பரிசுத்த ஆவியானவரே, எனக்கு ஆவிக்குரிய வரங்களைக்கொடுத்து, சபையாகிய சரீரத்தில் என்னை சரியான இடத்தில் பொருத்தியதற்காக நன்றி.

அன்பான தேவனே, என்னுடைய வார்த்தைகளை உம்மிடம் ஒப்படைக்கிறேன். அவற்றை உம்முடைய நாம மகிமைக்காக பயன்படுத்தும். அவற்றைக் கொண்டு மற்றவர்களை ஊக்குவிக்கவும் உயிர்பிக்கவும் செய்யும்.

தகப்பனே, உம்முடைய பதிலுக்காய் காத்திருக்கும் பொறுமையை எனக்குத் தாரும். நீர் நல்லவர், அன்பானவர், உம்முடைய நேரமும் சித்தமுமே எப்போதும் நேர்த்தியானது என்பதை நான் அறிவேன்.

தகப்பனே, உம்முடைய குமாரனுடைய தியாகத்தில் உம்முடைய இருதயத்தை பார்க்க எனக்கு உதவிசெய்யும்.

இயேசுவே, என்னைச் சுற்றியுள்ளவர்களுக்கு உதவக்கூடிய வழியை எனக்குக் காண்பித்தருளும். எனக்கு தயாள குணத்தைத் தாரும்.

சர்வ மகத்துவமுள்ள தேவனே, நான் தப்புவிக்கப்படவேண்டும். நீர் எனக்கு உதவவில்லையெனில், என் வாழ்க்கை முடிந்துவிடும். தப்புவதற்கு எனக்கு வழியில்லை. ஆகையால் நான் உம்மையே நம்பியிருக்கிறேன். தயவாய் எனக்கு உதவிசெய்யும்.

பரலோகப் பிதாவே, மற்றவர்களோடு சமாதானமாயிருக்க எனக்கு உதவிசெய்யும். நீர் இணைத்ததை நான் எப்போதும் பிரிக்காதிருக்க உதவிசெய்யும்.

பரலோகப் பிதாவே, உம்முடைய குமாரனாகிய இயேசு என்னும் இம்மானுவேலருக்காய் நன்றி. அவருடைய பிரசன்னத்தில் நான் மகிழ்ந்து இன்று என் அன்பை பிரதிபலிக்க உதவிசெய்யும்.

கொடுக்கும் தேவனே, உதாரத்துவமாய் கொடுக்கிறவர்களுக்கும் அதைப் பெற்றுக்கொள்ளுகிறவர்களுக்கும் நிறைவான ஆசீர்வாதத்தைக் கொடுக்கும் உம்முடைய சுபாவத்தினால் என்னை உற்சாகமாய் கொடுக்கப்பண்ணுவதற்காக உமக்கு நன்றி.

அன்பான தேவனே, மற்றவர்கள் உம்முடைய அதியங்களைக் காணும்படி நான் வேதத்திலிருந்து கற்றுக்கொண்டவைகளை அவர்களுக்கு புரியும் விதத்தில் உதாரணப்படுத்தும் வழிகளை எனக்குக் காண்பியும்.

தகப்பனே, வாழ்க்கைப் பாதையில் என்னைவிட வேறுபட்டவர்களை உற்சாகப்படுத்தத் தவறினதற்காய் என்னை மன்னியும்.

அன்பான தேவனே, நான் யாருடையவன் என்பதில் என்னை யார் என்று நினைவுபடுத்தியதற்காக நன்றி. நான் உம்முடையவன்.

பரலோகப் பிதாவே, எல்லா தேவ ஜனத்தோடும் ஒற்றுமையோடு வாழ்வதற்கு என்னுடைய பங்கை நேர்த்தியாய் செய்ய எனக்கு உதவிசெய்யும்.

பரலோகப் பிதாவே, உம்மை ஆராதிக்கவும் உம்முடைய நாமத்தை உயர்த்துவதற்கும் நான் மற்றவர்களை சந்திப்பதுபோல, உம்முடைய நாமத்தில் மற்றவர்களை உற்சாகப்படுத்தவும் எனக்கு உதவிசெய்யும். நான் என்னைக் குறித்து சுயநலமாய் யோசித்து, மற்றவர்களை பொருட்படுத்தாமல் இருப்பதை எனக்கு மன்னித்தருளும்.

தேவனே, இனி இருளில்லை. இருள் என்னை மேற்கொள்ளும் என்று சிலவேளைகளில் நான் அஞ்சுவதுண்டு. என்னுடைய பெரிய ஒளியாயிரும். உம்முடைய ஒளிரும் அன்பை என் மீது பிரகாசிக்கச் செய்யும்.

தேவனே, என்னை தாராளமாய் நேசித்ததற்காக நன்றி. துன்பத்தின் மத்தியிலும் உம்மை மகிழ்ச்சியோடு பின்பற்ற எனக்கு உதவிசெய்யும்.

தகப்பனே, யோபுவின் நண்பர்களைப்போல மற்றவர்களின் பாடுகள் அவர்களுக்கு அவசியமானது என்று நானும் கருதத் தூண்டப்படுகிறேன். குற்றஞ்சுமத்துகிறவனாயில்லாமல், உம்முடைய குமாரனுடைய ஆவியை தரித்தவனாய் வாழ இன்று எனக்கு உதவிசெய்யும்.

தகப்பனே, எனக்காக நீர் செய்தவைகளுக்காய் நன்றி. என்னுடைய விசுவாசத்தை துணிச்சலாய் மற்றவர்களுக்கு பிரசங்கிக்க எனக்கு உதவிசெய்யும்.

தேவனே, நான் என்னைப் பார்ப்பதுபோல நீர் என்னை பார்ப்பதில்லை. அதற்காக நன்றி. உமக்காக சிறியதோ அல்லது பெரியதோ, எதையும் செய்யும், உமக்கு பிரியமான பிள்ளையாய் நான் என்னைப் பார்க்க எனக்கு உதவிசெய்யும்.

அன்பான தகப்பனே, உம்மையும் உம்முடைய ஆசீர்வாதத்தையும் நான் இலகுவாய் எடுத்துக்கொண்டதற்காக என்னை மன்னியும். நீர் எனக்கு செய்த, செய்துகொண்டிருக்கிற அனைத்திற்காகவும் உம்மை கனப்படுத்தவும் துதிக்கவும் நன்றியுள்ள இருதயத்தை எனக்குத் தாரும்.

தகப்பனே, உம்முடைய சித்தத்தை எல்லா வேளைகளிலும் நான் புரிந்துகொள்ளாமல் இருக்கலாம். ஆனால் அதற்கு கீழ்ப்படிவதற்கு எனக்கு உதவிசெய்யும். உம்முடைய உண்மையான நல்ல குணாதிசயங்களை நம்புவதற்கு எனக்குக் கற்றுத்தாரும். கீழ்படிகிற இருதயத்தை எனக்குத் தாரும்.

அன்பான பிதாவே, வாழ்க்கையை மறுரூபமாக்கும் உம்முடைய ஞானத்தினால் என் இருதயத்தை நிரப்பி, உம்மைப் பற்றி மற்றவர்களுக்கு இயல்பாகவும், உண்மையாகவும், தைரியமாகவும் பகிர்ந்துகொள்ள எனக்கு உதவிசெய்யும்.

தகப்பனே, நான் எங்கு இருந்தாலும் என் மீதுள்ள உம்முடைய நிலையான கிருபைக்காக நன்றி.

அன்பான, இரக்கமுள்ள தேவனே, எனக்கு ஏற்படும் காயங்கள் மற்றும் தழும்புகளின் மத்தியிலும் சுகமாக்குதலை சாத்தியமாக்கியதற்காக நன்றி. அன்பில் நேசிப்பதும் மகிழ்வதும் எப்படி என்பதை எனக்குக் காண்பித்ததற்காக நன்றி. மற்றவர்களுக்கு அந்த நம்பிக்கையின் பிரதிநிதியாய் வாழ்வதற்கு எனக்கு உதவிசெய்யும்.

இயேசுவே, நீர் எனக்கு கொடுத்த நிறைவான, பரிபூரணமான வாழ்க்கையை நினைக்கும்போது, என்னை திருப்தியடையச் செய்யும் காரியங்கள் என்று நான் எண்ணுகிறவைகளிலிருந்து என்னை விலக்கிக் காத்தருளும்.

தகப்பனே, உம்மை தொடர்ந்து நம்ப எனக்கு உதவிசெய்யும். உம்முடைய அன்பையும் உண்மைத்துவத்தையும் பார்க்க என் கண்களைத் திறந்தருளும்.

தேவனே, என் மீது இரக்கத்தில் ஐசுவரியமுள்ளவராய் இருந்ததற்காக நன்றி! கிருபையினால் விசுவாசத்தைக் கொண்டு, உம்மிலும் உம்முடைய இரட்சிப்பிலும் நான் மேன்மைப்பாராட்ட எனக்கு உதவிசெய்யும்.

பரலோகப் பிதாவே, நீர் என்னை நேசிக்கிறீர், ஏற்றுக்கொண்டீர், மகிழ்விக்கிறீர் என்பது எனக்கு தெரியும். என்னை உம்முடைய பிள்ளையாய் ஏற்றுக்கொண்டதற்காகவும், நிபந்தனையில்லாமல் என்னை ஏற்றுக்கொண்டதற்காகவும் உமக்கு நன்றி.

தகப்பனே, என்னுடைய மெய்யான அங்கீகாரத்தை அறியமுடியாமல் நான் தடுமாறும்போது உம்மைப் பின்பற்றி, உம்மில் என்னுடைய அங்கீகாரத்தை அறிந்துகொள்ள எனக்கு உதவிசெய்யும்.

தகப்பனே, நீரே என் விருப்பமும் என் மகிழ்ச்சியுமானவர். எந்த தடங்கலும் தடையுமில்லாமல் உம்மை நான் ஆராதிக்க விரும்புகிறேன்.

தேவனே, நான் அதிகம் எதிர்பார்த்து, உம்மை சாதாரணமாய் கருதினேன். உம்முடைய பொறுமைக்காக நன்றி. உம்முடைய அன்பிற்காகவும் நன்றி.

பரலோகப் பிதாவே, உம்முடைய அன்பை இன்னும் அதிகமாய் அறிந்துகொள்ள என் கண்களையும் இருதயத்தையும் திறந்தருளும். உம்முடைய அன்பு ஒன்றே என் வாழ்க்கைக்கு போதுமானது என்பதை நான் உணர எனக்கு உதவி செய்யும்.

அன்பான தேவனே, இத்தகைய அற்புதமான, மாறுபட்ட, அழகான உலகத்தை சிருஷ்டித்தமைக்காக நன்றி. உம்முடைய படைப்புத்திறனை உணரவும் அனைத்தும் உம்முடைய கட்டுப்பாட்டிற்குள் இயங்குகிறது என்பதை அறியவும் எனக்கு உதவிசெய்யும்.

இயேசுவே, என்னுடைய மீட்பரே, உம்முடைய நீதியான ஆளுகைக்கு என்னை ஒப்புக்கொடுக்கிறேன்.

அன்பான தேவனே, உமக்கு ஊழியம் செய்யும்போது நான் தனிமையாய் உணரும் தருணத்தில், உமக்கு செய்யும் ஊழியத்தில் என்னோடு மற்றவர்களும் இருக்கிறார்கள் என்பதை எனக்கு நினைவுபடுத்தும்.

ஆட்டுக்குட்டியானவரே, நீர் இந்த உலகத்தின் பாவத்தையும் என்னுடைய பாவத்தையும் நீக்கிவிட்டீர். பரலோகத்தின் இந்த கலியாணவிருந்துக்கு எனக்கு அழைப்பு கொடுத்ததற்காக நன்றி.

இயேசுவே, திராட்சைச் செடியில் ஒன்றியிருக்கும் கிளைபோல உம்மோடு ஒன்றியிருக்க விரும்புகிறேன்.

சிருஷ்டி கர்த்தாவே, எல்லா நாமங்களுக்கு மேலாக உம்மை உயர்த்துகிறோம். நீர் துதிகளுக்கு பாத்திரர். நாங்கள் உம்மை ஆராதிக்கிறோம்.

தகப்பனே, நான் கிறிஸ்துவை தெளிவாய் பிரதிபலிக்காததற்காக என்னை மன்னியும். உம்முடைய நாம மகிமைக்காகவும் கிறிஸ்துவின் நாம மகத்துவத்திற்காகவும் நேர்த்தியான ஆடையை அணிந்துகொள்ள எனக்கு பெலத்தையும் தைரியத்தையும் தாரும்.

அன்பான பரலோகப் பிதாவே, என்னுடைய தகப்பனாய் இருப்பதற்காகவும், என்னை உம்முடைய பிள்ளையாய் ஏற்றுக்கொண்டதற்காகவும் நன்றி.

தேவனே, உம்மால் மாத்திரமே சாதாரணமானவைகளை அர்த்தமுள்ளவைகளாக்க முடியும். என்னுடைய வாழ்க்கையின் சலிப்பான தருணங்களை உம்முடைய அர்த்தம், மகிழ்ச்சி, மற்றும் ஆச்சரியத்துடன் இணையச் செய்யும்.

கிருபையுள்ள தேவனே, தேவையிலுள்ளவர்களுக்கு இரங்கும் மென்மையான இருதயத்தை எனக்குத் தாரும். உம்முடைய அன்பையும் தயாள குணத்தையும் அவர்களுக்கு பகிர்ந்துகொள்வது எப்படி என்று எனக்குக் காண்பியும்.

தேவனே, என் உபத்திரவத்தில் உம்முடைய ஆறுதலை பெறுவதற்கும் மற்றவர்களை ஆறுதல் படுத்துவதற்கும் எனக்கு உதவிசெய்யும்.

தகப்பனே, உம்முடைய சத்தியத்தையும் அன்பையும் கொண்டு, சந்திப்பதற்கு கடினமான நபர்களுக்காக ஜெபிக்கிறேன். அவர்கள் இரட்சிக்கப்படுவதற்கு ஏதுவான பாதையில் என்னை எடுத்து பயன்படுத்தும்.

நீர் எனக்குக் கொடுத்த பல ஆசீர்வாதங்களுக்காய் நன்றி ஆண்டவரே. நீர் என்னுடைய வாழ்க்கையில் செய்யும் கிரியைக்காய், நான் கைகொட்டி, கெம்பீரசத்தத்தோடே ஆர்ப்பரிக்கிறேன்.

நலமான காரியங்களை உலகத்தில் வைத்ததற்காய் நன்றி தகப்பனே. என்னுடைய ஜீவியத்தை உமக்குகந்த ஜீவபலியாய் மாற்றும்.

அன்பான தேவனே, உம்முடைய குமாரன் மூலமாக புதிய அழைப்பை எங்களுக்கு கொடுத்ததற்காய் நன்றி. எங்களை ஊக்கப்படுத்தி உமக்கு ஊழியம்செய்யும் பொருட்டு உம்முடைய ஆவியானவரை எங்களுக்குள் வாசம்பண்ணும்படியாக கொடுத்ததற்காக நன்றி.

நல்ல தகப்பனே, நீர் என்னைக் குறித்து கெம்பீரமாய் களிகூருகிறீர் என்ற உணர்வு நம்பிக்கையையும் ஆறுதலையும் தருகிறது. நன்றி!

தகப்பனே, நீர் செய்வேன் என்று சொன்னதினால், நீர் கேட்கிறீர் என்கிற நம்பிக்கையோடே உம்மிடத்தில் விண்ணப்பிக்கிறேன்.

பரம வைத்தியரே, வலி மிகுந்த தருணங்களில், வேதனையை கொடுக்காமல் குணமாக்கக்கூடிய வார்த்தைகளைத் தாரும்.

இயேசுவே, உம்முடைய சுவிசேஷத்தை பிரசங்கிக்கும் கருவியாய் என்னை வடிவமைத்ததற்காய் நன்றி. உம்மைக் குறித்து மற்றவர்களுக்கு பகிர்ந்துகொள்ள தேவையான தைரியத்தையும் அன்பையும் உம்முடைய ஆவியானவர் தந்தருளுவாராக.

தேவனே, நாம் உம்மால் சோதிக்கப்படுகிற அனுபவத்திற்குள் இருக்கிறேனா இல்லையா என்று எனக்குத் தெரியவில்லை. எப்படியிருந்தாலும் உம்மையே நாம் நம்புகிறேன். என் எதிர்காலத்தை உம்முடைய கரத்தில் ஒப்புவிக்கிறேன்.

அன்பான தேவனே, நான் நேசிக்கப்படாமல் போய்விடுவேனோ என்ற பயத்தில் என்னோடும் மற்றவர்களோடும் நேர்மையாய் வாழ பயப்படுகிறேன். என் இருதயத்தை மாற்றி, உம்முடைய அன்பு சாத்தியமாக்கக்கூடிய தேவ நாம மகிமைக்காய் வாழும் வாழ்க்கையையும், சுதந்திரத்தையும் மகிழ்ச்சியையும் நம்ப எனக்கு உதவிசெய்யும்.

இயேசுவே, உமக்காக மற்றவர்களுக்கு நான் கொடுக்க விரும்புகிறேன்.

உண்மையுள்ள தகப்பனே, என் வார்த்தைகளின் மூலமாகவும் செயல்களின் மூலமாகவும் மற்றவர்களுக்கு சேவை செய்ய தேவையான அனைத்தையும் எனக்கு தந்தருளும்.

தகப்பனே, வேதத்தின் எல்லா பகுதிகளிலும் இயேசுவைப் பார்க்க என் கண்களை திறந்தருளும்.

தகப்பனே, என் பாவத்தைக் குறித்த குற்றமனசாட்சியிலிருந்து என்னை விடுதலையாக்கிய உம்முடைய மன்னிப்பிற்காய் நன்றி. மற்றவர்களுடைய பாவத்தை விமர்சிப்பதற்கு முன்பாக, என்னுடைய பாவத்தைப் பார்க்க எனக்கு உதவிசெய்யும்.

பரிசுத்த ஆவியானவரே, இன்று என்னை நிரப்பி, கனியுள்ள ஒரு மனிதனாய் என்னை மாற்றும்.

அன்பான தேவனே, என் சத்துருக்களின் பிடியிலிருந்து என் நாவையும் இருதயத்தையும் விடுவியும். இனப் பாகுபாட்டின் தீங்கை உணர என்னை பெலப்படுத்தும். அந்த பாவத்தினால் பாதிக்கப்பட்டவர்களுக்காய் பேச எனக்கு உதவிசெய்யும்.

சத்தியத்தின் தேவனே, உம்முடைய ஞானத்தை நான் சரியாய் விளங்கிக்கொள்ளும்பொருட்டு சத்திய ஆவியானவரை சார்ந்துகொள்ள எனக்கு உதவிசெய்யும்.

அன்பான தேவனே, வாழ்க்கையின் சொற்ப தன்மையை நினைவுகூரவும், இன்று என் வாழ்க்கையை நேர்த்தியாய் வாழவும் உதவிசெய்யும்.

சிருஷ்டி கர்த்தாவே, நீர் என்னை உம்முடைய சாயலாக சிருஷ்டித்துள்ளீர். உம்மை இன்னும் அதிகமாய் நேசிக்கவும், உமக்கு ஊழியம் செய்யும்படியாகவும் என் அழைப்பை உறுதியாய் பற்றிக்கொள்ள எனக்கு உதவிசெய்யும்.

இயேசுவே, என்னை நேசித்ததற்காகவும் மன்னித்ததற்காகவும் உமக்கு நன்றி. என்னால் செலுத்தமுடியாத விலைக்கிரயத்தை நீர் செலுத்தினீர்; என்னால் வாங்கமுடியாத ஒன்றை நீர் எனக்கு பரிசாகக் கொடுத்தீர்.

தகப்பனே, உம்முடைய வார்த்தைகளைக் கேட்பது கடினமாய் தோன்றினாலும் அதை இருதயத்தில் ஏற்றுக்கொள்ள உதவிசெய்யும். மீறுதலின் இருதயத்தை அல்ல, மனந்திரும்புதலின் இருதயத்தைத் தாரும்.

இயேசுவே, நீர் எல்லாம் அறிந்தவராயிருப்பதால் உம்மை துதிக்கிறேன். நான் என்ன கற்றுக்கொள்ளவேண்டும் என்று விரும்புகிறீரோ அதை எனக்குக் கற்றுத்தாரும். முழு இருதயத்தோடும் உம்மை நேசிக்க எனக்கு உதவிசெய்யும்.

அன்பான இயேசுவே, என்னை இரட்சித்து உம்முடைய பந்தியில் நித்தியமாய் சேர்ந்துக்கொண்டதற்காய் நன்றி. நான் உமக்கு அன்பான பிள்ளை என்பதை நினைவுபடுத்தி, உம்மை துதித்து, உம்மையே நம்பியிருக்க எனக்கு உதவிசெய்யும்.

இயேசுவே, சுவிசேஷத்தின் சத்தியத்தையும் அன்பையும் முரண்படுத்தாத வகையில் என்னுடைய உணர்வுகளுக்கு மேலாக மற்றவர்களின் உணர்வுகளைப் பொருட்படுத்த எனக்கு கிருபை தாரும்.

பரலோகத்தின் தகப்பனே, என்னுடைய வாழ்க்கையில் நீர் வைத்துள்ள மக்களின் ஞானமான ஆலோசனைகளுக்கு செவிகொடுக்க எனக்கு உதவிசெய்யும்.

உண்மையான தேவனே, உம்மில் விசுவாசமுள்ள வாழ்க்கை வாழ்வது சாதாரண ஒன்றல்ல. எல்லா தருணங்களிலும் உம்மை நம்புவதற்கும், உமக்கு கீழ்ப்படிவதற்கும் எனக்கு உதவிசெய்யும்.

அன்பான தேவனே,என் கடினமான வாழ்க்கையின் பாதையில் எங்கு செல்வது என்று தெரியவில்லை. பரிசுத்த ஆவியின் துணையோடு அடுத்து நான் என்ன செய்யவேண்டும் என்று எனக்குக் கற்றுத்தாரும்.

தேவனே, உம்முடைய குடும்பத்தில் அங்கத்தினராயிருப்பதை நான் விரும்புகிறேன். மற்றவர்களுடைய வாழ்க்கையில் நான் எவ்வாறு பங்கடைய வேண்டும் என்பதை எனக்குக் காண்பியும்.

என் மேய்ப்பரே, உம்முடைய உண்மைக்காகவும் தயவுக்காகவும் நன்றி! உம்மோடு நிலைத்திருக்க இன்று எனக்கு உதவி செய்யும்.

ஆச்சரியமான தேவனே, நீர் யார் என்பதையும், உம்முடைய மகத்துவ செயல்களையும், நீர் வாக்குப்பண்ணியதையும் எண்ணி, மகிழ்ந்து, உம்மை ஆராதிக்க எனக்கு உதவி செய்யும்.

தகப்பனே, எங்கள் சரீரம் குறைவுபட்டாலும், கிறிஸ்துவின் மீதுள்ள நம்பிக்கையையும், எதிர்கால மகிமையையும் பார்த்து, எங்களுடைய மாம்ச போராட்டங்களை மேற்கொள்ள எங்களுக்கு உதவிசெய்யும்.

அன்பான தேவனே, எனக்கு எது நல்லது என்பதை நீர் அறிந்திருக்கிறீர் என்பதை நம்ப எனக்கு உதவிசெய்யும்.

தகப்பனே, என்னை யார் என்று நீங்கள் சொல்லுகிறீரோ அதுவே நானென்று நம்புகிறேன். உம்முடைய பிள்ளையாய் வாழ எனக்கு உதவி செய்யும்.

பிதாவே, கிறிஸ்துவுக்குள் எங்களை முழுமையடையச் செய்ததற்காக நன்றி. சங்கீதக்காரனோடு சேர்ந்து நானும் “எனக்கோ தேவனை அண்டிக்கொண்டிருப்பதே நலம்” (73:28) என்று சொல்ல உதவி செய்யும்.

அன்புள்ள தேவனே, என்னுடைய மனதைப் புதிதாக்கி என்னை மறுரூபப்படுத்தும்படி உம்மை அழைக்கிறேன். நான் உமக்கு ஒப்புக்கொடுக்கும்போது எல்லாவற்றையும் சாத்தியமாக மாற்றுவதற்காக நன்றி.

அன்புள்ள தேவனே, நீர் உம்முடைய மகிமையை இயேசுவின் மூலம் வெளிப்படுத்தினதற்காக நன்றி. உம்முடைய பிரசன்னத்தை நாள் முழுவதும் நினைவில் கொள்ள உதவி செய்யும்.

அன்பான தேவனே, வாக்குப்பண்ணினதை எல்லாம் செய்து முடிக்கிற வரம்பற்றவர் நீர்.

அன்புள்ள இயேசுவே, உம்மோடு தொடரும் உறவில் ஓய்வெடுக்க என்னை அழைத்ததற்காக நன்றி.

மாறாத தகப்பனே, நான் உணருகிறேன் என்றும் எப்போதும் மாறிக்கொண்டிருக்கும் என் உணர்ச்சிகளை செயல்படுத்த நீர் எனக்கு உறுதியளிக்கிறதற்காக நன்றி.

பிதாவே, புண்ணியம் எதுவோ, புகழ் எதுவோ, இவைகளுக்குப் பின்னால் நீர் இருக்கிறீர் என்பதை அறிவேன். நான் உம்மை நேசிக்கிறேன்.

இயேசுவே, நீர் மட்டும் அளிக்கும் சுதந்திரத்தை நினைவுகூர்ந்து, அதிலே மகிழ்ச்சியோடு வாழ எனக்கு உதவிச் செய்யும்.

தேவனே, நீர் என்னுடைய இருதயத்தை அறிந்திருக்கிறப்படியால் உமக்கு நன்றி. அதற்காகவும் இன்னும் அநேக காரணங்களுக்காகவும் உம்மை நேசிக்கிறேன். என்னுடைய எண்ணங்களை உம்மிடம் வெளிப்படுத்தவும், புரிந்துக்கொள்ள உம்மை நம்பவும் உதவி செய்யும்.

தேவனே, வெகு விரைவாக காரியங்கள் நடைபெறும் இந்தக் காலத்தில், உண்மையை அறிந்துக் கொள்வது பெரும்பாலும் கடினம். கவனமாய் கேட்டு, நிதானித்து உண்மையைப் பேச எனக்கு உதவி செய்யும்.

இயேசுவே, நான் பாவத்தினால் தொலைந்திருந்தபோது என்னைத் தேடி வந்து குழப்பமான வாழ்க்கையிலிருந்து என்னை மீட்டெடுத்ததற்காக நன்றி.

இயேசுவே, எந்தப் புயலைப் பார்க்கிலும் நீர் வல்லமையுள்ளவர். இப்போது நான் எதிர்கொள்ளும் பிரச்சனையில் என்னை நடத்தும்.

பரிசுத்த ஆவியானவரே, மற்றவர்களிடத்தில் அன்பு, சாந்தம் மற்றும் இரக்கத்தைக் காட்ட என்னை நிரப்பும்.

கிருபையுள்ள தேவனே, என்னுடைய வாழ்க்கையில் ஒரு புதிய கண்ணோட்டத்தை உமக்குள் அளித்ததற்காக நன்றி. உம்மோடு நடக்க புதிய வழிகளைப் பார்க்க என்னுடைய கண்களைப் புதுப்பியும்.

அழகான இரட்சகரே, உம்முடைய அற்புதமான வல்லமைக்காக உம்மைத் துதிக்கிறேன். எந்த இருளும் உமக்கு எதிராக நிற்க முடியாது. இன்று உம்முடைய வெளிச்சத்தில் நடக்க உதவி செய்யும்.

பிதாவே, நான் உம்முடைய குமாரன் இயேசுவைப் போல மாற, நீர் என்ளை இரட்சித்து, உருமாற்றியதற்காக நன்றி. என்னை உருமாற்ற உம்முடைய பரிசுத்த ஆவியானவரின் கிரியைக்கு ஒப்புக்கொடுக்க கற்றுத்தாரும்.

இயேசுவே, நீர் பட்சபாதமில்லாதவராகையால் உமக்கு நன்றி. எனக்காக நீர் பாளயத்துக்குப் புறம்பே சென்றதற்காக நன்றி.

தேவனே, வேதத்தை ஜீவனுள்ள பத்திரமாக அனுபவிக்க எனக்கு உதவி செய்யும்.

தேவனே, இயேசுவின் மூலம் நீர் கொடுத்த இரட்சிப்புக்காகவும் நித்திய ஜீவனுக்காகவும் நன்றி. உம்முடைய இரட்சிப்பின் வழிகளை அநேகருக்கு வெளிப்படுத்த உதவி செய்யும்.

அன்புள்ள தேவனே, நான் கடினமான பாதைகளில் நடக்கும்போது, என்னை உம்முடைய ஞானம் மற்றும் மகிழ்ச்சியின் பாதையில் நடத்தும்.

அன்புள்ள இயேசுவே, என்னை இரட்சித்ததற்காக நன்றி. உம்முடைய ஆவியானவர் என்னை உம்முடைய சாயலாக மாற்றட்டும். என்னுடைய மனப்பான்மை மற்றும் செயல்களில் உம்முடைய தாழ்மையையும், தியாகமான அன்பையும் பிரதிபலிக்க உதவி செய்யும். என்னுடைய வாழ்க்கை மற்ற விசுவாசிகளோடு அதிக ஒற்றுமையை ஏற்படுத்தட்டும்.

கடினமான நேரங்களில், இயேசுவே, மற்றவர்களுடைய அன்பு மற்றும் மகிழ்ச்சியின் மூலம் பிரம்மிப்பான அழகைக் காணக்கூடிய தருணங்களுக்காக நன்றி. ஒவ்வொரு நாளும், யாரையும் உலகப் பிரகாரமான கண்ணோட்டத்தில் பார்க்காமல் வாழ உதவி செய்யும்.

தேவனுக்கு பதிலாக மக்களிடமிருந்து உங்களுடைய ஆவிக்குரிய முழுமைக்காக எவ்வாறு நாடிச் சென்றீர்கள்? இயேசு உங்களை முழுமையடையச் செய்தபின் உங்களுடைய திருமணம் அல்லது தனிமையை எவ்வாறு பார்க்கிறீர்கள்?

“உங்கள் எல்லைக்குள்ளே தேவன் வாசமாயிருப்பார்” என்பதை அறிவது தேவன் மேல் உள்ள உங்கள் அன்பை எவ்வாறு அதிகரிக்கிறது? நீங்கள் யாராயிருக்கிறீர்கள் என்பதை புரிந்துக்கொள்ள இது எவ்வாறு உங்களை ஆழப்படுத்துகிறது?

விசுவாசத்தோடும், கீழ்படிதலோடும் தேவனைப் பின்பற்ற எங்கே போராடிக்கொண்டிருக்கிறீர்கள்? உங்களை குணப்படுத்தவும், உங்களுக்கு உதவி செய்யவும் தேவனிடத்தில் எப்படி கேட்பீர்கள்?

தம் பிள்ளைகளின் சொற்பொழிவில்லாத ஜெபங்களை தேவன் எவ்வாறு பார்க்கிறார்? உங்களுடைய வாழ்க்கையில் ஜெபிப்பதை எப்படி ஒரு பகுதியாக மாற்றுவீர்கள்?

ஒரு பெரிய கதையின் சிறிய பகுதியாக வேதவசனங்களை வாசிக்க நீங்கள் எப்போது அணுகினீர்கள்? அழகான, முழுமையான வேதாகம வெளிப்பாடுகளை எப்படி தேவன் உங்களுக்குக் காண்பித்தார் ?