Kerksondermure (KSM)

Colin Smith | Kinders van die Koning

Kerksondermure — Mon, 11 May 2026 10:34:43 +0200

Wie is ek? Waarom is ek hier? Wat moet ek met my lewe maak? Hierdie vrae vorm die basis waar rondom elkeen van ons, ons identiteit bou. Kom luister saam na ‘n gesprek wat ek en jy broodnodig het om te hoor.

Gerrit Visser | Kinders van die Koning

Kerksondermure — Mon, 11 May 2026 10:31:17 +0200

Die Heilige Gees bevestig dat ons kinders van God is en lei ons na ‘n dieper verstaan van ons nuwe identiteit in God. Om dit te weet is ‘n waarheid, om dit elke dag te leef is ‘n avontuur. Kies vandag om die avontuur aan te pak in die waarheid dat jy ‘n kind van die Koning is.

Stephan Joubert | Ek is ‘n kind van God

Kerksondermure — Mon, 11 May 2026 10:30:49 +0200

Ek is ‘n kind van God. Romeine 8 leer my God se straf is af. Ek is regtig vry. Sonde is nie meer my baas nie. Ek is Gees-deurdrenk. Hy roep oor en oor uit in my hart dat ek aan God behoort. Ek praat nou die Gees se nuwe taal.

Stefan Fourie | As die opstanding nie waar was nie, sou hulle dit anders vertel

Kerksondermure — Tue, 05 May 2026 10:22:48 +0200

‘n Kern waarheid van die Christen geloof, is dat Jesus Christus, doodgemaak is, begrawe is, en uit die dood opgestaan het. As dit waar is, kan ons dit op eis, dat Christene die enigste ware God aanbid. Maar as dit nie waar is nie, wat doen ons dan?

Neels Marias | Christus se opstanding verander alles

Kerksondermure — Tue, 05 May 2026 10:22:21 +0200

Ons geloof is nie nutteloos nie. Ons hoop is nie leeg nie en ons toekoms is nie onseker nie. As kinders van die Here kan ons dit met vrymoedigheid sê want God het iets in ons midde kom doen. Jesus het uit die dood opgestaan, God het Hom opgewek en dít verander alles! Christus anker ons geloof en hoop en ons toekoms is ín Hom.

Stephan Joubert | Meer Lewe vir Meer mense – Deel in die stories waarmee God besig is

Kerksondermure — Tue, 28 Apr 2026 12:04:13 +0200

Jesus nooi ons in sy verhaal in. Dis nooit andersom nie. In Jesus se nabyheid deel ons in sy oorwinning oor die bose magte. ByJesus hoor ons ook hoe klink "the roar of the lambs." So klink die nuwe oorwinningsverhale wat Jesus se uitgestuurdes kom vertel met hulle terugkoms (Lukas 10:1-16). Dan nooi Jesus hulle selfs nog dieper in sy eie narratief in as hulle by Hom hoor dat hulle grootste vreugde moet wees dat hulle name in die hemel opgeteken is. So klink die nuwe verhaal van meer lewe waaraan meer mense vir altyd mag deelhê.

Neels Marais | Meer Lewe vir Meer mense – Deel in die stories waarmee God besig is

Kerksondermure — Tue, 28 Apr 2026 12:03:49 +0200

Hoe kan ek geluk vind? Hoe kan ek meer blydskap ervaar? Is ons “high performance culture” die antwoord? Daar is iets in ons almal wat hou van prestasie. Dit is lekker om te wen. Ons geniet dit om eerste te kom. Sukses smaak soet. Dis betekenisvol om vir die Here te werk. Maar tog leer die Here ons dat ons nie primêr ons vreugde in hierdie tipe goed moet vind nie. Die bron van ons diepste vreugde lê daarin dat God ons ken. Hy weet alles van ons en kies steeds om ons name in die hemel op te skryf

Gerrit Visser | Meer Lewe vir Meer mense – Deel in die stories waarmee God besig is

Kerksondermure — Tue, 28 Apr 2026 12:03:18 +0200

Wanneer die 72 volgelinge van Jesus terugkom is hulle vol vreugde. Hulle vertel van wonderwerke en getuig van God se liefde vir ander. Daardie verhale kan deel wees van jou lewe ook.

Stefan Fourie | Meer Lewe vir Meer mense – Ons is die Getuies!

Kerksondermure — Mon, 20 Apr 2026 09:16:39 +0200

Om mense van Jesus te vertel, is baie keer vir Christene moeilik. Waar begin ek? Wat moet ek sê? Hoe moet ek dit doen? En is dit selfs my plek om dit te doen? Die Lukas evangelie is duidelik: Christene is boodskappers, boodskappers van ‘n iets groter as hulself.

Colin Smith | Meer Lewe vir Meer mense – Ons is die Getuies!

Kerksondermure — Mon, 20 Apr 2026 09:14:22 +0200

In die nuus vandag, of eerder die NUUS SOPAS ONTVANG! Met gespitste ore luister almal aandagtig na dié gebeure wat die wêreld indringend gaan verander... Ons ken hierdie tipe aankondigings al te goed, en tog is daar ‘n aankondiging wat selfs groter is, genoem die euangellion. Hierdie week sien ons hierdie NUUTSTE NUUS, DIE BESTE NUUS in aksie.

Stephan Joubert | Meer Lewe vir Meer mense – Ons is die Getuies!

Kerksondermure — Mon, 20 Apr 2026 09:12:14 +0200

Jesus is nie net ons Verlosser aan die kruis nie. Dit ook, Goddank! Maar Hy is ook die Here van ‘n nuwe koninkryk. En ons is sy weerlose weermag van lammers tussen die wolwe. Ons “wapens” is seënende hande, gebed, en die Goeie Nuus dat God aangebreek het. Nogtans is ons uitgestuur op gesag van Jesus en God Self.

Gerrit Visser | Meer lewe vir meer mense – Missio Dei – God is reeds daar

Kerksondermure — Thu, 16 Apr 2026 15:23:53 +0200

God weet wat ons as mense nodig het. Wanneer ons getuig van die liefde wat in ons harte is aan onbekendes, is God reeds daar. Jesus stuur ons na plekke waar die Heilige Gees reeds besig is. Ons sluit aan by Sy werk in die wêreld.

Neels Marais | Meer lewe vir meer mense – Die Missio Dei

Kerksondermure — Thu, 16 Apr 2026 15:22:51 +0200

Ons as kinders van die Here het geen rede om te twyfel oor wie ons is nie. Ons identiteit lê daarin dat die Here ons as sy getuies in die wêreld instuur. Jesus sê self: “Soos die Vader my gestuur het, stuur ek julle.” Hy stuur ons egter nie om God êrens heen te vat waar Hy nog nie is nie. Die Here stuur jou om raak te sien waar Hy lankal reeds aan die werk is. Hy gaan ons vooruit en beloof om ons besoeke op te volg.

Neels Marais | Daar is ‘n beter opstanding

Kerksondermure — Thu, 16 Apr 2026 14:20:10 +0200

Ons Christelike hoop is nie blote optimisme nie, dit word gebou op dit wat God in Christus gedoen het. Hebreërs 11:35b beskryf mense wat marteling, verlies en selfs die dood verduur het, omdat hulle gehoop het op ’n “beter opstanding”. Hierdie “beter opstanding” beteken méér as om net weer lewendig te word soos bv. Lasarus of Jaïrus se dogter. Dit verwys na die finale opstandingslewe saam met God, waar lyding en die dood finaal oorwin is.

Colin Smith | Daar is ‘n beter opstanding

Kerksondermure — Thu, 16 Apr 2026 14:18:25 +0200

“Hy leef, Hy leef, Hy leef hier in my hart”, lui die lied... maar hoe is dit moontlik en wat beteken dit as ons sê daar is ‘n beter opstanding vir die gelowiges? Kom hou stil by Heb.11 en ontdek die beter opstanding in Jesus.

Stefan Fourie | Jesus smeer aan ons af

Kerksondermure — Thu, 16 Apr 2026 14:17:32 +0200

Ons kyk na die Heilige week, deur die lens van die Hebreër skrywer. Hebreërs probeer die gordyn weg trek, sodat ons iets anders en nuut kan sien, van wie Jesus is en wat Hy doen.

Neels Marais | Jesus as finale offer

Kerksondermure — Thu, 16 Apr 2026 14:16:55 +0200

Wie bid vir jou? Wie dra jou op die hart? Wie is ‘n 100% vir jou? Wie is die een, die enigste een, wat jou sonde kan wegneem? Vanuit Levitikus 16 leer ons dat die Hoëpriester al hierdie dinge tot ‘n mate gedoen het. Maar in Christus het ons ‘n nuwe Hoëpriester. ‘n Hoëpriester wat vir ewig bly en wat vir eens en altyd ál ons sonde weggeneem het. Die opgestane Christus is die een wat jou op die hart dra en deurentyd vir jou bid.

Colin Smith | Jesus as finale offer

Kerksondermure — Thu, 16 Apr 2026 14:16:00 +0200

Die Tabernakel en al sy elemente klink dalk vir ons vreemd, totdat ons oë opgemaak word vir elke element daarin. Hebreërs help ons om verder te kyk, dieper te kyk en te sien hoe elke deel van die Tabernakel op Jesus, die volmaakte offer, dui.

Gerrit Visser | Jesus smeer af aan ons

Kerksondermure — Thu, 16 Apr 2026 14:14:19 +0200

Jesus se dood aan die kruis is die grootste gebeurtenis in die wêreld. Wanneer ons weer daarna kyk het dit ‘n impak op ons – dit smeer af aan ons.

Stefan Fourie | Jesus is meer as net ‘n Verlosser – Jesus is die Voorloper!

Kerksondermure — Mon, 30 Mar 2026 10:22:32 +0200

Die Hebreër skrywer begin sy brief deur te sê: “Daar is niemand soos Jesus nie!” Jesus is die absolute Middelpunt, maar daar is meer aan Hom as wat ons baie keer raaksien. Jesus se werk het nie net by die kruis gestop nie, maar ons word uitgenooi om verder te kyk, verby die kruis en die GOUD van ons geloof raak te sien.

Gerrit Visser | Jesus as voorloper

Kerksondermure — Mon, 30 Mar 2026 10:21:50 +0200

Die skrywer van die brief van Hebreërs kyk verder as die kruisiging van Jesus. Hy wys vir ons hoe Jesus vandag in ons lewens is. Hy wys vir ons dat Jesus voor loop, maak nie saak waar ons gaan nie.

Stephan Joubert | Min of Meer – vra vir Petrus

Kerksondermure — Mon, 23 Mar 2026 10:16:06 +0200

Petrus se ontbyt saam met Jesus is in een woord aardskuddend. Pleks dat Jesus hom herinner aan die feit dat hy Hom drie keer verloën het vra Jesus drie keer vir Petrus: “Het jy my lief?” Hierdie aardskuddende vrae en antwoorde word opgevolg deur drie opdragte aan Petrus. Jesus leer hom dat liefde meer as lippetaal is. Dit lei tot ‘n nuwe lewe van diens en medelye

Stefan Fourie | Min of Meer ... Nikodemus

Kerksondermure — Mon, 23 Mar 2026 10:13:33 +0200

Die realiteit van ons wêreld is dat meeste mense nie kerk toe gaan nie. Hulle is nie kwaad vir die kerk nie, en wil dit ook nie afbrand nie, maar loer van buite af in. Nikodemus, ‘n karakter wat selfs Johannes in sy evangelie van skryf, is ook so ‘n persoon wat van buite af inloer, en dan stadig maar seker nader aan Jesus beweeg.

Neels Marais | Min of Meer ... Nikodemus

Kerksondermure — Mon, 23 Mar 2026 10:10:17 +0200

Ons as mens wonder dikwels oor baie aspekte van ons geloof. Ons wonder oor die oorlog in Iran en of ons gebede ‘n verskil sal maak. Ons wonder oor al die leed en swaarkry in die wêreld. Andere kere weer het ons baie vrae oor dit wat ons in die Bybel lees. Nikodemus was ‘n gelowige wat baie vrae gehad het. Wat merkwaardig is, is dat hy met al sy vrae na die Here Jesus toe gegaan het. Ons Here het sy vrae verwelkom en oor tyd heen sien ons hoe sy geloof in Hom gegroei het – soveel so dat hy die man was wat Jesus Christus ná die kruisiging begrawe het.

Stephan Joubert | Min of Meer ... Tomas

Kerksondermure — Mon, 16 Mar 2026 10:08:11 +0200

Spyt kom altyd te laat, sê hulle. Gelukkig het Tomas 'n tweede kans gekry. Hy was afwesig toe Jesus die eerste Sondagaand na sy opstanding aan die dissipels verskyn het. Hy was nie oortuig dat Jesus leef nie. Tomas wou sy eie post mortem doen. Maar toe daag Jesus die tweede Sondagaand weer op. En Hy nooi Tomas na Hom toe. Daar en dan het sy oë oopgegaan. Tomas se belydenis: "My Here en my God," verwoord sy nuwe ontmoeting met Jesus. Dit is jou en my belydenis ook as Jesus ons met oop arms ontvang.

Johan Smith | Min of Meer ... Tomas

Kerksondermure — Mon, 16 Mar 2026 10:07:44 +0200

Jesus moet meer word en jy minder. Jesus moet belangriker word en jy onbelangriker. Dis geestelike groei. Dis hoe jou geestelike pad moet wees en moet lyk. Met hierdie boodskap leer ons meer deur te kyk na die lewe van Tomas. Ja, daardie Tomas wat die merke aan Jesus se hande wou sien. Hy kom in ‘n diep en uiters intieme verhouding met Jesus - so ‘n mooi verhouding dat elkeen van ons daarna moet smag en streef.

Colin Smith | Minder verwagting, meer vervulling

Kerksondermure — Mon, 09 Mar 2026 09:35:51 +0200

Ons diepste begeerte vir “minder van myself en meer van Jesus”, kan beteken dat ek soms teleurgesteld word in my verwagting. Wanneer Jesus my vertrou met die “nie weet nie”, moet ek mooi oplet...

Gerrit Visser | Marta en Maria: Wanneer minder en meer alles verander

Kerksondermure — Mon, 09 Mar 2026 09:35:26 +0200

‘n Broer. Twee susters. ‘n Dorpie met min betekenis. Iemand sterf. Jesus daag dan op. ‘n Wonderwerk. Radikale verandering. Minder en meer is woorde wat herdefinieer word. ‘n Dorpie met min betekenis kry nuwe betekenis. Twee susters. ‘n Broer. ‘n Nuwe roeping.

Neels Marias | Moenie Sy stilte as afwesigheid interpresteer nie

Kerksondermure — Mon, 02 Mar 2026 15:34:02 +0200

As kinders van die Here het ons soms die ervaring dat die Here ons nie so gou help as wat ons wil hê Hy ons moet help nie. Ander kere voel dit vir ons of die Here “wegstap” van ons problem af. Die verhaal van Johannes die Doper wys vir ons dat ons nie die Here se stilte as sy afwesigheid moet interpreteer nie. Hy is God en sy planne is nie ons planne nie en sy denke is nie ons denke nie.

Johan Smith | Minder of meer – Johannes die Doper

Kerksondermure — Mon, 02 Mar 2026 09:56:58 +0200

In die lewe vandag is dit vir baie mense belangrik om raak gesien te word. Hulle wil graag belangrik wees. Om dit reguit te stel: om great te wees is baie se doelwit wat hulle najaag. Dis tyd dat ons tot stilstand kom en diep dink en besin oor wat is waarlik belangrik in die oë van die Here. Wat is dit waarna Hy kyk en soek om ware greatness raak te sien? Kom ons leer van en by Johannes die Doper – iemand wat ‘n groot en belangrike rol in die geskiedenis van die wêreld speel. Sy lewe vanaf geboorte tot sy sterwe is een aangrypende verhaal en ook ‘n les vir ons almal: word jy minder sodat hierdie God, vir wie niks onmoontlik is nie, meer kan word in jou lewe.

Colin Smith | ‘n Maaltyd soos geen ander nie

Kerksondermure — Mon, 23 Feb 2026 11:21:40 +0200

‘n Maaltyd soos geen ander, ‘n fees waarna jy genooi is – save the date en sien jou Sondag

Fanie Venter | Ken en vertrou

Kerksondermure — Mon, 23 Feb 2026 11:17:04 +0200

‘n Mens vertrou baie moeilik iemand wat jy nie ken nie. Vandag beantwoord ons die vraag of dit dalk ook waar kan wees in ons verhouding met God.

Neels Marias | Hou jou oog gevestig op Jesus, ten spyte van die storms

Kerksondermure — Mon, 16 Feb 2026 11:38:11 +0200

Elke dag is daar e-posse, druk, teleurstellings, onsekerheid oor die toekoms en bekommernisse oor ons familielede. En êrens in die middel van dit alles sal ons oë begin dwaal. Ons sal na die golwe kyk. En stadig — amper sonder dat ons dit agterkom — sal ons ophou om na Hom te kyk.
Maar Jesus se uitnodiging is nie: “Probeer harder” nie. Sy uitnodiging is: “Moenie bang wees nie. Kyk na My, sien raak dat Ek by jou in hierdie storm is.”

Fanie Venter | Hou aan hoop

Kerksondermure — Mon, 16 Feb 2026 10:18:56 +0200

Vir die lewe op sy beste, ook buite jou gemaksone het ons iets baie besonders nodig. Mens noem dit hoop. Maar is hoop altyd genoeg?

Stephan Joubert | As jy moet vra, loop of klim, doen dit saam met Jesus

Kerksondermure — Mon, 09 Feb 2026 09:24:04 +0200

Geloof loop soms hardepad. Vra vir Johannes die Doper. In Matteus 11 is hy in die dodesel. Johannes se geloof kos hom alles. Is dit die moeite werd? Gelukkkig doen Johannes een goeie ding met hierdie twyfelvraag. Hy maak sy probleem Jesus S'n. Johannes gaan vra Jesus via sy eie dissipels of Hy regte die Messias is. Johannes vat sy twyfel na Jesus toe.

Petrus doen ook in Matteus 14 die regte ding met sy eie vrees in die midde van 'n storm op die See van Galilea. Terwyl hy dit waag om Jesus te toets ("Here, As U U is!") vra hy nogtans of hy na Jesus toe kan loop. Spoedig faal Petrus se geloof en hy trap gate in die water. Maar dan gryp Jesus Petrus se hand vas en tel hom terug in die boot waar hy behoort. Daar aanbid almal vir Jesus.

Saam met Johannes en Petrus leer ons dat ons met ons twyfel en kleingeloof na Jesus toe moet loop. Selfs al sink ons langs die pad, is Hy naby om ons te vang en na daardie spasies toe terug te bring waar ons Hom nogmaals kan aanbid.

Stefan Fourie | Vrees: Ons Grootste Vyand om in beweging te kom

Kerksondermure — Mon, 09 Feb 2026 09:21:23 +0200

Vrees is baie keer die grootste vyand in ons lewens, wat ons verhoed om te beleef hoe groot en almagtig God is. In Petrus se lewe, sien ons dat ‘n beweging - of dit nou uit vrees of waagmoed was - een is waar Petrus ontdek dat God reeds teenwoordig is in sy situasie.

Gerrit Visser | Die seisoene van vrees en vertroue

Kerksondermure — Mon, 09 Feb 2026 09:18:28 +0200

Van die dag wat ons gebore word moet ons ander vertrou. Almal se unieke reise bevat verskillende ervarings van vrees en vertroue. Dit is die dinge wat ons bang maak, wat ons help om te verstaan wie ons is, en ook wie ons nie hoef te wees nie. Dit skep ook die potensiaal vir nuwe seisoene van vertroue. Jesus leer baie oor vertroue en vrees.

Johan Smith | Die tragedie van die onoopgemaakte geskenk

Kerksondermure — Mon, 02 Feb 2026 09:06:00 +0200

God is ‘n vrygewige God. Hy seën sy kinders met gawes. Sy bedoeling met gawes is dat dit eintlik geskenke (gifts) is wat ons moet gaan uitdeel in hierdie stukkende wêreld om dit ‘n beter plek te maak. Hierdie geskenke is Hy ernstig oor, want elke mens is vir Hom belangrik. Hy vra van sy kinders opoffering en diensbaarheid ter wille van ander. Hy wil nie hê ons moet die geskenke onoopgemaak laat nie. Dit moet uitgedeel word! Dit moet gebruik word! Dit moet mense se lewens aanraak en verander! Luister gerus na God se hart uit sy Woord oor die onoopgemaakte geskenke

Colin Smith | Die Tragedie van: As ek maar net...

Kerksondermure — Mon, 02 Feb 2026 08:42:19 +0200

”As ek maar net...” het jy dit dalk al gesê? Wel jy is nie alleen nie. Kom luister saam, voor jy dalk jou woorde moet sluk.

Stephan Joubert | Om die Here te toets is om te kry wat jy vra!

Kerksondermure — Mon, 26 Jan 2026 10:33:29 +0200

Toe kry Petrus wat hy wou hê: sy waterloop! Toe nooi Jesus hom uit om op die stormwater te kom loop. Dit het hy nie sien kom nie. Petrus en die ander dissipels het gedink Jesus is 'n spook. Hy het Jesus juis so 'n bietjie getoets: As U regtig U is..." Maar Petrus het een goeie ding gedoen. Hy het bygevoeg: "Sê ek moet na U toe kom.' Toe kry hy sy wens. Toe loop Hy na Jesus toe, die groot "Ek is." Toe word sy toets waar.Maar toe wag Jesus hom ook met genade in toe hy begin sink. Dis wie Jesus is. Hy verhoor ons versoeke en Hy help ons as ons gate in die water trap.

Gerrit Visser | Geroep om uit die boot te klim

Kerksondermure — Mon, 26 Jan 2026 10:30:51 +0200

Net na Jesus die dissipels met ‘n boot oor ‘n meer gestuur het, steek daar ‘n storm op. Die dissipels was bang, en toe kom Jesus na hulle aangestap op die water. Hy is kalm op die onveilige water, en hulle vreesbevange in die veilige boot. En toe roep Jesus hom, die brawe een, uit op die oop water – na veiligheid.

Neels Marais | Geroep om uit die boot te klim

Kerksondermure — Mon, 26 Jan 2026 10:27:58 +0200

Soms voel dit vir ons of ons in die middel van ‘n storm heeltyd die wind van voor kry. Ons swem onder die golwe en in die donker nag wonder ons waar die Here is. Matteus 14 nooi ons uit om juis in sulke omstandighede ons oë oop te hou vir die Here wat naby is. Ons word uitgenooi en uitgedaag om Sy stem te gehoorsaam en om uit die boot te klim sodat ons kan wees waar Hy is.

Colin Smith | Die rede vir ons bestaan

Kerksondermure — Mon, 19 Jan 2026 10:38:55 +0200

Ontdek die Jesuslewe is die inspirerende verwoording van Kerksondermure se bestaansrede. Daar is egter ‘n gevaar as ons die volgorde verkeerd kry. In Gal. 2 help Paulus ons om hierdie slaggat te vermy.

Fanie Venter | Die rede vir ons bestaan

Kerksondermure — Mon, 19 Jan 2026 10:32:49 +0200

Neels Marais | Die Messias belowe seën, maar eis (liefdevolle) geregtigheid

Kerksondermure — Mon, 12 Jan 2026 15:59:53 +0200

Stephan Joubert | Jesus is... regtig Immanuel

Kerksondermure — Mon, 05 Jan 2026 14:36:46 +0200

Gerrit Visser | Die God wat was, die God wat is, die God wat bly

Kerksondermure — Mon, 05 Jan 2026 14:36:13 +0200

Colin Smith | Geloof is...

Kerksondermure — Mon, 05 Jan 2026 14:35:13 +0200

Colin Smith | 'n Lig het geskyn

Kerksondermure — Mon, 05 Jan 2026 14:34:50 +0200

Stefan Fourie | Wat is God se wil vir my, in 2026

Kerksondermure — Mon, 05 Jan 2026 14:31:28 +0200

Aan die begin van die jaar, vra mense dikwels die vraag: ‘Ek wonder wat die nuwe jaar vir my gaan inhou.’

Vir Christene is die vraag baie keer niks anders as om te vra: ‘Ek wonder wat is God se wil vir my in hierdie jaar nie.’

In hierdie boodskap ontdek ons dat ons kan weet wat God se wil is, wat dit is, en hoe ons ons lewens daarmee kan belyn.

Colin Smith | Wees sterk en vasberade in 2026

Kerksondermure — Mon, 05 Jan 2026 08:53:48 +0200

‘n Nuwe jaar is op hande – ‘n jaar vol nuwe geleenthede, maar ook uitdagings. Op weg na die onbekende leer ons by Josua kosbare wyshede waarmee ons hierdie jaar kan binnegaan.

Stefan Fourie | Jesus bring ‘n swaard vir die siel

Kerksondermure — Tue, 30 Dec 2025 09:43:34 +0200

In vandag se boodskap stop ons by Simeon, ‘n ou oom, wat twee profesieë oor Jesus uitspreek. Hy meld twee dinge wat Jesus gaan kom doen. Eerstens, Jesus gaan konflik bring tussen mense, en tweedens, Jesus gaan konflik bring binne mense. Vandag ontdek ons wat dit beteken.

Fanie Venter | ‘n Lig het geskyn...

Kerksondermure — Tue, 30 Dec 2025 09:41:33 +0200

Kersfees is nie ‘n sentimentele verhaal nie en help ons daarom om realisties te kyk na ons lewe in hierdie wêreld. Dis ‘n donker wêreld (nie hopeloos nie), waarin ons nooit ons weg sal vind nie, tensy Jesus ons Lig is nie.

Gerrit Visser | Die God wat was, die God wat is, die God wat bly

Kerksondermure — Tue, 30 Dec 2025 09:39:48 +0200

Wanneer ons dink aan engele wat mense besoek dan dink ons aan Maria, Sagaria, Elisabet... Ons vergeet soms dat Jesus se aardse pa, Josef, ook deur ‘n engel besoek was in ‘n droom. Daardie ontmoeting help ons om te verstaan wie Jesus regtig is, gister, vandag, en tans hier.

Colin Smith | Geloof is...

Kerksondermure — Tue, 30 Dec 2025 09:39:13 +0200

Kersfees kondig die grootste gebeurtenis in die geskiedenis aan: GOD HET MENS GEWORD. Dié gebeurtenis vra van jou en my om dit nie net te hoor nie, maar juis van harte te glo. Maar wat is geloof? Ons sien in die Kersverhaal hoe Maria se geloof gevorm word en juis daarin sien ons ‘n model vir ons eie geloof. Kom ontdek saam wat Geloof is...

Neels Marais | Vier waarhede uit Jesus se geslagsregister

Kerksondermure — Mon, 08 Dec 2025 13:36:13 +0200

Ons almal het soms die ervaring dat die Here baie lank vat om ons gebede te verhoor. Die geslagsregister van Jesus Christus herinner ons daaraan dat die Here altyd sy beloftes hou. Hy hou sy woord, Hy kom sy beloftes na, maar dikwels voel dit of hy talm. Ons taak en voorreg is om te bly wag op die Here. Hy is nooit laat nie.

Fanie Venter | God se hart in ‘n lys

Kerksondermure — Mon, 08 Dec 2025 12:31:21 +0200

Matteus begin sy vertelling van die Kersverhaal met ‘n lang, op die oog af, amper uitputtende geslagsregister. Wanneer ‘n mens hierdie lys name lees, kan jy amper nie wag om dit agter die rug te kry, sodat jy by die aksie kan uitkom nie.

Maar jy sal ‘n fout maak om dit oor te slaan, want in hierdie geslagsregister is daar ‘n paar uiters betekenisvolle waarhede. Waarhede wat vir ons so baie vertel van Wie God is en van wie ons is.

Gerrit Visser | ‘n Antieke loflied vir moderne mense

Kerksondermure — Wed, 03 Dec 2025 10:42:14 +0200

Lukas se evangelie begin met drie lofliedere aan God deur verskillende mense. Jy kan elkeen van daardie lofliedere deel maak van jou lewe in hierdie Kerstyd, en veral omdat ons vandag die doop van kinders ook vier.

Johan Smith | Wees gehoorsaam....dis dade en aksie

Kerksondermure — Mon, 24 Nov 2025 10:06:21 +0200

Gehoorsaamheid is vir die Here belangrik – nie omdat Hy die baas of werkgewer is nie, maar juis omdat Hy jou Vader is. Hy wil hê jy moet gehoorsaam wees ter wille van jou oorvloedige- en oorwinningslewe. Kom ons leer by mense soos Abraham, Daniël en ook Petrus oor die vrug van gehoorsaamheid. Terselfdertyd moet ons diep bewus wees dat die Evangelie alleen gehoorsaamheid moontlik maak in ons lewens. Kom ons kom in beweging! Kom ons gaan oor tot aksie! Kom ons verheerlik God met gehoorsame lewens.

Gerrit Visser | “Lig en duisternis en ‘n onverwagse fees”

Kerksondermure — Mon, 17 Nov 2025 09:04:53 +0200

Vandag neem ons ’n eerlike reis deur Psalm 88, een van die donkerste psalms in die Bybel. Ons ontdek saam hoe God dikwels in ons diepste donkerte werk — soos tydens Jesus se geboorte in ’n stal vol skaduwees en Sy dood aan die kruis, waar Hy self die duisternis binnegaan om lig te bring. Die preek nooi jou om te sien hoe geloof ook in stilte groei, hoe lig selfs in die nag kan skyn, en hoe God telkens van ons donkerste oomblikke ’n onverwagse fees van hoop en genade maak.

Stefan Fourie | Hoe maak ek met donker tye?

Kerksondermure — Mon, 17 Nov 2025 09:02:39 +0200

Hoe maak ek met donker tye? Wat moet ek doen wanneer dit voel asof die Here van my vergeet het, en my net verlaat het? Wat moet ek doen wanneer dit voel asof duisternis ‘n beter vriend is, as God? Psalm 88 help ons om nuwe perspektief te kry op hierdie vrae, en help ons om opnuut te ontdek wat Jesus se kruisdood regtig vir ons beteken.

Johan Smith | Die geboortegrond van dankbaarheid

Kerksondermure — Mon, 10 Nov 2025 09:12:48 +0200

Vandag se kultuur, en heeltemal te veel mense in hierdie kultuur, is ondankbaar en ontevrede. Dit, terwyl die Here wil hê sy volgelinge moet leef met oorloop-harte propvol dankbaarheid. Wel, dit is nie altyd maklik nie, want die lewe is met tye ingewikkeld en uitdagend. In hierdie boodskap gesels ons oor ‘n wonderlike geestelike dissipline wat jou prakties, hande en voete, kan help om ‘n dankbare mens te wees. Leer dit aan, doen dit gereeld en leef met ‘n hart vol dankbaarheid!

Stephan Joubert | Vanaf "yesterday's hero" na 'n gestuurde van God

Kerksondermure — Mon, 10 Nov 2025 09:10:27 +0200

Elia is uit op sy voete aan die begin van 1 Konings 19. Hy vlug vir sy lewe. In die woestyn vra hy selfs vir God om 'n einde aan dit alles te bring. Dan daag 'n engel by hom op met lewenskos, want God het 'n nuwe onmoeting met Elia in gedagte. Hy wil Homself opnuut openbaar aan sy kneg op sy heilige berg waar Hy ook vir Moses ontmoet het. Hierna loop Elia terug op sy eie spore, maar nou doen hy dit met 'n nuwe doel en roeping. God verander ons ook deur Sy Gees wanneer ons Hom reg ontmoet.

Stefan Fourie | Die groot vraag: Hoe kan ek in verhouding met God staan?

Kerksondermure — Mon, 03 Nov 2025 08:42:39 +0200

Miga vra die belangrikste vraag wat enige iemand kan vra. Die vraag is: Hoe kan ek, as klein swak mens, met die ewige en hoë God, in verhouding wees? Miga gee twee verkeerde antwoorde, en dan eers kom hy by die regte antwoord uit. In hierdie preek ontdek ons wat dit is.

Colin Smith | Maak Jesus sigbaar

Kerksondermure — Mon, 03 Nov 2025 08:39:34 +0200

Ons lees reeds in die eerste hoofstuk van die Bybel dat die mens as beeld van God geskape is. Hierdie beeld het egter ernstige skade gekry en moes herstel word. Wat het gebeur en natuurlik, wat nou? Hoe neem ons deel aan die herstel-proses? Daarom vandag se tema: Maak Jesus sigbaar.

Colin Smith | Die genade van vrygewigheid

Kerksondermure — Mon, 27 Oct 2025 09:10:38 +0200

Dit is die tyd van die jaar waar ons geskenke koop. ‘n Tyd van GEE. Daarom is dit ook gepas dat ons nadink oor die geskenk van GEE, aldus vrygewigheid. Ons ontdek vanuit die gelykenis van die ryk jongman dat geld gevaarlik kan wees vir ons geestelike lewe en daarom die vraag: Wat is die antwoord vir dié gevaar?

Fanie Venter | Hoe lyk ‘n Christen?

Kerksondermure — Mon, 27 Oct 2025 09:07:15 +0200

Die andersheid van die eerste gelowiges het tot gevolg gehad dat die vroeë kerk dramaties gegroei het. Een van die mees sigbare uitdrukkings van hulle andersheid was hulle radikale vrygewigheid. Vandag gaan ons kyk na twee dinge wat hulle gemotiveer het om so te leef en na wat dit vir ons lewens vandag beteken.

Gerrit Visser | Om dieper te kan luister

Kerksondermure — Mon, 20 Oct 2025 09:52:52 +0200

Om dieper te luister gaan nie net oor die mense in ons wêreld nie. Dit gaan ook oor hoe ons God hoor. Jesus kom leer ons hoe om op drie verskillende maniere te luister. Elk daarvan leer ons iets van wie Hy is, wie ons as mense is, en hoe ons die Jesuslewe nog meer kan ontdek.

Johan Smith | Leef met ....Jesus se hart vir die behoeftiges

Kerksondermure — Mon, 20 Oct 2025 09:49:58 +0200

Dis nie ‘n positiewe waarneming as ‘n mens opmerk dat die wêreld se verre meerderheid mense in armoede leef nie. Met ander woorde, ons praat van behoeftig en hulle sukkel om in hul eie en hul gesin se basiese behoeftes te voorsien. Dis ‘n daaglikse oorlewingstryd. Verseker is hierdie realiteit vir die Here belangrik en praat Hy daaroor in sy Woord. Die wagwoorde van ‘n gelowige in hierdie wêreld behoort dankbaarheid en vrygewigheid te wees. Leef met oop harte en oop hande. Reageer soos Jesus met ‘n diep en werklike liefde wat omgee en uitreik na behoeftige mense. Jy word geseën om ‘n seën te kan wees. Kom ons gaan leef dit!

Fanie Venter | Kyk na my

Kerksondermure — Mon, 13 Oct 2025 08:58:18 +0200

Ons gesels oor die verlamde man by die Mooipoort in die Tempel. Die Heilige Gees laat Jesus se volgelinge anders kyk na ander en laat ons anders optree teenoor ander.

Colin Smith | Hoe gaan dit, PA

Kerksondermure — Mon, 13 Oct 2025 08:56:30 +0200

‘n Vriend van my het gebruik dikwels die gesegde: Moeilikheid is ons besigheid... dit kan sekerlik vir baie dinge staan, maar dan ook vir die KERK, nie waar nie? Deur die eeue heen is die Kerk bekend daarvoor dat daar nie gevlug word vir moeilikheid nie, maar eerder na dit toe getreë word. Sedert die opstanding van Jesus het hierdie beweging die wêreld getref juis omdat dit NA die nood toe beweeg het. Vandag staan ons stil by twee manne van die Bybel – een uit die OT en een uit die NT wat beide in moeilike omstandighede vir ons wys hoe gelowiges leef met ‘n ander perspektief as dié om hulle.

Stephan Joubert | Wysheid vir die pad tot by die wederkoms: Vier padwysers!

Kerksondermure — Mon, 06 Oct 2025 09:59:34 +0200

Jesus is op rekord in Matteus 24-25 dat die wederkoms onverwags gaan plaasvind. In vier gelykenisse vertel Hy dan vir ons hoe ons met geloof en wysheid moet leef tot en net die dag van die Here. Ons moet eerstens soos goeie werkers wees wat omgee vir mekaar (Matteus 24:45-51). Ook moet ons soos wyse jongmeisies by ‘n bruilof wees wat hemelse olie in ons lampe het Matteus 25:1-12). Tussendeur moet ons woeker met die kosbare skatte wat God aan ons elkeen toevertrou (Matteus 25:14-30). Ons moet uiteindelik ook die goeie skape op die dag van die Here wees wat met medelye en omgee leef tot by die wederkoms (Matteus 25:31-46).

Gerrit Visser | Jesus, kinders, grense

Kerksondermure — Mon, 06 Oct 2025 09:56:35 +0200

“Jesus wys in Markus dat kinders oor alle grense heen – ryk of arm, binne die ‘regte’ groep of buite dit, onbelangrik of gesien – die hart van die Koninkryk is. Hoe ons kinders ontvang en in hulle belê, wys hoe ons Hom self ontvang.”

Stefan Fourie | Kom in, sonder moeite

Kerksondermure — Mon, 06 Oct 2025 09:49:10 +0200

“Moet dit nie moeilik maak vir hulle om by God uit te kom nie.” Dit is Paulus se appèl aan gelowiges, want hy verstaan dat Jesus nog altyd mense wou laat inkom, en deel maak van God se familie. Jesus kom demonstreer dat selfs die kleinste kindertjies vir Hom belangrik is, en daarom moet die volgende generasie net so belangrik wees vir die kerk om seker te maak dat hulle sonder moeite kan inkom.

Johan Smith | ’n Lewe vol... veerkragtigheid

Kerksondermure — Mon, 29 Sep 2025 09:49:59 +0200

Die woord “veerkragtigheid” word baie wyd gebruik. Dis ‘n tipe van gewilde in-woord - selfs ietwat van ‘n cliché. Sê die Woord enige iets daaroor? Is dit enigsins op God se hart vir sy kinders? Die realiteit is dat dit gereeld met almal, gelowiges en ongelowiges uitdagend en swaar gaan. Verseker is veerkragtigheid belangrik. Verseker is veerkragtig in die eerste plek ‘n Woord-beginsel. Luister en leer uit die Woord oor die belangrike saak.

Stephan Joubert | Moenie so skrik vir die wederkoms nie

Kerksondermure — Mon, 29 Sep 2025 09:47:20 +0200

Nooit het die Nuwe Testament bedoel dat die wederkoms as bangmaak-materiaal moet wees nie. Of dat die datum deur mense bereken moet word nie. Die dag van die Here kom onverwags (1 Tessalonisense 5:1-2). Jesus beplan geen voortydige ontruimingsaksies voor die wederkoms nie (Johannes 17:13-15). Tot by die wederkoms leef ons lig en in die Here se lig (1 Tessalonisense 5:4-5). Ons sien uit na die Dag van die Here. Almal wat reeds in Christus gesterf het en almal wat nog leef gaan Hom feestelik op die wolke gaan verwelkom hier op sy nuwe aarde (1 Tessalonisense 4:13-18). Ons sien uit na die dag van die Here waar Hy gaan feesvier saam met ons oor al die goeie vrugte van geloof wat ons hier op aarde gelewer het (Filippense 1:10-11)

Gerrit Visser | die WINS van die huis

Kerksondermure — Mon, 22 Sep 2025 10:05:52 +0200

Jesus daag ons uit om nuut te dink oor hoe lief God ons het in die verhaal van die verlore seuns. Vanuit die verhaal vind ons 4 letters wat 'n akroniem word vir 4 woorde. Daarom kan ons as gelowiges vandag sê die huis maak altyd WINS.

Neels Marais | die WINS van die huis

Kerksondermure — Mon, 22 Sep 2025 08:57:08 +0200

Iets gebeur wanneer argitekte en bouers saamwerk om ‘n indrukwekkende gebou te bou. As “lewende stene” is die Here besig om ons as gelowiges in sy geestelike huis in te bou. In dié huis, wat ons vandag die kerk noem, aanbid ons God, ons ontdek ons identiteit en ons word deel van ‘n netwerk van Christene wat die voorreg het om saam te dien. Maak jouself tuis in Sy huis!

Colin Smith | Die vyand glimlag as ons hierdie dinge glo

Kerksondermure — Tue, 16 Sep 2025 09:10:55 +0200

Dit het op ‘n Sondag begin toe Jesus opgestaan het en ’n leë graf vol getuienis agtergelaat het.

Dit het op ’n Sondag begin toe ‘n groep wat besig was om weg te kruip die lewende Here gesien en gehoor het toe Hy sê: Vrede vir julle.

Sedertdien leef die Kerk vanuit die hoop wat Sondag bring. Sondag bevestig dat Jesus is wie Hy gesê het Hy is en juis daarom ontdek, leer en leef ons die Jesuslewe want Sondag bring hoop. Hierdie groep mense, die ekklesia is ’n beweging wat gans anders is. Kom ontdek saam die dinge waaroor die vyand glimlag as ons dit glo, want om ekklesia te wees sal ons waaksaam moet wees hiervoor.

Stefan Fourie | Die vyand glimlag as ons hierdie dinge glo

Kerksondermure — Tue, 16 Sep 2025 09:01:18 +0200

In hierdie reeks oor die kerk, word ons herinner dat die vyand alles in sy vermoë sal doen:

· om die kerk te weerhou om te verstaan wat God se plan vir die kerk is en

· ons te weerhou om deel te neem aan hierdie missie waarvoor God ons so duidelik roep.

Neels Marais | ’n Kerk soos hierdie

Kerksondermure — Mon, 08 Sep 2025 09:49:24 +0200

Ons Here Jesus Christus, wat die hoof van die kerk is, wil hê dat ons ‘n sekere tipe kerk sal wees. Hy wil hê ons moet ‘n kerk wees waar sondaars welkom is. Ons moet ‘n kerk wees wat kan partytjie hou as mense terugdraai na God en Hy wil hê dat ons ‘n kerk sal bly wat klein is in haar eie oë. Kom verbind jouself opnuut weer aan die kerk wat die liggaam van Christus is.

Fanie Venter | ’n Kerk soos hierdie

Kerksondermure — Mon, 08 Sep 2025 09:46:57 +0200

Ons praat in hierdie reeks oor die kerk waaroor Jesus droom en wat Hy besig is om te bou. In die verhaal van die verlore seun ontdek ons dat hierdie kerk nie styf of ontoeganklik is nie, maar ’n plek wat die vreugde en omhelsing van die Vader weerspieël. Die verhaal is ook ons verhaal, daarom kan ons saam met Jesus bou aan ‘n kerk soos hierdie.

Gerrit Visser | Ek glo daarom wil ek graag deelneem aan die ete van die Here

Kerksondermure — Mon, 01 Sep 2025 09:31:54 +0200

Die vroeë kerk was bekend as mense wat saam rondom tafels ontmoet het – vir meer as net iets om te eet. Dit was hulle daar ontdek het, is vandag nog inspirasie vir ons ontdekking van Jesus.

Johan Smit | Ek glo daarom wil ek graag deelneem aan die ete van die Here

Kerksondermure — Mon, 01 Sep 2025 09:29:59 +0200

Die ete van die Here, of Nagmaal, is altyd spesiaal. Dis ‘n geleentheid waar geloofsbroers en -susters saam om die tafel sit en terug dink aan die kruis en ook die leë graf. Dis ‘n feesgeleentheid juis omdat Jesus jou en my duur gekoop het en daarom kan ons saam sê en bid: “Ons Vader”. Dis ‘n voorreg om deel van ‘n geloofspan en geloofsfamilie te wees waar elkeen mekaar liefhet, aanvaar en saam woeker en ‘n verskil maak in hierdie wêreld. Wees deel van hierdie tyd van refleksie en ook fees. Wees deel van hierdie fees saam met ander.

Fanie Venter | Ek glo, daarom wil ek vry wees van my verlede

Kerksondermure — Mon, 25 Aug 2025 09:47:03 +0200

Ons almal maak foute – maar God se genade is groter as ons skuld én ons skaamte. Soos Petrus wat Jesus verloën het en tog herstel is, wil Jesus jou ook ontmoet en herstel.

Stefan Fourie | Ek glo, daarom wil ek vry wees van my verlede

Kerksondermure — Mon, 25 Aug 2025 09:32:55 +0200

Ek dink nie ek is verkeerd as ek sê dat elkeen van ons al iewers in ons lewe gesukkel het met die gedagte dat God my kan vry maak van my verlede nie. Meeste van ons het al iewers gewens dat die lewe net ‘n undoknoppie het. Die realiteit is dat die lewe ongelukkig nie so met ons werk nie. Ons verlede haal ons baie keer in, en dan voel ons skuldig en skaam. “Wat moet ek maak om vry te kom van my verlede” is die vraag wat ons baie keer mee worstel. Hierdie boodskap help ons om te ontdek dat God anders na ons kyk, as wat ons na onsself kyk.

Colin Smith | Ek glo daarom sukkel ek soms wanneer die lewe so onregverdig is

Kerksondermure — Mon, 18 Aug 2025 09:20:42 +0200

Is jy al getref deur onreg of onregverdigheid? Sukkel jy as gelowige wanneer die wêreld so onregverdig is? Hoe maak gelowiges wanneer onreg jou tref? Hierdie week praat ons reguit oor die onregverdigheid van hierdie wêreld en hoe ons as gelowiges daardeur kan werk. Ek glo, daarom sukkel ek wanneer die lewe so onregverdig is...

Johan Smith | Ek glo daarom sukkel ek soms wanneer die lewe so onregverdig is

Kerksondermure — Mon, 18 Aug 2025 09:13:59 +0200

Ek dink jy sal saam stem: die lewe is onregverdig. Dit is eintlik ‘n aanname van die lewe. Slegte goed gebeur met baie goeie mense. Gereeld is ek en jy op die plek van “hoekom” en “waarom”. Verseker kan ons God nie verstaan nie, maar ons kan Hom ken en dit is wat geloof uiteindelik is: om God diep en innig te ken, om ‘n naby pad met Hom te stap en intieme verhouding met Hom te hê. Ons leer baie hiervan by Job – ‘n baie goeie mens, ‘n werklike opregte mens wat ‘n mooi pad saam met die Here stap. En dan……..dan val alles uitmekaar en inmekaar. Kom ons leer van geloof in moeilike, seer en onvolmaakte tye uit die verhaal van Job.

Fanie Venter | Ek glo daarom sukkel ek soms wanneer die lewe so onregverdig is

Kerksondermure — Mon, 18 Aug 2025 09:10:15 +0200

Ons leef in ‘n wêreld waarin dinge dikwels skeef loop. Op die groot wêreldtoneel, maar ook in ons persoonlike lewens. Wanneer dit gebeur beleef gelowiges baie kere dat die lewe onregverdig is. Vandag kyk ons na mense uit die Bybel se verhale om te probeer sin uitmaak van hierdie onregverdige onlogiese belewenisse. In ander woorde: is daar enige sin in ons persoonlike hartseer, pyn en teleurstelling?

Stephan Joubert | Ek glo daarom wil ek my nie só bekommer nie

Stephan Joubert — Mon, 11 Aug 2025 10:15:40 +0200

Bekommernis is 'n geloofdief. Dit steel ons vreugde en vrede. Die enigste geneesmiddel is om geloof-vol te wees. Om Christus van harte te ken is om in sy vreugde te leef en in sy vrede. Dit is om nuut te dink. Dit is om met medelye tussen ander mense te leef. So 'n deurleefde geloof slaan kommer hok.

Johan Smith | Ek glo daarom wil ek my nie só bekommer nie

Johan Smith — Mon, 11 Aug 2025 10:15:22 +0200

Almal is bekommerd. Dis soms die politiek, of dalk die ekonomie, moenie jou kinders en hulle skoolprogramme weggooi nie. Dan is dit jou persoonlike finansies, of jou gesondheid. Bekommernis is ‘n hindernis en uitdaging vir almal. Jesus het 2 000 jaar gelede al ernstig, reguit en prakties daaroor gepraat. Hy gee raad en het duidelike grense en riglyne wat bekommernis aanbetref. Bekommernis en die hantering daarvan word deeglik in Matteus 6 as deel van die Bergpredikasie bespreek. Luister gerus na Jesus se goeie raad in hierdie boodskap.

Johan Smith | Ek glo daarom wil ek God beter leer ken

Johan Smith — Mon, 04 Aug 2025 12:01:22 +0200

Om God te ken en van God te weet, is twee verskillende dinge. Deur genade kan ‘n mens werklik in ‘n verhouding met die Here staan en vanuit die genade leef as ‘n nuwe mens. In ‘n verhouding met Jesus maak Hy jou lig en ‘n lieflike geur in hierdie donker wêreld. Soms is die liggie bietjie flou en die “geur” nie so lieflik nie. Ons fokus op 4 dinge. Dit sal help om God beter te ken, ‘n dieper verhouding met Hom te beleef en jou lig helder te laat skyn.

Stefan Fourie | Ek glo daarom wil ek God beter leer ken

Stefan Fourie — Mon, 04 Aug 2025 11:28:31 +0200

Het jy al gewonder oor jou geloofslewe, en gewonder en self getwyfel of jy dit regtig verstaan en ten volle beleef? Of dalk het jy al gevra, doen ek hierdie Jesuslewe-ding reg? Baie van ons sukkel met ‘n tipe van reddings-teologie en vergeet dat Jesus ons eintlik geroep het tot ‘n verhouding met Hom. Wanneer ek God net wil gebruik sodat ek gered kan word, dan mis ek iets groter van ‘n lewe vol betekenis met Hom. In hierdie boodskap ontdek ons dat hierdie verhouding waarvan Jesus praat, is nie om jou in die Hemel te kry nie, maar om die Hemel in jou te kry.

Colin Smith | Ek glo daarom wil ek God beter leer ken

Colin Smith — Mon, 04 Aug 2025 11:20:20 +0200

"Om die Here te ken, is die Ewige Lewe”, so sê Jesus in Johannes 17:3. Maar hoe groei ek in hierdie kennis? Hoe groei ek in my verhouding met Hom? Kom ontdek saam vyf maniere waarop ek en jy die Here regtig beter kan leer ken.