóhannesson og Gauti Páll Jónsson

Útvarp Saga — Wed, 22 May 2024 17:29:10 +0000

Nýr formaður Taflfélags Reykjavíkur, Ingvar Þór Jóhannesson og fráfarandi formaður félagsins, Gauti Páll Jónsson eru gestir Kristjáns Arnar Elíassonar í þættinum.

Aðalfundur Taflfélags Reykjavíkur var haldinn í síðustu viku en þá voru m.a. gerðar þær breytingar á stjórn félagsins að Gauti Páll Jónsson, fráfarandi formaður, vék úr aðalstjórn í varastjórn og Ingvar Þór tók við formennsku. Gauti Páll hafði áður tekið við formennsku í desember 2023 þegar Ríkharður Sveinsson þáverandi formaður féll frá. Á fundinum var Hermann Ragnarsson gerður að heiðursfélaga Taflfélags Reykjavíkur fyrir störf sín í þágu félagsins. Þeir Ingvar Þór og Gauti Páll ræddu um starfsemi félagsins í vetur og mótahald sem er fram undan. Myndarlega verður staðið að Haustmót Taflfélags Reykjavíkur 2024 en það verður tileinkað minningu Ríkharðs. Eins og svo oft áður í þessum skákþáttum var farið um víðan völl í spjalli um íslenskt skáklíf, talað um skákviðburði og sagðar skákfréttir.

Gunnar Kr. Gunnarsson: Íslandsmeistari í skák og knattspyrnu

Útvarp Saga — Wed, 08 May 2024 16:49:55 +0000

Gunnar Kristinn Gunnarsson er gestur þáttarins að þessu sinni. Gunnar er fyrrverandi útibússtjóri Útvegsbankans í Hafnarfirði og var hann liðsmaður í sigursælli sveit bankans í hinni vinsælu skákkeppni stofnanna. Hann var forseti Skáksambands Íslands á árunum 1974-1975 og 1982-1984. Gunnar hefur þá sérstöðu meðal íslenskra skákmanna að vera eini Íslandsmeistarinn í skák (1966) sem einnig hefur unnið Íslandsmeistaratitil í annarri grein en hann varð Íslandsmeistari í knattspyrnu með meistaraflokki Vals (1956). Gunnar lék nokkra landsleiki með landsliði Íslands í knattspyrnu. Með sigri á Skákþingi Íslands 1966 tryggði hann sér sæti í sterku ólympíuliði Íslands sem tefldi á Ólympíumótinu í Havana á Kúbu sama ár. Gunnar verður 91 árs gamall þann 14. júní 2024 og heldur hann sér enn við á skáksviðinu með áskrift á tímaritinu New In Chess, stúderingum og með því að tefla vikulega með ÆSI, skákklúbbi eldri borgara í Stangarhyl.

Nýkrýndur Íslandsmeistari í skák: Helgi Áss Grétarsson stórmeistari

Útvarp Saga — Tue, 30 Apr 2024 15:09:43 +0000

Helgi Áss Grétarsson, stórmeistari og nýkrýndur Íslandsmeistari í skák er gestur Kristjáns Arnar í þessum þætti. Íslandsmótinu í skák lauk á laugardaginn þegar lokaumferðin fór fram í Mosfellsbæ. Fyrir lokaumferðina hafði Helgi Áss Grétarsson þegar tryggt sér Íslandsmeistaratitilinn en þá var hann einum og hálfum vinningi á undan næsta manni, Vigni Vatnari Stefánssyni, fráfarandi Íslandsmeistara. Helgi endaði mótið á stuttu jafntefli við Vigni og fór einn keppenda taplaus í gegnum mótið.

Í þættinum ræða þeir Íslandsmótið, andstæðinga Helga í mótinu, stöður sem upp komu eða öllu heldur hvernig Helgi undirbjó sig og nálgaðist einstaka skákir sínar allt eftir hver var andstæðingur hans hverju sinni. Helgi ræddi 5 ára planið sem hann setti sér árið 2018, sagði frá Íslandsmeti sínu í blindskák en árið 1997 tefldi hann blindskákafjöltefli við 11 manns og stendur það met enn. Í lokin talaði Helgi um og lýsti aðdáðun sinni á Indverjanum unga Gukesh Dommaraju sem fyrr í mánuðinum sigraði á áskorendamóti FIDE og vann sér þar með réttinn til að tefla við núverandi heimsmeistara í skák, Kínverjann Ding Liren síðar á árinu.

Björn Þorfinnsson alþjóðlegur skákmeistari og ritstjóri DV.is

Útvarp Saga — Wed, 24 Apr 2024 17:15:02 +0000

Björn Þorfinnsson alþjóðlegur skákmeistari og ritstjóri DV.is er gestur Kristjáns Arnar að þessu sinni. Þeir ræddu aðallega um Skákþing Íslands sem nú stendur yfir, nýafstaðið áskorendamót FIDE sem fram fór í Toronto í Kanada þar sem átta af sterkustu skákmönnum heims kepptu tvöfalda umferð allir við alla um réttinn til að skora á Ding Liren núverandi heimsmeistara í skák síðar á árinu. Einnig ræddu þeir fráfall fyrrverandi stórmeistara Isa Kasimi (Igors Rausis) frá Lettlandi, sem lést fyrr á árinu (f. 1961 - d.2024), en hann var gripinn glóðvolgur við svindl í miðju skákmóti á salerni þar sem hann notaði símatölvu sér til aðstoðar. Igor Rausis náði mest 2.686 elo-stigum árið 2019 eða sama ár og hann var staðinn að verki í opna skákmótinu í Strassborg en þá var hann elsti maðurinn á lista FIDE yfir 100 stigahæstu skákmenn heims. Rausis var sviptur stórmeistaratitli sínum og fékk sex ára keppnisbann af siðanefnd/dómstóli FIDE í desember sama ár. Þáttastjórnandi, Kristján Örn Elíasson, sat í rannsóknar- og ákærunefnd FIDE á þessum tíma og var einn þriggja meðlima Fair Play nefndar FIDE sem rannsakaði málið og gaf út ákæru á hendur Igor Rausis.

Róbert Lagerman - þáttur 2

Útvarp Saga — Wed, 17 Apr 2024 18:53:35 +0000

Kristján Örn Elíasson og Róbert Lagerman - þáttur 2 - framhald af síðasta þætti

Róbert Lagerman FIDE meistari og alþjóðlegur skákdómari

Útvarp Saga — Wed, 10 Apr 2024 16:45:57 +0000

Róbert Lagerman FIDE meistari og alþjóðlegur skákdómari mætti í settið á Útvarpi Sögu en þetta var sextugasti þáttur Kristjáns Arnar Elíassonar Við skákborðið. Róbert lærði skák frekar seint miðað við marga aðra sem náð hafa langt en hann var orðinn 15 ára gamll þegar fósturfaðir hans Hörður Victorsson kenndi honum fyrst að tefla. Skákkennslan stóð stutt þar sem Hörður nennti ekki lengur að tefla við hann eftir að Róbert fór að vinna hann reglulega. Fljótlega kom í ljós að Róbert var einstaklega hæfileikaríkur við skákborðið og ári síðar var hann orðinn Íslandsmeistari undir 20 ára (U-20). Róbert er margfaldur Norðurlanda- og Íslandsmeistari með Menntaskólanum við Hamrahlíð en liðsfélagar hans á menntaskólaárunum voru stórmeistararnir Jón L. Árnason, Margeir Pétursson og Jóhann Hjartarson ásamt FIDE meistaranum Þorsteini Þorsteinssyni. Róbert ræddi um langan og vægast sagt skrautlegan skákferil sinn. Hann talaði um kynni sín og vináttu við Hrafn Jökulsson, gímuna við þunglyndi, Bakkus og eltingaleik sinn við konur. Róbert er rétt að byrja frásögn sína en hann kemur fljótlega aftur í annan þátt.

Landsliðskonurnar Hallgerður Helga Þorsteinsdóttir og Veronika Steinunn Magnúsdóttir

Útvarp Saga — Thu, 04 Apr 2024 01:30:36 +0000

Hallgerður Helga Þorsteinsdóttir og Veronika Steinunn Magnúsdóttir, landsliðskonur í skák, segjast afar ánægðar með Reykjavíkurskákmótið sem heppnaðist vel þrátt fyrir að þeim finnist að þeim hefði mátt ganga betur eins og gengur. Stemningin á slíkum mótum sé einstök og gaman að sjá hversu margir sæki mótið aftur ár eftir ár. Þetta var meðal þess sem fram kom í þættinum Við skákborðið en Kristján Örn Elíasson ræddi við þær Hallgerði og Veroniku.

Þær segja ákveðinn kjarna fólks sem telji um 150 til 200 manns mæti á hverju ári á mótið og þær séu farnar að kynnast vel fólkinu innan þess hóps og það sé alltaf jafn gaman að taka þátt. Þá sé ekki síður gaman að taka þátt í þeim viðburðum sem fara fram til hliðar við mótið sjálft eins og pub-quiz, hraðskákmót og þá fari erlendir keppendur oft Gullna hringinn sem þeim finnist afar skemmtilegt. Þær segjast finna vel fyrir því að þátttakan á mótinu hafi aukist verulega undanfarin ár og það sé auðvitað jákvætt en það séu þó orðin svolítil þrengsli á svona fjölmennu Reykjavíkurskákmóti.

Hallgerður og Veronika ræddu um konur í skák, sögðu skoðun sína á hvort munur væri á styrkleika kvenna og karla við skákborðið, samskipti kynjanna, ferðalög erlendis, Ólympíumót, landsliðsþjálfara, mikla samkeppni stúlkna um sæti í kvennalandsliðinu og margt fleira áhugavert og skemmtilegt.

Héðinn Steingrímsson stórmeistari í skák

Útvarp Saga — Wed, 27 Mar 2024 18:14:44 +0000

Stórmeistarinn Héðinn Steingrímsson er gestur Kristjáns Arnar í þættinum Við skákborðið á Útvarpi Sögu að þessu sinni. Héðinn varð strax ungur að árum mjög sterkur skákmaður. Hann varð margsinnis Norðurlandameistari barna- og unglinga, hann varð heimsmeistari barna undir 12 ára árið 1987 og var aðeins 15 ára gamall þegar hann varð í fyrsta skipti Íslandsmeistari í skák en það ár náði hann styrkleika upp á 2500 eló-skákstig. Í þættinum talar Héðinn meðal annars um rannsóknir sínar á skák og gervigreind, áform ríkisstjórnarinnar (Alþingis) um að leggja niður stórmeistaralaunin í núverandi mynd, góðan árangur sinn á nýafstöðnu Reykjavíkurskákmótinu en Héðinn hreppti skipt annað sæti ásamt sex öðrum skákmönnum.

Gríðarleg spenna á Reykjavíkurskákmótinu: Gunnar Björnsson forseti Skáksambands Íslands

Útvarp Saga — Wed, 20 Mar 2024 23:27:30 +0000

Gunnar Björnsson forseti Skáksambands Íslands kom í settið til Kristjáns Arnar á Útvarpi Sögu. Umræðuefnið var Reykjavíkurskákmótið en gríðarleg spenna er hlaupin í mótið þegar aðeins tvær umferðir eru eftir. Áttunda umferð verður tefld í dag og lýkur mótinu á morgun þegar níunda umferð verður tefld kl. 11:00 um morguninn.

Stórmeistarinn Alisher Suleymenov frá Kasakstan er einn efstur með sex vinninga þegar sjö umferðir hafa verið tefldar en alls sautján keppendur fylgja honum fast á eftir með fimm og hálfan vinning og þar af fjórir Íslendingar, stórmeistararnir Guðmundur Kjartansson, Héðinn Steingrímsson, Jóhann Hjartarson og Hannes Hlífar Stefánsson!

Í þættinum eru spilaðir hljóðbútar af stuttum viðtölum sem tekin voru við aðstoðarmótshaldara og keppendur seint í gærkvöldi þegar sjöundu umferð var að ljúka í Hörpunni.

Íslandsmót skákfélaga og Reykjavíkurskákmótið: Sigurbjörn J. Björnsson og Halldór Grétar Einarsson

Útvarp Saga — Wed, 13 Mar 2024 17:42:03 +0000

Gestir Kristjáns Arnar í þessum þætti eru FIDE meistararnir Sigurbjörn Björnsson frá skákdeild Fjölnis og Halldór Grétar Einarsson frá skákdeild Breiðabliks. Þeir ræddu um nýafstaðið Íslandsmót skákfélaga en lið þeirra urðu sigurvegarar úrvalsdeildar og 1. deildar. Firnasterk skákdeild Fjölnis varð Íslandsmeistari skákfélaga og skákdeild Breiðabliks varð efst í 1. deild og tekur því sæti í úrvalsdeildinni í haust.

Þeir Halldór og Sigurbjörn ræddu einnig fyrirkomulag Íslandsmótsins en þeir vilja gera smávægilegar breytingar á úrvalsdeildinni. Frábær árangur Alexandr Domalchuk-Jónassonar kom til tals en hann náði lokaáfanga að alþjóðlegum meistaratitli ásamt fyrst áfanga sínum að stórmeistartitli á Íslandsmótinu. Halldór greindi að hluta frá nýrri metnaðarfullri 5 ára áætlun skákdeildar Breiðabliks um að styðja við bakið á ungum og efnilegum liðsmönnum skákdeilarinnar, bæði fjárhagslega og félagslega. Hann tók skýrt fram að hluti áætlunarinnar væri "hernaðarleyndarmál" en stefnt væri meðal annars á að úr afrekshópi þeirra kæmu nokkrir titilhafar innan 5 ára.

Reykjavíkurskákmótið kom einnig til tals en það hefst á föstudaginn kl. 15:00 og stendur yfir dagana 15. til 21. mars. Á meðal keppenda er Úkraínumaðurinn Vasyl Ivanchuk, fyrrum heimsmeistari í hraðskák og atskák. Hann var á sínum tíma annar stigahæsti skákmaður heims með 2787 eló-skákstig. Hann er talinn af mörgum kollegum sínum einn mesti snillingur skáklistarinnar.

Heimasíða og dagskrá Reykjavíkurskákmótsins í Hörpu tónlistarhúsi

Tímaritið Skák hættir: Gauti Páll Jónsson ritstjóri

Útvarp Saga — Thu, 29 Feb 2024 13:02:20 +0000

Gestur Kristjáns Arnar í dag er Gauti Páll Jónsson ritstjóri tímairtsins Skákar. Ræddu þeir ákvörðun stjórnar Skáksambands Íslands um að leggja niður útgáfu tímaritsins, viðbrögð við því og hvað sé hægt að gera til að snúa þeirri ákvörðun við. Fóru þeir um víðan völl í viðtalinu, ræddu ungmennastarfið, HM ungmenna á Ítalíu, starfið í Taflfélagi Reykjavíkur og spáðu í síðari hluta Íslandsmóts skákfélaga sem fer fram í Rimaskóla um helgina svo fátt eitt sé nefnt. En á endanum barst talið alltaf að tímaritinu Skák enda er það hinum unga ritstjóra kappsmál, og í raun allri skákhreyfingunni, að blaðið haldi áfram göngu sinni.

Meðal efnis í blaðinu:

Skákskýringar frá Íslandsmeistara kvenna.
Skákskýringar frá Íslandsmeistara í atskák.
Skákannáll haustið 2023.
Bókarkafli úr sögulegri skáldsögu um einvígið 1972.
Elostigatölfræði íslenskra skákmanna 2023.
Rokkað og rólað gegn Nimzanum.
“Kynni mín af skák” eftir rithöfund sem kann ekki mannganginn.
… og margt fleira …

Skilaboð frá ritstjóra: "Allir lausapennar blaðsins skrifa launalaust og flestar pizzur á matseðli Domino´s kosta meira en blaðið. Björgum blaðinu, kauptu blaðið!😊"

Hér er hægt að kaupa nýjasta blaðið og um leið skora á SÍ að draga ákvörðun sína til baka.

Tímariðtið Skák verður til sölu á Íslandsmóti skákfélaga í Rimaskóla um helgina. Aðrir sölustaðir eru Spilavinir, Bóksala stúdenta og Bókakaffið Ármúla.

Metþátttaka á Reykjavíkurskákmótinu 2024: Gunnar Björnsson forseti Skáksambands Íslands og Ingvar Þór Jóhannesson FIDE meistari

Útvarp Saga — Wed, 21 Feb 2024 18:08:06 +0000

Ritstjórar www.skak.is, þeir Gunnar Björnsson forseti Skáksambands Íslands og Ingvar Þór Jóhanesson FIDE meistari kíktu í heimsókn á Útvarp Sögu til Kristjáns Arnar Elíassonar í vikulegan þátt hans Við skákborðið. Tilgangurinn var að fara yfir Reykjavíkurskákmótið sem hefst 15. mars næstkomandi. Uppselt er á mótið en skráðir keppendur eru 429 frá 49 þjóðlöndum. Í ár eru 60 ár liðin frá því að fyrsta Reykjavíkurskákmótið fór fram í Lídó árið 1964. Þá var mótið lokað, eða svokallað boðsmót, og voru keppendur 14 talsins. Sigurvegari mótsins var fyrrverandi heimsmeistari í skák, sjálfur töframaðurinn frá Riga, Mikhail Tal en hann hlaut 12,5 vinning í 13 skákum. Þáverandi heimsmeistari kvenna, Nona Gaprindashvili, var einnig á meðal keppenda.

Eins og áður hjá þeim félögum var farið um víðan völl í spjalli um skákina, sagðar skákfréttir frá viðburðum hér heima og erlendis, spáð í spilin um hver verður næsti heimsmeistari í skák, spilað hljóðbrot þar sem Magnus Carlsen syngur rapplag sem kallast Hvem Stjal Spenolen eða Hver stal andlitskreminu með rapparanum Mr. Pimp-Lotion og margt fleira. Sjá slóð: Magnus Carlsen is Singing His Rap Song!

Stóra spurningin sem ekki náðist að svara í þættinum er: Verður Hans Moke Niemann umdeildasti skákmaður heims með á Reykjavíkurskákmótinu 2024? Það kemur í ljós í kvöld eða á morgun en á meðan við bíðum...Chess speaks for itself!

Landsliðsmennirnir Vignir Vatnar og Hilmir Freyr

Útvarp Saga — Wed, 14 Feb 2024 17:18:13 +0000

Landsliðsmennirnir Vignir Vatnar Stefánsson, núverandi Íslandsmeistari í kappskák og hraðskák og Hilmir Freyr Heimisson, alþjóðlegur meistari og núverandi Íslandsmeistari í atskák kíktu aðra vikuna í röð í heimsókn á Útvarp Sögu til Kristjáns Arnar Elíassonar í vikulegan þátt hans Við skákborðið. Þeir félagarnir tóku upp þráðinn frá því sem frá var horfið í síðasta þætti og ræddu meðal annars mikla og góða samvinnu þeirra við stúderingar en einnig innbyrðis "stríð" þeirra við skákborðið. Það kom fram í máli þeirra að þeir þekktu hvorn annan svo vel að skákir þeirra væru farnar að þróast í eins konar jafnteflismaraþon þeirra á milli, þeir væru í raun bestu óvinir! Langar skákir, tvöfaldar umferðir í svokölluðum túrbómótum og þreyta kom til tals og hversu mikilvægt það væri að sofa vel, borða rétt og stunda líkamsrækt reglulega. Þeir segja að það sé mjög gaman að sjá, að það sé kominn svo mikill metnaður hjá ungu skákmönnunum í dag. Þessi metnaður hafi ekki verið til staðar fyrir nokkrum árum þegar þeir voru að alast upp en nú séu flest allir að stúdera margar klukkustundir á dag. Menn séu einbeittir, haldi sér við efnið, taki alvöru æfingarnar og engin tími gefist fyrir fíflalæti. Vignir og Heimir fóru yfir helstu mót sem þeir ætla að taka þátt í á árinu og markmið sem þeir hafa sett sér á næstu tveimur árum. Vignir sagði að hann hefði rætt við hinn umdeilda og nú heimsþekkta Hans Moke Niemann í vikunni og að Niemann væri að velta fyrir sér að taka þátt í Reykjavíkurskákmótinu sem hefst í Hörpu í næsta mánuði.

Íslandsmeistarar og vinir: Vignir Vatnar og Hilmir Freyr

Útvarp Saga — Thu, 08 Feb 2024 17:40:27 +0000

Landsliðsmennirnir Vignir Vatnar Stefánsson, nýjasti og yngsti stórmeistari okkar Íslendinga og núverandi Íslandsmeistari í kappskák og hraðskák og Hilmir Freyr Heimisson, alþjóðlegur meistari og núverandi Íslandsmeistari í atskák kíktu í heimsókn á Útvarp Sögu til Kristjáns Arnar Elíassonar í vikulegan þátt hans Við skákborðið. Vignir fagnar 21 árs afmælisdegi sínum í dag, 7. febrúar en Heimir verður 23 ára síðar á árinu. Stórmeistarinn Helgi Áss Grétarsson var í pólitísku viðtali á útvarpsstöðinni í þættinum á undan og því lá beinast við að fá hann til að segja nokkur orð í upphafi þáttar og spyrja hann hvaða ráðleggingar hann hefði fyrir ungu landsliðsmennina. Ekki stóð á svörum frá Helga: "Fimm ára planið!" Helgi segir að þeir séu báðir öflugir skákmenn. Vignir sé stórkostlega hæfileikaríkur skákmaður og það sé mjög erfitt að eiga við hann við skákborðið. Hilmir sé mjög hugmyndaríkur skákmaður og baráttumaður. Helgi segir það mjög jákvætt við þá báða að þeir séu að leggja á sig mikla vinnu til að ná árangri. Hann er bjartsýnn á að þeir muni verða atvinnumenn í skák og nái að finna leiðir til að lifa af skáklistinni og að þeirra sé framtíðin. Þeir Vignir Vatnar og Heimir Freyr fóru síðan um víðan völl í mjög skemmtilegu viðtali. Þeir hafa frá mörgu að segja og stefna á að mæta í framhaldsþátt í næstu viku.

Skákað í skjóli myrkurs: Birkir Karl Sigurðsson og Leifur Þorsteinsson

Útvarp Saga — Wed, 31 Jan 2024 16:35:29 +0000

CAD-bræðurnir (Chess After Dark) Birkir Karl Sigurðsson forstöðumaður viðskiptaþróunar hjá Heimkaupum og Leifur Þorsteinsson viðskiptastjóri hjá Creditinfo eru gestir Kristjáns Arnar Elíassonar að þessu sinni. Þeir eru báðir skákmenn frá barnsaldri, skákþjálfarar og hafa verið öflugir mótshaldarar undanfarið eitt og hálft ár. Þeir hafa meðal annars skipulagt og stjórnað mótum eins og Bankinn Bistro mótaröðinni þar sem há peningaverðlaun voru í boði, Íslandsmótinu í Fischer-slembiskák, Íslandsmótinu í Atskák sem haldið var á Selfossi, Arena mótaröðinni, hraðskákmóti á Ölveri í Glæsibæi og Sykursalnum. Ekki má gleyma Blush mótinu skemmtilega þar sem vinningshafar voru leystir út með miklu magni af vörum þessarar verslunar hjálpartækja ástarlífsins. Mótið gekk "smurt" fyrir sig eins og Róbert Lagerman skákstjóri hafði lofað fyrir keppni og voru pokar verðlaunahafa í lok móts stútfullir af smokkum, titrurum og gjafabréfum í verslunina.

Hlaðvarpsþættir þeirra félaga, Chess After Dark, eru orðnir 153 að tölu og er hlaðvarpið orðið eitt stærsta og vinsælasta hlaðvarp landsins.

Upphaf og framtíð skákarinnar: Friðrik Ólafsson og Guðmundur G. Þórarinsson á spjalli

Útvarp Saga — Sat, 27 Jan 2024 14:38:32 +0000

Þátturinn Við skákborðið er að þessu sinni tvöfalt lengri en vanalega. Gestir Kristjáns Arnar Elíassonar eru báðir fyrir löngu orðnir þjóðþekktir menn. Friðrik Ólafsson er fyrsti íslenski stórmeistarinn í skák og var einn allra sterkasti skákmaður heims á sínum tíma. Hann er fyrrverandi forseti Alþjóðaskáksambandsins FIDE og fyrrverandi skrifstofustjóri Alþingis og því æðsti embættismaður þess. Guðmundur G. Þórarinsson er verkfræðingur og fyrrverandi alþingismaður. Hann var forseti Skáksambands Íslands þegar skákeinvígi aldarinnar var haldið í Laugardalshöll árið 1972 á milli þeirra Spasskís og Fischers.

Efni þessa þáttar er fyrst og fremst skákin, eðli hennar og uppruni. Þróun skáklistarinnar og byltingarkenndar breytingar og kannski síðast en ekki síst þróun mannlegrar hugsunar. En hvað er skák og hvar er hún upprunnin? Kristján Örn dró sig að mestu í hlé og bað þá Friðrik og Guðmund um að taka spjall og skyggnast inní þessa hulinsheima listagyðjunnar. Í lok þáttarins syngur 7. heimsmeistarinn í skák (1957-1958), Vasily Smyslov lagið Stenka Razin (Volga, Volga) ásamt karlakórnum í Tilburg ("La Renaissance"). Skákborðið, platan og Staunton taflmennirnir á myndinni á milli þeirra Guðmundar og Friðriks er gjöf til Friðriks frá kúbanska byltingarleiðtoganum Fidel Castro eftir Ólympíuskákmótið í Havana á Kúbu árið 1966.

Skák, uppþvottavélar og fjallajafntefli: Magnús Pálmi Örnólfsson skákmeistari og hagfræðingur MBA

Útvarp Saga — Wed, 17 Jan 2024 16:35:31 +0000

Magnús Pálmi Örnólfsson skákmeistari og hagfræðingur MBA var gestur Kristjáns Arnar Elíassonar í skákþætti hans Við skákborðið á Útvarpi Sögu. Þeir félagarnir fóru um víðan völl í spjalli sínu. Nöfn eins og Katrín Jakobsdóttir, Ásgeir Jónsson, Donald Trump, Gunnar Nelson og Mugison koma við sögu og hugtök eins og vísindi, íþróttir og viðskipti.

Þeir Magnús og Kristján fóru inn á "hættulegar brautir" þegar þeir fóru að ræða ágreiningsmál í hjónaböndum. Hvenær á til dæmis að setja uppþvottavél af stað? Er það þegar hún er hálffull eða full? Magnús hefur mjög sterkar skoðanir á því. Er hægt að semja jafntefli við fjall? Er réttlætanlegt að tefla blindskák í kennslustundum? Á þessu hefur Magnús Pálmi einnig svör á reiðum hödum.

Skákárið 2023: Gunnar Björnsson forseti Skáksambands Íslands og Ingvar Þór Jóhannesson FIDE meistari

Útvarp Saga — Wed, 10 Jan 2024 16:21:09 +0000

Ritstjórar www.skak.is, þeir Gunnar Björnsson forseti Skáksambands Íslands og Ingvar Þór Jóhanesson FIDE meistari kíktu í heimsókn á Útvarp Sögu til Kristjáns Arnar Elíassonar í vikulegan þátt hans Við skákborðið. Tilgangurinn var að fara lauslega og á léttu nótunum yfir skákárið 2023, bæði hér heim og erlendis, og að reyna að skyggnast aðeins inn í framtíðina, þ.e. skákárið 2024.

"Hvar er Ding Liren ríkjandi heimsmeistari í skák? Hann hefur ekki snert viðartaflmenn í 236 daga! Þessari spurningu ásamt mörgum öðrum er svarað í þættinum.

Í minningu um Ríkharð Sveinsson formann Taflfélags Reykjavíkur: Endurfluttur þáttur frá því 15. nóvember 2023

Útvarp Saga — Wed, 03 Jan 2024 16:59:15 +0000

Í dag var aftur á dagskrá viðtal sem Kristján Örn Elíasson átti við Ríkharð Sveinsson formann Taflfélags Reykjavíkur 15. nóvember 2023. Ríkharður lést 20. desember s.l. eftir skammvinn veikindi aðeins 56 ára að aldri. Jarðarför hans fór fram frá Grafarvogskirkju í dag að viðstöddu fjölmenni. Til minningar um Rikka, eins og hann var gjarnan kallaður af vinum sínum, var viðtalið aftur flutt í skákþættinum á Útvarpi Sögu í dag.

(Repost E44 from Nov 15, 2023)

Skákævintýri Omars Salama alþjóðlegs skákdómara og skákkennara

Útvarp Saga — Wed, 13 Dec 2023 21:36:53 +0000

Gestur Kristjáns Arnar í skákþættinum í dag var Omar Salama alþjóðlegur skákdómari, skákkennari og eigandi ferðaskrifstofunnar Kleopatra Tours. Omar er frá Egyptalandi en hann fæddist í borginni Alexandríu árið 1980. Þegar hann var 24 ára gamall fluttist hann til Íslands. Hann var varaforseti Skáksambands Íslands um tíma, kosinn framkvæmdastjóri Skáksambands Norðurlanda árið 2021 og sat í skákdómaranefnd Alþjóðaskáksambandsins (FIDE) í 8 ár. Hann hefur gegnt fjölda starfa fyrir íslenska skákhreyfingu og fyrir alheimsskákhreyfinguna, verið vinsæll og eftirsóttur, og ferðast út um allan heim í störfum sínum. Í þættinum talar Omar um unga syni sína, Adam og Jósef, sem eru efnilegir skákmeistarar og skákstarfið á leikskólanum Laufásborg sem hann hóf fyrir nokkrum árum og margt annað áhugavert og skemmtilegt svo sem ferðalög um heimaland sitt, Egyptaland.

Slembiskák: Skákmeistararnir Magnús Pálmi Örnólfsson og Sigurbjörn Björnsson

Útvarp Saga — Wed, 06 Dec 2023 17:22:13 +0000

Skákmeistararnir Magnús Pálmi Örnólfsson og Sigurbjörn Björnsson voru gestir Kristjáns Arnar í skákþætti hans Við skákborðið. Umræðuefnið var Fischer Random eða chess 960 sem á íslensku hefur hlotið nafnið slembiskák. Opinberu Íslandsmóti í slembiskák lauk um helgina með sigri stórmeistarans og stigahæsta skákmanns Íslands Hjörvars Steins Grétarssonar. Sigurbjörn og Magnús Pálmi voru á meðal keppenda og stóðu sig frábærlega, komust í undanúrslit og enduðu í 3. og 4. sæti á eftir alþjóðlega meistaranum Birni Þorfinnssyni sem hafnaði í 2. sæti.

Magnús og Sigurbjörn fóru yfir helstu reglurnar í slembiskák, töluðu um sterkasta slembiskákmót allra tíma sem haldið verður í Þýskalandi í febrúar á nýju ári. Þar munu etja kappi átta af sterkustu skákmönnum heims en þeir eru: Magnus Carlsen Noregi (2830), Fabiano Caruana Bandaríkjunum (2794), Ding Liren Kína (2780), Alireza Firouzja Frakklandi (2763), Vincent Keymer Þýskalandi (2738), Nodirbek Abdusattorov Úsbekistan (2727), Levon Aronian Bandaríkjunum (2723) og Gukesh Dommaraju Indlandi (2720). Aldeilis elo-skákstigin á ferð þarna!

Athygli vekur þó að núverandi heimsmeistari i slembiskák, en mótið fór fram í Reykjavík 2022, Hikaru Nakamura (2788) og fyrrverandi heimsmeistari í slembiskák Wesley So (2752) eru ekki á meðal keppenda. Bandaríkjamennirnir Nakamura og So eru skráðir #3 og #8 á stigalista FIDE yfir sterkustu skákmenn heims.

Sú nýbreyttni varð að þessu sinni að hlustendum gafst kostur á að hringja inn í þáttinn og svara nokkrum "laufléttum" skákspurningum. Í verðlaun var bókin "Einvígi allra tíma" eftir Guðmund G. Þórarinsson en hann var forseti Skáksambands Íslands þegar heimsmeistaraeinvígi Spassky og Fischer fór fram í Laugardalshöllinni í Reykjavík árið 1972.

Fischer: "Keyrðu mig heim til Eugene Torre": Þorvarður Fannar Ólafsson skákmeistari og sölumaður hjá Myllunni

Útvarp Saga — Thu, 23 Nov 2023 16:53:47 +0000

Kristján Örn Elíasson ræðir við Þorvarð Fannar Ólafsson skákmeistara og sölumann hjá Myllunni. Þorvarður bjó í Grindavík og lærði þar mannganginn ungur að árum eða þegar hann var aðeins 5 ára gamall. Í fyrstu tefldi hann aðallega í heimahúsum við ættingja og vini. Blómlegt skáklíf var í Grunnskóla Grindavíkur á þessum tíma og fljótlega varð Þorvarður meðal sterkustu skákmanna skólans. Hann varð skólameistari í skák árin 1984, 1985 og 1986. Sigurinn gaf honum þátttökurétt í Gullbringu-sýslumótinu sem Þorvarður nýtti sér með góðum árangri. Þeir félagarnir fóru um víðan völl í spjalli sínu, m.a. yfir hálfan hnöttinn þar sem þeir lentu á Filippseyjum árið 2009. Þar tók Þorvarður þátt í að kaupa borð, stóla og töfl fyrir nokkra skákáhugamenn sem stofnuðu skákfélag sem hefur vaxið og dafnað allar götur síðan. Þorvarður hefur reglulega heimsótt klúbbinn, tekið þátt í skákmótum en hann segir að hann hafi aldrei teflt við jafn marga sterka stigalausa skákmenn.

Slóð á skákfélagið á Filippseyjum

San Carlos-Negros Chess Club

Ríkharður Sveinsson formaður Taflfélags Reykjavíkur og alþjóðlegur skákdómari

Útvarp Saga — Wed, 15 Nov 2023 15:48:30 +0000

Ríkharður Sveinsson formaður Taflfélags Reykjavíkur og alþjóðlegur skákdómari settist Við skákborðið að þessu sinni. Ríkharður sagði frá stofnun taflfélagsins og starfsemi þess en TR er elsta og eitt virkasta skákfélag landsins, stofnað laugardaginn 6. október 1900 og því 123 ára.

Af vefsíðu Taflfélags Reykjavíkur:

Upphafið að stofnun Taflfélags Reykjavíkur kom frá Danmörku eins og svo margt annað gott á þessum tíma. Þar hafði Pétur Zóphóníasson stundað nám og kynnst starfsemi danskra taflfélaga. Hann sneri nú heim sumarið 1900 og ákvað að láta á reyna hvort hægt væri að stofna taflfélag í Reykjavík. Pétur Zóphóníasson hóf nú að smala saman skákáhugamönnum í Reykjavík og leitað fyrst til móðurbróður síns, Sturlu Jónssonar kaupmanns, sem var ágætur skákmaður. Fleiri bættust í hópinn, m.a. Sigurður Jónsson fangavörður en skák var nokkuð tefld í fjölskyldu hans.

Að lokum var ákveðið að láta „tafllista” liggja frammi á vel völdum stöðum í borginni. Nú skyldi reyna á hvort áhugi væri fyrir stofnun taflfélags í Reykjavík. Hinn 2. október 1900 rituðu forsvarsmennirnir þrír, Pétur, Sigurður og Sturla, auglýsingu og sendu í blöðin. Þar var stofnun T.R. auglýst og áhugasamir menn beðnir að mæta til skráningar.

Stofnfundur T.R. fór fram 6. október 1900 í „húsi Jóns Sveinssonar” trésmiðs í Pósthússtræti 14b á horni Kirkjustrætis. Þar rak dóttir Sigurðar Jónssonar fangavarðar, sem varð fyrsti formaður félagsins, kaffiteríu og leyfði skákmönnum að nota aðstöðuna til skákiðkunar.

Stofnfélagar Taflfélagsins voru 29 talsins, flestir úr „efri millistétt” en þeir voru:

Sigurður Jónsson fangavörður
Pétur Zóphóníansson gagnfræðingur
Sturla Jónsson kaupmaður
Pétur Pétursson bæjargjaldkeri
Friðrik Jónsson kaupmaður
Einar Benediktsson athafnamaður og skáld
Björn M. Ólsen rektor
Indriði Einarsson assessor og skáld
Jakob Jónsson verslunarstjóri
Ingvar Pálsson kaupmaður
Helgi Helgason verslunarstjóri
Júlíus Guðmundsson kaupmaður
Pétur Bogason læknir
Skúli Bogason læknir
Sturla Guðmundsson cand. phil.
Sigurður Guðmundsson prestur
Jens Waage bankastjóri
Ágúst Sigurðsson prentari
Pétur G. Guðmundsson prentiðnmaður
Ólafur Björnsson ritstjóri
Sigurjón Jónsson framkvæmdastjóri
Þórður Sveinsson læknir
Baldur Sveinsson blaðamaður
Magnús Magnússon skipstjóri
Ludvig Andersen heildsali
og fjórir aðrir

Fyrsta stjórn félagsins var skipuð eftirfarandi:

Sigurður Jónsson formaður
Sturla Jónsson gjaldkeri
Pétur Zóphóníasson ritari

Skákdeild Fjölnis: Helgi Árnason formaður og Sigurbjörn Björnsson FIDE meistari

Útvarp Saga — Wed, 08 Nov 2023 17:50:53 +0000

Að þessu sinni settist Við skákborðið hjá Kristjáni Erni Elíassyni Helgi Árnason formaður skákdeildar Fjölnis og fyrrverandi skólastjóri Rimaskóla. Helgi segir að hann hafi fyrst og fremst tengst skákinni í gegnum skólastarf og þá mest eftir að hann tók við starfi skólastjóra við Rimaskóla sem hann gengdi í 26 ár en skólinn var stofnaður árið 1993. Á tíu ára afmæli skólans árið 2003 urðu skáksveitir skólans Íslandsmeistarar bæði í stúlknaflokki og opnum flokki en Helgi segir að skólinn hafi verið með skákstarf frá upphafi og þá aðallega í gegnum tómstundastarf hjá Íþrótta- og tómstundaráði Reykjavíkur (ÍTR). Afraksturinn kom því fljótlega í ljós en á fyrsta borði tefldi Hjörvar Steinn Grétarsson, nú stigahæsti skákmaður landsins, þá aðeins 9 ára gamall. Sigurbjörn Björnsson FIDE meistari og liðsmaður skáksveitar Fjölnis í efstu deild á Íslandsmóti skákfélaga kom svo símleiðis inn í miðjan þáttinn og ræddi við þá Helga og Kristján Örn. Umræðuefnið var meða annars fjölmennt, skemmtilegt og sterkt tveggja daga atskákmót taflfélaga sem lauk í Taflfélagi Reykjavíkur í gærkvöldi með sigri Víkingaklúbbsins og Íslandsmót skákfélaga en skáksveit Fjölnis trjónir þar nú eitt liða á toppnum með fullt hús stiga eftir að fyrri hluta keppninnar hefur farið fram. Ljóst er að baráttan um Íslandsmeistaratitilinn verður á milli skákdeildar Fjölnis, Taflfélags Reykjavíur og Víkingaklúbbsins en síðari hluti keppninnar verður tefldur dagana 29. febrúar til 3. mars á næsta ári.

5 ára planið: Helgi Áss Grétarsson stórmeistari

Útvarp Saga — Wed, 01 Nov 2023 18:55:05 +0000

Helgi Áss Grétarsson stórmeistari og fyrsti varaborgarfulltrúi Sjálfstæðisflokksins í Reykjavík var gestur Kristjáns Arnar Elíassonar að þessu sinni. Margt hefur drifið á daga íslenskra skákmanna að undanförnu og margt spennandi er á dagskrá næstu vikurnar sem þeir Helgi og Kristján Örn fóru yfir í þættinum.

Má þar nefna að í dag hefði Hrafn Jökulsson rithöfundur, blaðamaður og skákfrömuður orðið 58 ára gamall en hann lést á síðasta ári. Vinaskákfélagið heldur glæsilegt hraðskákmót að Aflagranda 40 í Reykjavík síðar í dag til minningar um Hrafn og hafa flestir af sterkustu skákmönnum þjóðarinnar sem eru á landinu boðað þátttöku sína. Forseti Íslands, herra Guðni Th. Jóhannesson, mun leika fyrsta leikinn fyrir Hjörvar Stein Grétarsson stórmeistara á efsta borði.

Helgi sagði frá athyglisverðri og stórskemmtilegri grein sem hann skrifaði í síðasta tölublað Tímaritsins Skák sem hann kallar "5 ára planið" með undirfyrirsögninni "Reynslusaga miðaldra stórmeistara af endurkomu í skákheiminn". Í lok greinarinnar segir hann að aðalatriðið sé að vinna í að bæta ákvarðanir sínar og finna leiðir til að skapa erfiðleika fyrir andstæðinginn, að taka skynsamlegar ákvarðanir. Á þann hátt sé líklegast að maður hámarki árangur sinn á hverjum tíma.

Annað sem þeir félagar ræddu var staðan á Íslandsmóti skákfélaga 2023-2024 sem nú er hálfnað, frábæran árangur Birkis Hallmundarsonar á HM í flokki 10 ára barna og yngri, nýlokinni sterkri mótaröð Bistro-banka í Mosfellsbæ þar sem peningaverðlaun voru ein milljón króna á glæsilegu lokamóti, Uppsala unglingamótið, Hannes Hlífar á HM 50 ára og eldri, Ofurmótið á eyjunni Mön, EM landsliða sem er fram undan og margt fleira áhugavert og skemmtilegt.

Áform um lagasetningu: Halldór Grétar Einarsson FIDE meistari og fyrrverandi varaforseti Skáksambands Íslands

Útvarp Saga — Wed, 25 Oct 2023 16:41:57 +0000

Halldór Grétar Einarsson FIDE meistari og fyrrverandi varaforseti Skáksambands Íslands kíkti í heimsókn á Útvarp Sögu til Kristjáns Arnar í þátt hans Við skákborðið. Aðalumræðuefni þáttarins var áform Mennta- og barnamálaráðuneytisins um lagasetningu en frumvarp um ný heildarlög í skák hefur verið birt í samráðsgátt stjórnvalda. Ráðuneytið telur að gildandi lög hafi valdið vandkvæðum við túlkun í framkvæmd og að svo virðist sem lögin hafi ekki nægilega tryggt að íslenskir skákmenn nái árangri í greininni. Verði af samþykkt frumvarpsins verða tveir lagabálkar felldir á brott, þ.e. lög um launasjóð stórmeistara í skák, nr. 58/1990 og lög um Skákskóla Íslands, nr. 76/1990, og nýr lagabálkur kemur í þeirra stað. Í áformum ráðuneytisins um lagasetninguna er þess jafnframt getið að ákveðnir þættir í gildandi lögum falli ekki nægilega vel að nútíma stjórnsýsluuppbyggingu og að óvenjulegt sé að ítarleg sjálfstæð löggjöf fjalli um skóla sem rekin er af frjálsum félagasamtökum, þ.e. Skáksambandi Íslands.

Birnukaffi: Ólafur Ásgrímsson alþjóðlegur skákdómari og Birna Halldórsdóttir

Útvarp Saga — Wed, 18 Oct 2023 16:48:31 +0000

Gestir Kristjáns Arnar í skákþættinum Við skákborðið að þessu sinni voru hjónin Ólafur Ásgrímsson, alþjóðlegur skákdómari og fyrrverandi bankastarfsmaður og Birna Halldórsdóttir umsjónarmaður veitinga hjá Taflfélagi Reykjavíkur og fyrrverandi stuðningsfulltrúi hjá grunnskólum Reykjavíkur. Þau hafa bæði starfað í skákhreyfingunni í tugi ára, eru vinsæl og öllum þykir vænt um þau.

Tímaritið Skák: Gauti Páll Jónsson og Björn Ívar Karlsson

Útvarp Saga — Wed, 11 Oct 2023 16:51:11 +0000

Gestir Kristjáns Arnar að þessu sinni í þættinum Við skákborðið voru þeir Gauti Páll Jónsson og Björn Ívar Karlsson. Gauti Páll er ritstjóri
tímaritsins Skákar og varaformaður Taflfélags Reykjavíkur. Björn Ívar er skákkennari, fyrrum landsliðsþjálfari kvenna og með þjálfaragráðu frá Alþjóða skáksambandinu FIDE. Einnig situr Björn í ritnefnd tímaritsins Skákar.

Aðalumræðuefni þáttarins var nýútkomið tölublað tímaritsins Skákar en um er að ræða þriðja blaðið í þeirri útgáfu sem hóf göngu sína árið 2022. Einnig var rætt um Íslandsmót skákfélaga sem hefst á morgun í Rimaskóla en keppt er í fimm deildum og eru keppendur á öllum aldri og allt frá byrjendum til stórmeistara. Í þættinum var víðar skotið niður fæti enda hefur margt verið í gangi hjá íslenskum skákmönnum að undanförnu, bæði hér heima og á erlendri grundu.

Sigurbjörn J. Björnsson FIDE meistari segir frá Garry Kasparov - seinni hluti

Útvarp Saga — Wed, 04 Oct 2023 17:13:46 +0000

Sigurbjörn J. Björnsson var gestur þáttarins að þessu sinni. Þátturinn er seinni þáttur í umfjöllun um Kasparov með áherslu á einvígin hans við Karpov en þeir tefldu 5 einvígi um heimsmeistaratitilinn í skák á árunum 1984-1990. Sigurbjörn fór yfir einvígi númer þrjú, fjögur og fimm í þættinum. Einnig var komið inn á vináttu Karpovs og Kasparovs, seinni einvígi Kasparovs gegn þeim Short, Anand og Kramnik, tveggja einvígja við Deep Blue, aðskilnaðinn við FIDE, andstöðu Kasparovs við Pútin í gegnum árin og margt fleira.

Víkingaklúbburinn - Gunnar Freyr og Björn Þorfinnsson

Útvarp Saga — Wed, 27 Sep 2023 16:32:25 +0000

Gunnar Freyr Rúnarsson formaður Víkingaklúbbsins, sjúkraliði og ráðgjafi og Björn Þorfinnsson alþjóðlegur meistari í skák og ritstjóri DV voru gestir Kristjáns Arnar Elíassonar í þætti hans Við skákborðið á Útvarpi Sögu. Gunnar sagði frá aðdraganda að stofnun Víkingaklúbbsins en upphafið var að nokkrir félagar ákváðu að hittust tvisvar á ári í heimahúsi og tefla svokallaða Víkingaskák en þetta var árið 2003. Hvatamaður þessarar hugmyndar var Magnús Ólafsson hugvitsmaður sem fann upp Víkingaskákina árið 1967. Margir höfuð teflt Víkingaskák áður og var meðal annars hópur manna á Ísafirði sem hittist einu sinni á ári og héldu svokallað alheimsmeistaramót. Gunnar nefndir nöfn þeirra Hrafns Jökulssonar og Gylfa Ólafssonar sem orðið hafa alheimsmeistarar en þeir hafi verið fleiri sem hampað hafa titlinum. Þeir félagarnir ræddu um Víkingaklúbbinn, góða félaga og sterka skákmenn klúbbsins og að skáksveit Víkingaklúbbsins hafi fimm sinnum orðið Íslandsmeistari félagsliða í skák. Þeir segja frá skákferðalögum en Víkingaklúbburinn hefur margoft tekið þátt í Evrópumóti taflfélaga. Björn segir skemmtilegar sögur, eins og honum er einum lagið, m.a. söguna frá Makedóníu þar sem honum var "hent" úr landi.

Þorsteinn Þorsteinsson FIDE meistari - Sögur úr íslenskri skákhreyfingu fyrri hluti

Útvarp Saga — Wed, 20 Sep 2023 16:32:00 +0000

Þorsteinn Þorsteinsson, FIDE meistari, ritstjóri Hagstofu Íslands og fyrrverandi markaðsstjóri RÚV var gestur Kristjáns Arnar Elíassonar í þætti hans Við skákborðið á Útvarpi Sögu. Þessi þáttur er sá fyrri af tveimur fyrirhuguðum en í þáttunum segir Þorsteinn frá sjálfum sér og samferðarmönnum sínum. Hann segir skemmtilegar sögur af Benóný Benediktssyni, sterkum karakter sem fæddist árið 1918, en hann var öflugur og mjög frumlegur skákmaður sem batt ekki bagga sína sömum hnútum og samferðarmenn hans. Benóný gladdi marga með skemmtilegum tilsvörum og hnyttnum vísum og hagyrðingur var hann góður og hafsjór fróðleiks. Þorsteinn nefnir fólk eins og Ríkharð Sveinsson, Ólaf Ásgrímsson og Birnu Halldórsdóttur og segir að þetta sé allt fólk sem hafi fórnað ótal stundum af lífi sínu fyrir skákina og að það sé einmitt svona fólk sem vinni verk sín á bak við tjöldin sem sé svo mikilvægt fyrir skákhreyfinguna. Þorsteinn talar um "mömmusyndrómið" og að það eigi einmitt við um þetta fólk. "Mamma eldar, mamma þrífur og heldur heimilinu gangandi án þess að nokkur taki sérstaklega eftir því. En ef mamma hættir að vinna þessi verk finna allir fyrir því og taka eftir því að hún er í raun ómissandi," segir Þorsteinn.

Sigurbjörn J. Björnsson FIDE meistari segir frá Garry Kasparov - fyrri hluti

Útvarp Saga — Wed, 13 Sep 2023 17:05:09 +0000

Sigurbjörn J. Björnsson FIDE-meistari, fyrrverandi skákbókasali og þaulreyndur keppnismaður í skák var gestur Kristjáns Arnar Elíassonar í þætti hans Við skákborðið á Útvarpi Sögu. Þessi þáttur er sá fyrri af tveimur fyrirhuguðum en í þáttunum fjallar Sigurbjörn um Garry Kasparov sem varð yngsti heimsmeistari sögunnar aðeins 22 ára gamall árið 1985 með sigri yfir þáverandi heimsmeistara Anatoly Karpov. Kasparov var heimsmeistari í 15 ár samfleytt eða þar til hann tapaði einvígi við Vladimir Kramnik árið 2000.

Á meðal allra sterkustu skákmanna heims - Stórmeistararnir Friðrik Ólafsson og Jóhann Hjartarson

Útvarp Saga — Wed, 06 Sep 2023 16:38:00 +0000

Gestir Kristjáns Arnar Elíassonar í þættinum Við skákborðið að þessu sinni eru tveir af okkar sterkustu og þekktustu skákmeisturum. Þeir voru á sínum tíma á meðal allra sterkustu skákmanna heims. Þetta eru stórmeistararnir Friðrik Ólafsson og Jóhann Hjartarson.

Friðrik varð fyrsti íslenski stórmeistarinn í skák árið 1958. Hann var forseti Alþjóða skáksambandsins (FIDE) frá 1978 til 1982. Friðrik er eini íslenski skákmeistarinn sem lagt hefur Bobby Fischer að velli – ekki einu sinni heldur tvisvar!

Árið 1980, þegar Friðrik var 45 ára gamall og var hálfnaður með kjörtímabil sitt sem forseti FIDE var honum boðið að taka þátt í afar sterku skákmóti í Buenos Aires í Argentínu. Meðal keppenda var þáverandi heimsmeistari Anatoly Karpov, Larsen, Timman, Ljubojevic, Najdorf og fleiri sterkir skákmenn. Friðrik var ekki að tvínóna við hlutina heldur sigraði heimsmeistarann, sjálfan Antoly Karpov. Slíkt hafði aldrei áður gerst í sögu FIDE, né hefur það gerst síðar, að forseti heimssambandsins hafi lagt ríkjandi heimsmeistara í kappskák. Í afmælisgrein á vefsíðu Alþjóða skáksambandsins árið 2020 þegar Friðrik varð 85 ára segir að þarna hafi Friðrik bætt enn einu glæsilega höfuðleðrinu í stórt safn sitt sem hann átti fyrir.

Jóhann Hjartarson er sá íslenskra skákmanna sem mestum frama hefur náð í skákinni að Friðriki Ólafssyni frátöldum. Með sigri á millisvæðamóti árið 1987 komst hann áfram í undankeppni heimsmeistaramótsins sem haldin var í Kanada árið eftir. Þar tefldi hann einvígi við Viktor Kortsnoj, einn sterkasta skákmann heims á þeim tíma, en Kortsnoj var jafnan kallaður hinn grimmi af kollegum sínum enda tefldi hann ekki til þess að eignast vini. Kortsnoj beitti ýmsum brögðum til að koma ungum andstæðingi sínum úr jafnvægi en hafði ekki erindi sem erfiði - Jóhann sigraði!
Jóhann er yfirlögfræðingur Íslenskrar erfðagreiningar.

Hvað er að gerast í skákheiminum? - Ingvar Þór Jóhannesson FIDE meistari og skákfréttaritari

Útvarp Saga — Wed, 30 Aug 2023 16:45:18 +0000

Ingvar Þór Jóhannesson FIDE meistari og skákfréttaritari kíkti í heimsókn á Útvarp Sögu til Kristjáns Arnar í þátt hans Við skákborðið. Þeir félagarnir ræddu um það helsta sem er að gerast í skákheiminum í dag, nýjustu fréttir, bæði hér heima og erlendis. Þeir fjölluðu um nýlokið heimsbikarmót þar sem fyrrverandi heimsmeistari stóð uppi sem sigurvegari, heimsmeistaramót liða í Þýskalandi, sátt í stóra svindlmálinu þar sem Magnus Carlsen ásakaði Hans Niemann um að hafa svindlað gegn sér á Sinquefield skákmótinu í fyrra, nýkjörna formenn hjá nokkrum íslenskum skákfélögum, félagaskipti nokkurra sterkra leikmanna til Taflfélags Vestmannaeyja, Áskorendaflokk sem nú stendur yfir í húsakynnum Taflfélags Reykjavíkur í Faxafeninu og margt annað fróðlegt og skemmtilegt.

Áskell Örn Kárason formaður Skákfélags Akureyrar og alþjóðlegur meistari í skák

Útvarp Saga — Wed, 23 Aug 2023 16:09:35 +0000

Áskell Örn Kárason, formaður Skákfélags Akureyrar og alþjóðlegur meistari í skák er á símalínunni og talar frá Akureyri við Kristján Örn Elíasson í þætti hans Við skákborðið. Þetta er virkilega skemmtilegt viðtal þar sem Áskell segir frá starfi Skákfélags Akureyrar, hvernig það gangi að halda uppi skáklífi á landsbyggðinni, kennslu í grunnskólum bæjarins síðustu árin, ferðum á Ólympíumót, hvernig hann varð alþjóðlegur meistari í skák og mörgu öðru sem gaman er að.

Halldór Grétar Einarsson, Bolvíkingur, FIDE meistari og stofnandi skákdeildar Breiðabliks

Útvarp Saga — Wed, 16 Aug 2023 16:09:41 +0000

Halldór Grétar Einarsson, Bolvíkingur, FIDE meistari og stofnandi skákdeildar Breiðabliks kíkti í heimsókn á Útvarp Sögu til Kristjáns Arnar í þátt hans Við skákborðið. Þeir félagarnir ræddu um skákuppeldi Halldórs í Bolungarvík, Daða Guðmundsson mentor skákarinnar í Bolungarvík, afmælismót Daða en hann varð áttræður í sumar, helstu þjálfara Íslands í skák að mati Halldórs, formúluna að ala upp unga skákmenn, stefnu í málefnum afreksfólks undir 25 ára (U25), skákstarfið í Breiðablik, skákgolf og margt fleira.

Helgi Áss Grétarsson stórmeistari í skák - Glæsileg mótahrina hjá Helga í sumar

Útvarp Saga — Wed, 09 Aug 2023 16:02:31 +0000

Helgi Áss Grétarsson stórmeistari í skák og fyrsti varaborgarfulltrúi Sjálfstæðisflokksins í Reykjavík er gestur Kristjáns Arnar Elíassonar í þessum þætti. Helgi varð heimsmeistari í skák í flokki 20 ára og yngri aðeins 17 ára gamall árið 1994. Helgi Áss sagði frá magnaðri sigurgöngu sinni á sterku Czech Open skákmótinu í Pardubice sem lauk í lok júlí og einnig frá öðru móti á Leca Chess Open í Porto í Portúgal sem er nýlokið en þar stóð Helgi sig einnig mjög vel. Glæsileg mótahrina hjá Helga í sumar!

Ingvar Þór Jóhannesson FIDE meistari og skákblaðamaður

Útvarp Saga — Wed, 02 Aug 2023 18:00:00 +0000

Ingvar Þór Jóhannesson, FIDE meistari og landsliðsþjálfari kvenna í skák, kíkti í heimsókn á Útvarp Sögu til Kristjáns Arnar í þátt hans Við skákborðið. Þeir félagarnir ræddu um skákmál líðandi stundar, s.s. taflmennsku Íslendinga erlendis í sumar, heimsbikarmótið í Bakú þar sem flestir sterkustu skákmenn heims sitja að tafli, nýjan stigalista frá Alþjóða skáksambandinu og margt fleira. Þeir minntust látins félaga en Alþjóðlegi skákmeistarinn Sævar Jóhann Bjarnason lést síðastliðinn laugardag eftir langvarandi veikindi. Sævar er líklega sá íslenski skákmaður sem hefur teflt flestar reiknaðar kappskákir.

Kjartan Briem, framkvæmdastjóri Isavia ANS ræðir um skákfjölskyldu sína

Útvarp Saga — Wed, 26 Jul 2023 16:45:25 +0000

Kjartan Briem framkvæmdastjóri Isavia ANS, dótturfélags Isavia, kíkti í heimsókn á Útvarp Sögu til Kristjáns Arnar í þátt hans ,,Við skákborðið". Kjartan á sæti í landsliðsnefnd Skáksambands Íslands og er faðir þriggja efnilegra skákungmenna, þeirra Stepans Briem, Benedikts Briem og Guðrúnar Fanneyjar Briem. Kjartan sagði frá íþróttaferli sínum en hann var Íslandsmeistari í borðtennis og keppti með tveimur kynslóðum í landsliði Íslands. Hann spilaði yfir 100 landsleiki á ferlinum. Kjartan talaði um föður sinn, Stefán Briem, sem var öflugur skákmaður og sagði frá börnunum sínum þremur sem öll eru mikið í þróttafólk bæði á sviði skáklistarinnar og knattspyrnunnar.

Garðar Sverrisson rithöfundur og nánasti vinur Bobby Fischers - Seinni hluti

Útvarp Saga — Wed, 19 Jul 2023 15:00:08 +0000

Annan miðvikudaginn í röð ræðir Kristján Örn Elíasson við Garðar Sverrisson, rithöfund og nánasta vin Bobby Fischer á Íslandi. Er þetta í fyrsta sinn sem Garðar ræðir opinberlega um Bobby og nána vináttu þeirra síðustu þrjú árin sem Bobby lifði. Í þáttunum koma fram nýjar upplýsingar um Bobby, æsku hans í New York, viðkvæm fjölskyldumál, sigra og mótlæti, allt frá njósnum til pólitískrar útlegðar. Í þessum viðtölum segir Garðar frá fjölmörgum skemmtilegum atvikum í bland við átakanlega reynslu Bobbys af útlegðinni frá Bandaríkjunum, alvarlegum veikindum og dauðastríði. Þá segir hann í fyrsta skipti frá því sem gerðist á bak við tjöldin þegar Ísland kom Bobby til bjargar og því fjarðrafoki sem varð í aðdraganda útfarar hans.

Garðar Sverrisson rithöfundur og nánasti vinur Bobby Fischers - Fyrri hluti

Útvarp Saga — Wed, 12 Jul 2023 15:54:40 +0000

Garðar Sverrisson rithöfundur var nánasti vinur Bobby Fischers síðustu árin sem hann lifði. Í þættinum ræðir Garðar við Kristján Örn um Bobby vin sinn og sýnir Fischer í alveg nýju ljósi: mannlegan, nærgætinn og vinalegan. Órafjarri ímyndinni um sturlaðan snillinginn eða heiftúðuga ofstækismanninn. Frásögn Garðars veitir nýja innsýn í þann flókna perónuleika sem duldist að baki goðsögninni. Garðar skrifaði bókina "Yfir farinn veg með Bobby Fischer" og segir Edward Winter, þekktur rithöfundur og skákblaðamaður, í umsögn sinni um bókina: "Óvenju upplýsandi og grípandi verk sem ber af öllum þeim fjölda bóka sem skrifaðar hafa verið um Fischer. Á meðan nafn hans lifir verður þessi bók lesin af brennandi áhuga og til hennar vitnað."

Guðni Ágústsson, fyrrverandi landbúnaðarráðherra - Afmælishátíð Fischersetursins

Útvarp Saga — Wed, 05 Jul 2023 16:24:22 +0000

Guðni Ágústsson, fyrrverandi landbúnaðarráðherra kom í heimsókn á Útvarp Sögu til Kristjáns Arnar í þátt hans Við skákborðið. Hann talaði um Bobby Fischer, Friðrik Ólafsson og fyrirhugaða skákhátið á Selfossi um næstu helgi í tengslum við 10 ára afmæli Fischersetursins. Guðni sagði frá hvenær og hvernig áhugi hans á skák hefði kviknað, kynni hans af skáklífinu á Suðurlandi, sterkum skákmönnum í Hraungerðishreppi, á Stokkseyri og á Alþingi. Einnig greindi Guðni frá að pólitísk andstaða hefði verið innan ríkisstjórnarinnar og á meðal æðstu embættismanna um að bjóða Bobby Fischer dvalarleyfi á Íslandi. Hann talaði um dramtíska eftirmála sem þeirri ákvörðun fylgdi en Fischer var veittur íslenskur ríkisborgararéttur þann 22. mars 2005. Guðni telur að sú ákvörðun Alþingis hafi m.a. stuðlað að fyrirvaralausu brotthvarfi varnarliðsins á Miðnesheiði þann 30. september 2006. Margt fleira áhugavert og skemmtilegt kom fram í tali þeirra Guðna og Kristjáns Arnar.

Björn Ívar Karlsson FIDE meistari og skákþjálfari í skemmtilegu skákspjalli

Útvarp Saga — Wed, 28 Jun 2023 16:33:42 +0000

Björn Ívar Karlsson, FIDE-meistari og skákþjálfari, kíkti í heimsókn á Útvarp Sögu til Kristjáns Arnar í þátt hans ,,Við skákborðið". Hann sagði frá ýmsu eftirminnilegu á skákferli sínum og ferðalagi um heiminn, rottugangi í Moskvu, týndum farangri og strangri öryggisgæslu í Bakú, ráni í Búdapest, hnitmiðuðum undirbúningi á heimsmeistaramóti ásamt ýmsu öðru. Hann sagði frá kynnum sínum af þekktum skákmeisturum og kynlegum kvistum í gegnum tíðina og kom einnig inn á starf sitt við beinar útsendingar og tæknimál fyrir Skáksambandið.

Jóhanna Björg Jóhannsdóttir og Björn Ívar Karlsson ræða stöðu stúlkna og kvenna í skák og skákþjálfun barna og unglinga

Útvarp Saga — Wed, 21 Jun 2023 16:04:02 +0000

Jóhanna Björg Jóhannsdóttir, varaforseti Skáksambands Íslands og landsliðskona í skák og Björn Ívar Karlsson FIDE meistari, skákþjálfari og fyrrverandi landsliðsþjálfari kvenna í skák kíktu í heimsókn á Útvarp Sögu til Kristjáns Arnar í þátt hans "Við skákborðið". Þau ræddu stöðu stúlkna og kvenna í íslenskri skákhreyfingu, skákþjálfun barna og unglinga bæði í grunnskólum og hjá skákfélögunum sjálfum og fóru inn á mikilvægi þess að skapa aðstæður þar sem allir geti greint frá atburðum, myndað vinasambönd, og tjáð tilfinningar sínar og hugsanir - þannig yrði framtíðin ávallt björt í íslensku skáklífi.

Valbjörn Jónsson og Björgvin Víglundsson - krafa um skýrari stefnu um ráðstöfun fjármuna í skákhreyfingunni

Útvarp Saga — Wed, 14 Jun 2023 16:50:33 +0000

Valbjörn Jónsson, stöðvarstjóri heilsuræktarstöðvarinnar World Class í Árbæ, fyrrverandi bakari og fyrrverandi Íslandsmeistari í vaxtarrækt og Björgvin Víglundsson skákmeistari og byggingaverkfræðingur kíktu í heimsókn á Útvarp Sögu til Kristjáns Arnar í þátt hans "Við skákborðið". Þeir félagar og frændur töluðu um stórmeistarann Vignir Vatnar og trú þeirra á að hann hafi bæði vilja og getu til að ná langt í skákinni. Þeir segja að skákhreyfingin þurfi að standa betur við bakið á barna- og unglingastarfi en gert er. Þeir ræddu styrktarsjóð Sigtryggs Sigurðssonar glímukappa og að skoða þurfi betur hvernig fjármunum skákhreyfingarinnar sé ráðstafað. Val Skáksambands Íslands á landslið kom til tals, kallað var eftir skýringum sambandsins á fjarveru stórmeistarans Héðins Steingrímssonar í landsliðinu mörg undanfarin ár en hann hefur lengi verið á meðal sterkustu stórmeistara Íslendinga. Þeir ræddu um áherslubreytingar varðandi laun stórmeistara, öflugt starf eldri skákmanna, skákmót í Breiðfirðingabúð hér á árum áður og margt fleira.

VignirVatnar.is - Benedikt Briem og Vignir Vatnar kíktu í skemmtilegt spjall

Útvarp Saga — Wed, 07 Jun 2023 16:32:26 +0000

Ungu vinirnir Vignir Vatnar Stefánsson, nýjasti stórmeistari okkar Íslendinga og nýkrýndur Íslandsmeistari í skák, og hinn efnilegi skákmaður og "tæknigúru" Benedikt Briem kíktu í heimsókn á Útvarp Sögu til Kristjáns Arnar í þátt hans "Við skákborðið". Félagarnir sögðu m.a. frá nýrri vefsíðu sem þeir eru að setja í loftið í næstu viku á léninu www.vignirvatnar.is. Á vefsíðunni verður boðið upp á nokkur hundruð kennslumyndbönd í skák og verða þau öll á íslensku. Einning ræddu þeir um Íslandsmótið í skák sem lauk fyrir hálfum mánuði, íþróttir, framgöngu ungra og efnilegar stúlkna í skák, framtíðarsýn þeirra félaga um skipan landsliðsmála, "Briem-vélina" og margt annað hresst og skemmtilegt.

Sigurbjörn J. Björnsson FIDE-meistari, fyrrverandi skákbókasali og þaulreyndur keppnismaður í skák - síðari hluti

Útvarp Saga — Wed, 31 May 2023 16:46:58 +0000

Sigurbjörn J. Björnsson FIDE-meistari, fyrrverandi skákbókasali og þaulreyndur keppnismaður í skák heimsótti Kristján Örn Elíasson í stúdíóið á Útvarpi Sögu í þátt hans Við skákborðið. Þessi þáttur er sá síðari af tveimur þáttum. Þeir félagarnir ræddu m.a. um Íslandsmótið í skák sem er nýlokið en sérstaka úrslitakeppni þriggja efstu manna þurfi til að skera úr um sigurvegara, ferðalag Sigurbjörns til Belgrad í Serbíu þar sem hann var liðsstjóri Íslendinga á sérstöku Ólympíumóti 16 ára og yngri, áhrif skákar á dægurmenningu á Íslandi, EM taflfélaga, einvígi Mikail Tals og Mikhail Botvinnik um heimsmeistaratitilinn í skák og margt annað fróðlegt og skemmtilegt.

Sigurbjörn J. Björnsson FIDE-meistari, fyrrverandi skákbókasali og þaulreyndur keppnismaður í skák - fyrri hluti

Útvarp Saga — Tue, 23 May 2023 19:03:00 +0000

Sigurbjörn J. Björnsson FIDE-meistari, fyrrverandi skákbókasali og þaulreyndur keppnismaður í skák heimsótti Kristján Örn Elíasson í stúdíóið á Útvarpi Sögu í þátt hans Við skákborðið. Þeir félagarnir ræddu m.a. um þróun skákarinnar frá 1990 og til dagsins í dag, einvígi Jóhanns Hjartarsonar við Viktor Korchnoi árið 1988, Skákþing Reykjavíkur og umgjörð þess, skákferðalög Sigurbjörns um Evrópu og Asíu, mót í Pardubice og Olomouc í Tékklandi, knattspyrnuleiki skákmanna á skákmótunum erlendis og margt annað fróðlegt og skemmtilegt

Bragi Halldórsson fyrrverandi kennari við Mennaskólann í Reykjavík, íslenskufræðingur, þýðandi og skákbókahöfundur

Útvarp Saga — Wed, 17 May 2023 19:09:25 +0000

Kristján Örn Elíasson fær til sín Braga Halldórsson fyrrverandi kennara við Menntaskólann í Reykjavík, íslenskufræðing, þýðanda og skákbókahöfund. Þær félagarnir ræða skákferil Braga, störf hans fyrir skákhreyfinguna, samferðamenn og margt fleira.

Tryggvi Leifur Óttarsson og Ingvar Þór Jóhannesson skákblaðamaður

Útvarp Saga — Wed, 10 May 2023 15:51:34 +0000

Gestir skákþáttarins eru þeir Tryggvi Leifur Óttarsson formaður Taflfélags Snæfellsbæjar (og fyrrverandi framkvæmdastjóri Fiskimarkaðar Íslands nú búsettur í Svíþjóð) og Ingvar Þór Jóhannesson og landsliðsþjálfari kvenna í skák. Farið verður yfir fjölmennt og vel skipað minningarmót um Hrafn Jökulsson og Ottó Árnason sem fram fór í Ólafsvík um síðustu helgi. Einnig verður Íslandsmótinu í skák, sem hefst á mánudaginn næstkomandi, gerð góð skil en mótið í ár verður eitt það sterkasta í sögu Íslandsmótanna. Af tólf keppendum eru átta stórmeistarar en þeirra á meðal er Hannes Hlífar Stefánsson sem er þrettánfaldur Íslandsmeistari í skák.

Oddgeir Ágúst Ottesen yfirþjálfari skákdeildar KR

Útvarp Saga — Wed, 03 May 2023 16:27:01 +0000

Kristján Örn Elíasson fær til sín Oddgeir Ágúst Ottesen yfirþjálfara skákdeildar KR og ræða þeir m.a. um barna- og unglingastarfið hjá KR, skákhátíðina miklu á Selfossi 2019 þar sem 10 fyrrum heimsmeistarar teflu í lokuðum flokki, heimsmeistaraeinvígi Ding Liren og Ian Nepomniachtchi sem er nýlokið en því lauk laugardaginn 29. apríl sl. og fleira áhugavert.

Magnús Pálmi Örnólfsson og Guðmundur Magnús Daðason

Útvarp Saga — Wed, 26 Apr 2023 18:00:00 +0000

Bolvíkingarnir og skákmeistararnir Magnús Pálmi Örnólfsson hagfræðingur MBA og Guðmundur Magnús Daðason sjávarútvegsfræðingur voru gestir Kristjáns Arnar Elíassonar í þættinum Við skákborðið í dag

Bræðurnir og skákmeistararnir Bragi og Björn Þorfinnssynir koma í heimsókn

Útvarp Saga — Wed, 19 Apr 2023 17:08:42 +0000

Kristján Örn fær til sín bræðurna Braga og Björn Þorfinnssyni en þeir eru sterkustu skákbræður Íslands. Bragi er stórmeistari og Björn er alþjóðlegur meistari í skák. Þeir ræða um unglingsárin sín í skákinni, koma aðeins inn á Reykjavíkurskákmótið, heimsmeistaraeinvígi Ding Liren og Ian Nepomniachtchi sem er nýhafið í Astana Kasakstan, ferðir á Ólympíumót, fyrirkomulag landsliðsflokks í skák og fleira áhugavert.

Reykjavíkurskákmótið og heimsmeistaraeinvígið - Ingvar Þór Jóhannesson FIDE meistari og landsliðsþjálfari kvenna í skák

Útvarp Saga — Wed, 12 Apr 2023 17:04:00 +0000

Kristján Örn fær til sín Ingvar Þór Jóhannesson aðstoðarmótsstjóra nýlokins Reykjavíkurskákmóts, FIDE meistara og landsliðsþjálfara kvenna í skák. Þeir ræða um Reykjavíkurskákmótið, heimsmeistaraeinvígi Ding Liren og Ian Nepomniachtchi sem nýhafið er í Astana Kasakstan, ferðir á Ólympíumót, kvennaskák á Íslandi og fleira.

Einar S. Einarsson fyrrverandi forseti Skáksambands Íslands og fyrrverandi forstjóri VISA Íslands

Útvarp Saga — Wed, 05 Apr 2023 17:10:39 +0000

Kristján Örn fær til sín Einar S. Einarsson fyrrverandi forseta Skáksambands Íslands og fyrrverandi forstjóra VISA Íslands. Þeir ræða m.a. um "gömlu góðu dagana" í skákinni, taflmennsku hjá eldri borgurum, samstarf Einars við Hrafn Jökulsson og frelsun Bobby Fischer fyrrverandi heimsmeistara í skák úr japönsku fangelsi.

Reykjavíkurmótið - Ríkharður Sveinsson og Eiríkur Björnsson

Útvarp Saga — Wed, 29 Mar 2023 18:00:00 +0000

Kristján Örn fær til sín Ríkharð Sveinsson formann Taflfélags reykjavíkur og Eirík Björnsson framhaldsskólakennara og stjórnarmann Taflfélags Reykjavíkur. 29. mars 2023

Gunnar Björnsson forseti Skáksambands Íslands og Halldór Grétarsson FIDE meistari og stofnandi Skákdeildar Breiðabliks

Útvarp Saga — Wed, 22 Mar 2023 18:00:00 +0000

Í fyrri hluta þáttarins ræðir Kristján Örn Elíasson við Gunnar Björnsson forseta Skáksambands Íslands um starf Sambandsins, hann sjálfan og Alþjóðlega Reykjavíkurskákmótið 2023. Í síðari hluta þáttarins ræðir Kristján Örn við Halldór Grétar Einarsson FIDE meistara og stofnanda Skákdeildar Breiðabliks um alþjóðlega skákmeistarann Vignir Vatnar Stefánsson en Vignir, sem er félagsmaður í Skákdeild Breiðbliks, náði sínum síðasta áfanga að stórmeistaratitli í morgun er hann sigraði á opnu skákmóti í Serbíu. Vignir Vatnar verður því útnefndur stórmeistari af FIDE í lok apríl eða byrjun maí.

Ingvar Þór Jóhannesson FIDE meistari og landsliðsþjálfari kvenna í skák og Dagur Ragnarsson nýbakaður alþjóðlegur meistari

Útvarp Saga — Wed, 15 Mar 2023 18:00:00 +0000

Í þessum þætti koma þeir Ingvar Þór Jóhannesson FIDE meistari og landsliðsþjálfari kvenna í skák og Dagur Ragnarsson nýbakaður Alþjóðlegur meistari. Rætt verður m.a. um síðari hluta Íslandsmóts skákfélaga sem fer fram í höfuðstöðvum Fjölnis í Egilshöll um næstu helgi.
Einnig verður komið inn á stóra "svindlmálið" sem kom upp í fyrra en ríkjandi heimsmeistari Magnus Carlsen sakaði þá Bandaríkjamanninn Hans Niemann um að hafa svindlað gegn sér í afar sterku skákmóti. Þá segir Carlsen að Niemann hafi gjörsamlega pakkað honum saman í skákinni á Sinquefield-mótinu þar sem málið hófst en eins og frægt er hætti Carlsen í fyrsta sinn á ferlinum í skákmóti eftir að hafa tapað skákinni.

Helgi Ólafsson stórmeistari og skólastjóri Skákskóla Íslands #2

Útvarp Saga — Wed, 08 Mar 2023 18:05:00 +0000

Helgi Ólafsson stórmeistari og skólastjóri Skákskóla Íslands #2

Helgi Ólafsson stórmeistari og skólastjóri Skákskóla Íslands #1

Útvarp Saga — Wed, 01 Mar 2023 20:30:04 +0000

Helgi er einn sigursælasti skákmaður íslands og hefur orðið Íslandsmeistari sex sinnum í kappskák, fimm sinnum í hraðskák og fjórum sinnum í atskák! Helgi varð alþjóðlegur meistari FIDE 1978 og alþjóðlegur stórmeistari 1985. Árið 2009 var Helgi útnefndur FIDE senior trainer sem er æðsti þjálfaratitill Alþjóðaskáksambandsins. Helgi er skólastjóri Skákskóla Íslands.

Helgi Áss Grétarsson stórmeistari í skák

Útvarp Saga — Wed, 22 Feb 2023 18:00:00 +0000

Helgi Áss Grétarsson stórmeistari í skák, fyrsti varaborgarfulltrúi Sjálfstæðisflokksins í Reykjavík og heimsmeistari í skák í flokki 20 ára og yngri aðeins 17 ára gamall árið 1994 er gestur Kristjáns Arnar Elíassonar í þessum þætti.

Gauti Páll Jónsson ritstjóri tímaritsins Skákar

Útvarp Saga — Wed, 15 Feb 2023 14:00:00 +0000

Viðtal við Gauta Pál Jónsson varaformanns elsta og stærsta skákfélags landsins, Taflfélags Reykjavíkur og ritstjóri tímaritsins Skákar. Gauti Páll sem er annálaður skákáhugamaður segir frá sjálfum sér, starfinu í Taflfélagi Reykjavíkur og ræðir um tímaritið Skák sem hann ritstýrir.

Guðmundur G. Þórarinsson - einvígi aldarinnar

Útvarp Saga — Wed, 08 Feb 2023 18:05:00 +0000

Guðmundur G. Þórarinsson verkfræðingur og fyrrverandi forseti Skáksambands Íslands segir frá uppvaxtarárum sínum, ræðir um skák og segir frá "einvígi aldarinnar" sem háð var í Laugardalshöll árið 1972 á milli þáverandi heimsmeistara í skák, Boris Spassky og Robert Fischer.

Næsti stórmeistari - Vignir Vatnar og Halldór Grétar

Útvarp Saga — Wed, 01 Feb 2023 17:00:00 +0000

Kristján Örn Elíasson fær til sín í stúdíóðið þá Vigni Vatnar Stefánsson alþjóðlegan meistara í skák og Halldór Grétar FIDE meistara en þeir ræða m.a. stefnu Vignis á að verða næsti stórmeistari Íslendinga í skák - strax á þessu ári!

Helgi Árnason fyrrverandi skólastjóri Rimaskóla

Útvarp Saga — Wed, 25 Jan 2023 16:00:00 +0000

Helgi Árnason formaður skákdeildar Fjölnis og fyrrverandi skólastjóri Rimaskóla ræðir við Kristján Örn Elíasson stjórnanda þáttarins Við skákborðið um markvissa þjálfun Rimaskóla og skákdeildar Fjölnis en margar rannsóknir hafa sýnt að skákin er ekki bara skemmtileg heldur hefur margvísleg bætandi áhrif á námsárangur og félagsfærni.

Björn Þorfinnsson alþjóðlegur skákmeistari

Kristján Örn Elíasson — Wed, 18 Jan 2023 16:11:03 +0000

Björn Þorfinnsson alþjóðlegur meistari í skák í skemmtilegu viðtali.